მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
16 ოქტომბერს ახალმთვარეობაა: "ეს პატარა ახალი წელია და როგორც მას შეხვდებით ასე გაატარებთ მთელ თვეს" - რჩევები ასტროლოგისგან
14:14 / 15-10-2020
ახალმთვარეობას 16 ოქტომბერს 23:31 სასწორის ზოდიაქოში ველოდებით. მართალია, ახალმთვარეობაზე მთვარე ჩვენი თვალისთვის დამალულია, მაგრამ ის ახლა მაქსიმალურად მოახლოებულია დედამიწას და მის გავლენას გრძნობენ ადამიანები, ბუნება, ზღვები და ოკეანეები. ეცადეთ, ახალმთვარეობას არ შეხვდეთ ვალებით - მატერიალური და მორალური, დაუსრულებელი საქმეებით. ახალმთვარეობაზე და მის მომდევნო დღესაც ნუ გადატვირთავთ კუჭს და ნურც ორგანიზმს - ზედმეტი ფიზიკური აქტიურობით. იმუნიტეტი სუსტდება და ამიტომ, დიეტურ საკვებს მიანიჭეთ უპირატესობა. ეცადეთ, ახალმთვარეობაზე კარგ განწყობაზე იყოთ, რადგან ეს პატარა ახალი წელია და როგორც მას შეხვდებით ასე გაატარებთ მთელ თვეს 15 ნოემბრამდე - ახალი ახალმთვარეობამდე.
16-ში მთელი დღის განმავლობაში გვექნება მთვარის 29-ე დღე. ეს რთული ენერგიებით დატვირთული დღეა. მაქსიმალურად შეიკავეთ თავი და არ აჰყვეთ პროვოკაციებს. მშვიდად მიიღეთ ყველაფერი, ნებისმიერი კონფლიქტი ძალასა და ენერგიას წაგართმევთ და მერე მისი აღდგენა ძალიან გაგიჭირდებათ. უსიამოვნო ადამიანებსაც კი, გაუგზავნეთ სიყვარულისა და სიკეთის სხივი. ეს თქვენ უფრო წაგადგებათ, ზოგადად ეს წესი მთელი ცხოვრება შეგიძლიათ გამოიყენოთ. ამგვარად ცუდი ადამიანი თქვენი ველიდან თავისით გაქრება, რადგან ის თქვენი უარყოფითი ენერგიით იკვებება და თუ მას დადებითს გაუგზავნით, თქვენ გვერდით ვეღარ გაჩერდება. ახალმთვარეობამდე რამდენიმე წუთით (10-15) ადრე აანთეთ სანთელი და მადლობა გადაუხადეთ სამყაროს იმ ყველაფრისთვის (კარგიც და ცუდიც) რაც იყო თქვენს ცხოვრებაში ამ ერთი თვის განმავლობაში. ადრე დაწოლას არ გირჩევთ. დაახლოებით ახალმთვარეობიდან 1 საათი მაინც იყავით ფხიზელი.
თავადაც იცით, რომ იდეალურ სამყაროში არ ვცხოვრობთ, მაგრამ ახალმთვარეობა სასწორის ზოდიაქოში მოგვიწოდებს, დავაბალანსოთ საკუთარი თავი, შინაგანი სამყარო, დამოკიდებულება გარშემო მყოფებთან. ვიყოთ ჰარმონიულები საზოგადოებაშიც და ოჯახშიც. დაფიქრდით, რა მოვლენები გიშლით ყველაზე მეტად ნერვებს, რას გამოჰყავხართ წყობიდან (ბრაზი, წყენაც) და ეცადეთ, მთელი ენერგია მის მოგვარება-დარეგულირებას დაუთმოთ. არსებობს მარტივი, მაგრამ ძლიერი ლოცვა, რომელიც შეგიძლიათ გამოიყენოთ: ღმერთო, მომეცი სულიერი ძალა, მივიღო ის, რისი შეცვლაც არ შემიძლია, მომეცი სითამამე, რომ შევცვალო ის, რისი შეცვლაც შემიძლია და მომეცი სიბრძნე, რათა შევძლო და გავარჩიო ერთი მეორისგან.
სასწორი არის პარტნიორული ნიშანი. ნებისმიერი სხვა ადამიანი (შვილი, მშობელი, მეუღლე, მეზობელი, კოლეგა და ა.შ.) ჩვენი პარტნიორია. ზოგჯერ მათთან დაპირისპირება სულიერად გვანგრევს. დაფიქრდით, შეგიძლიათ მათი შეცვლა? არა, რადგან ხანდახან საკუთარი თავის შეცვლაც კი არ შეგვიძლია, ამიტომ, მარტივი ვარჯიში შეასრულეთ, ჩაისუნთქეთ ღრმად, მიიღეთ ის სიტუაცია, ან ადამიანი, რომლის შეცვლაც თქვენ არ შეგიძლიათ და ამოსუნთქვაზე გაუგზავნეთ მას სიკეთე და ბედნიერება. ასე შეგიძლიათ სხვა ნებისმიერ დროსაც კი მოიქცეთ, არა მარტო ახალმთვარეობაზე. მთავარია, ბრაზი და ბოღმა არ დაიგროვოთ, ის თქვენ შინაგანად დაგანგრევთ, სხვას კი ვერც ავნებს.
16 ოქტომბერს, ახალმთვარეობაზე ჩამოწერეთ იმ საქმეების სია, რომლების შესრულებაც მთელი თვის განმავლობაში გსურთ . აქვე ისიც გაითვალისწინეთ, რომ ახალმთვარეობას ორი რეტროგრადული (უკანმავალი) პლანეტით: მერკურითა და სატურნით ვეგებებით. თავი წარმოიდგინეთ საცობში, აი, დაახლოებით ასეთ სიტუაციაში ვართ ჩვენ. ამიტომ, გეგმიურ ოპერაციებს, ძვირად ღირებული ნივთების შეძენას და ახალი საქმეების დაწყებას არ გირჩევთ. მაგრამ უსაქმურადაც არ გირჩევთ ყოფნას. საცობში ყოფნის დროსაც შეიძლება სასიამოვნო საქმით დაკავდეთ. მოაწესრიგეთ საკუთარი თავი, თქვენი შინაგანი სამყარო. დაახარისხეთ საქმეები, ნივთები, ურთიერთობები, გადახედეთ თქვენს გეგმებს, მოიწესრიგეთ ჯანმრთელობა, გააუმჯობესეთ დამოკიდებულება ახლობლებთან, დაასრულეთ ადრე დაწყებული და მიტოვებული საქმეები, შეაკეთეთ გაფუჭებული ტექნიკა. ყველა "კუდი" მოიშორეთ, რომ ნოემბრის ახალმთვარეობას (განსაკუთრებით კარგი პერიოდია 15- 26 ნოემბერი) ვალებისგან თავისუფალი შეხვდეთ და თამამად მოსინჯოთ საკუთარი თავი სიახლეებში.
ახალმთვარეობაზე მზე და მთვარე შეერთებულია სასწორის ოცდამეოთხე გრადუსში. რთული გრადუსია. ამას ისიც ემატება, რომ აგრესისა და ომის პლანეტა მარსი (ამჯერად ისიც რეტროგრადულია) ცუდად უპირისპირდება მზესა და მთვარეს. ამიტომ კიდევ ერთხელ მოგიწოდებთ სიმშვიდისა და ჰარმონიისკენ. სხვა სოციალური პლანეტების (სატურნი, იუპიტერი და პლუტონი) დაპირისპირების გამო შეგვიძლია ვივარაუდოთ, რომ დაძაბული ფონი შეინიშნება საზოგადოებაში, მსოფლიო ეკონომიკურ და პოლიტიკურ ცხოვრებაში. იყავით მშვიდობისმყოფელი, ეცადეთ, რომ თქვენი და თქვენი ახლობლების ცხოვრებაში ჰარმონიამ დაისადგუროს. ეცადეთ, ყველა საქმესა და ურთიერთობაში დაიცავთ ბალანსი. აკონტროლეთ უარყოფითი ემოციები, იყავით დიპლომატიურები.
ახალმთვარეობა ყველაზე მეტად იმოქმედებს მათზე, ვინც 14-18 ოქტომბრის შუალედშია დაბადებული. მოგეცემათ ახლის, მნიშვნელოვანის დაწყების შესაძლებლობა, იმ სფერობეში, სადაც თქვენს პირად რუკაში მზე მდებარეობს. შეცვალეთ თქვენი ცხოვრება უკეთესობისკენ, ეს მნიშვნელოვანი წელი იქნება თქვენთვის. ხოლო მომდევნო პერიოდებში დაბადებულებს, - 10-16 იანვარი, 9-14 აპრილი და 11-17 ივლისი - მეტი გარჯა მოუწევთ, რომ სულიერი სიმშვიდეც შეინარჩუნონ და არც მიღწევებზე თქვა უარი. აკონტროლეთ თითოეული ნაბიჯი, სიტყვა, თეთრი. იყავით დაკვირვებული. კარგი პერიოდი ელით შემდეგ პერიოდებში დაბადებულებს: 10-15 თებერვალი, 11-17 ივნისი, 13-17 აგვისტო და 12-17 დეკემბერი. ფორტუნა თქვენს მხარესაა. თუ პირადი რუკა შედგენილი გაქვთ, ნახეთ, რომელ სახლში ხვდება სასწორს 24-ე გრადუსი. ამ სფეროში ცვლილებები გელით მთელი თვის განმავლობაში. ხოლო თუ 24-დან 26 გრადუსამდე პლანეტებიცაა განლაგებული, ცვლილებები მოსალდნელია სახლისა და პლანეტის ფუნქციის მიხედვით. ყველა დანარჩენი კი იყავით დაკვირვებული, დიპლომატიური და ჰარმონიული საკუთარ თავთან და გარშემო მყოფებთან. ბედნიერ ახალმთვარეობას გისურვებთ!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
