19 დეკემბერს დაბადებული ადამიანები ზედმეტად ხისტი და პირდაპირი ხასიათით გამოირჩევიან
დეკემბერი, მეათე თვეა რომაული კალენდრის მიხედვით (ლათინურად decem — ათი), გრეგორიანული კალენდრით კი მეთორმეტე თვედ ითვლება. მისით სრულდება წელიწადი. იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლოგიურად ეს თვე ორ, რადიკალურად განსხვავებულ ზოდიაქოს ნიშანს - თავქარიან, ოპტიმისტ, მაწანწალა მშვილდოსანს და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისებად, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.
როგორია 19 დეკემბერს დაბადებული ადამიანი
19 დეკემბერს დაბადებული ადამიანები ზედმეტად ხისტი და პირდაპირი ხასიათით გამოირჩევიან. ალალებს და გულმართლებს, ხშირად უძნელდებათ თვალი აარიდონ სიყალბეს ისე, რომ მძაფრი რეაგირება არ გამოხატონ უსამართლობის წინააღმდეგ. თუმცა, მათ უნდა ახსოვდეთ ისიც, რომ დიპლომატიური მიდგომით გაცილებით მარტივი იქნება ნებისმიერი ბრძოლის მოგება.