11 ოქტომბრის იუბილარი
ოქტომბერი თანამედროვე კალენდრით მეათე, ხოლო ძველრომაული კალენდრის მიხედვით მერვე თვეა. მისი სახელწოდებაც სწორედ აქედან მოდის (ლათ. Octo - რვა). ასტროლოგიური კუთხით ოქტომბრის თვეს ორი ზოდიაქოს ნიშანი „იყოფს“ - ჰარმონიული, სილამაზისა და ესთეტიკის მოყვარული სასწორი და დესტრუქციული, პრინციპული და რთული მორიელი, რომელიც სხვათა შორის ზოდიაქოს მერვე ნიშნად გახლავთ მიჩნეული, რაც სრულიად შეესიტყვება ოქტომბრის ძველრომაულ პერსონიფიკაციას. ზოგადად რვიანი ხომ ტრანსფორმაციისა და გარდასახვის ენერგეტიკის მქონე რიცხვად გახლავთ მიჩნეული ნუმეროლოგიაში.
როგორია 11 ოქტომბერს დაბადებული ადამიანი
11 ოქტომბერს დაბადებული ადამიანები ბუნებით ერთგული და მზრუნველი ნატურები არიან. მათ უმრავლესობას ახასიათებს მძაფრი მიჯაჭვულობის გრძნობა იმ ხალხის მიმართ, ვის გარემოცვაშიც უწევთ ცხოვრება და მოღვაწეობა. ამიტომ ხშირად ექცევიან სხვათა გავლენის ქვეშ და უჭირთ დამოუკიდებლად გადაწყვეტილების მიღება.