2 დეკემბერს დაბადებული ადამიანები ხშირად სანდომიანი, წყნარი ადამიანის შთაბეჭდილებას ტოვებს, თუმცა...
დეკემბერი, მეათე თვეა რომაული კალენდრის მიხედვით (ლათინურად decem — ათი), გრეგორიანული კალენდრით კი მეთორმეტე თვედ ითვლება. მისით სრულდება წელიწადი. იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლოგიურად ეს თვე ორ, რადიკალურად განსხვავებულ ზოდიაქოს ნიშანს - თავქარიან, ოპტიმისტ, მაწანწალა მშვილდოსანს და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისებად, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.
როგორია 2 დეკემბერს დაბადებული ადამიანი
2 დეკემბერს დაბადებული ადამიანები, მანიპულაციის უნარითა და ძლიერი მაგნეტიზმით გამოირჩევიან. მართალია, მათი უმრავლესობა ხშირად ერთობ სანდომიანი, წყნარი ადამიანის შთაბეჭდილებას ტოვებს, თუმცა საქმე საქმეზე თუ მიდგა, სწორედ ამ ინდივიდებს გააჩნიათ უნარი საზოგადოება საკუთარი ნიჭიერებითა და სიმამაცით გააოცონ.