17 დეკემბერს დაბადებულმა ადამიანებმა რა უნდა ისწავლონ
დეკემბერი, მეათე თვეა რომაული კალენდრის მიხედვით (ლათინურად decem — ათი), გრეგორიანული კალენდრით კი მეთორმეტე თვედ ითვლება. მისით სრულდება წელიწადი. იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლოგიურად ეს თვე ორ, რადიკალურად განსხვავებულ ზოდიაქოს ნიშანს - თავქარიან, ოპტიმისტ, მაწანწალა მშვილდოსანს და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისებად, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.
- როგორია 17 დეკემბერს დაბადებული ადამიანი
17 დეკემბერს დაბადებული ადამიანები პრაქტიკული აზროვნების უნარითა და პრაგმატულობით გამოირჩევიან. მათ უმრავლესობას გააჩნია კარგი გონებრივი მონაცემები და მოქნილი ჭკუა, თუმცა, როცა საქმე რეალურ ქმედებაზე მიდგება, ეს ადამიანები ხშირად არჩევენ სიფრთხილეს ან უკან დახევას. სასურველია, ამ ხალხმა ისწავლოს რისკზე წასვლა, საიმისოდ, რომ საკუთარი შესაძლებლობები უფრო ნათლად დაანახვოს საზოგადოებას.