15 ნოემბერს დაბადებულებს უყვართ რისკი და ხშირად დაუფიქრებლად ებმებიან კონფლიქტში
ნოემბერი ძველრომაული კალენდრით მეცხრე, ხოლო გრეგორიანული კალენდრით მეთერთმეტე თვეა. სახელწოდებაც მისი სწორედ ცხრიანს უკავშირდება. (ლათ. novem – ცხრა). ქართული წარმართული კალენდრის – ტირისკონის მიხედვით ნოემბერს ყველაზე გავრცელებულ სახელწოდებასთან – გიორგობისთვესთან ერთად, სხვაგვარად ჭინკობისთვედაც მოიხსენიებდნენ. ასტროლოგიური კუთხით ნოემბერი ორ აბსოლუტურად განსხვავებულ ნიშანს აერთიანებს: ვნებიან, ექსპანსიურ, ღრმად ემოციურ მორიელსა და იდეალისტ, მაწანწალა, მხიარულ მშვილდოსანს, რომელიც კენტავრის გაორებული ბუნების გამო ხშირად იცვლის მიზნებს და შეხედულებებს, რაც არამც და არამც არ ახასიათებს მიზანმიმართულ და პრინციპულ მორიელს.
როგორია 15 ნოემბერს დაბადებული ადამიანი
15 ნოემბერს დაბადებული ადამიანები ხასიათის სიმტკიცითა და პრინციპულობით გამოირჩევიან. მათ უყვართ რისკი და ხშირად დაუფიქრებლად ებმებიან კონფლიქტში ან იდეოლოგიურ ბრძოლაში, რომლისკენაც მათ საზოგადოება იწვევს. თუმცა, საკუთარი შეხედულებების დაცვის პარალელურად მათ ხშირად ახასიათებთ ასევე ამჩატება და დაუკვირვებელი საქციელი, რაც ძალიან აზარალებს მათივე რეპუტაციას.