თებერვალი (ლათ. Februarius — განწმენდა) არის გრიგორიანული კალენდრის მეორე თვე. სახელი ამ თვეს მიწისქვეშა სამეფოს რომაული ღვთაების მიხედვით ეწოდა. იანვარი და თებერვალი კალენდრის ბოლო დამატებული თვეებია, ვინაიდან რომაელები ზამთარს თვლიდნენ პერიოდად თვეების გარეშე. თებერვლის ძველქართული სახელწოდებაა სურწყუნისი.
თებერვლის ზოდიაქოს ნიშნებია მერწყული და თევზები. მათ შორის მსგავსება კარგი ინტუიცია და მდიდარი ფანტაზიის უნარია. თუმცა, ეს ორი ნიშანი, ემოციური დონით აბსოლუტურად განსხვავდება ერთმანეთისგან. მერწყულს ზედაპირულობა ახასიათებს, მაშინ როცა თევზები ღრმად ემოციური და უზომოდ განცდიანი ნიშანია.
როგორია 10 თებერვალს დაბადებული ადამიანი
10 თებერვალს დაბადებული ადამიანები ბუნებით ამბიციურები, წინდახედულები და ანგარიშიანები არიან. მათ უმრავლესობას გააჩნია კონკრეტული მიზნები ცხოვრებაში და როგორც წესი, ისინი თავს არ ზოგავენ ამ მიზნების მისაღწევად. თუმცა, გარკვეული სნობიზმი და ოფიციოზი ურთიერთობაში ხშირად უფუჭებს საქმეს ამ ადამიანებს საზოგადოების მხრიდან ნდობისა და სიმპათიის მოპოვების კუთხით.
