მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ იქნება თქვენთვის "გიჟი დაქალი", რომელთანაც ბევრს იმხიარულებთ?
16:14 / 05-02-2021
"კარგი მეგობარი სანთლით საძებარიაო", ალბათ გაგიგონიათ ეს ანდაზა. ვარსკვლავებმა საქმე გაგიმარტივეს და გთავაზობენ იმ ზოდიაქოს ნიშნებს, რომლებთანაც ხანგრძლივი და სიცოცხლით სავსე ურთიერთობა გექნებათ.
ვერძმა საუკეთესო მეგობარი მერწყულებს შორის უნდა ეძებოს. მას ძალიან მოეწონება მერწყულის კრეატიულობა, დამოუკიდებლობის სიყვარული და უნარი არასოდეს მოაბეზროს თავი სხვას. მერწყულს ვერძის ენერგიულობა და დინამიზმი მოხიბლავს. ამ ორს შეუძლია ერთი შეხედვით უტოპიურ გეგმებსაც კი შეასხას ფრთები.
კუროს შესანიშნავ მეგობრობას გაუწევს თევზები. ზოდიაქოს ამ ნიშნით დაბადებული დაქალი კუროს ხელოვნების სფეროს აზიარებს, ასევე ასწავლის ადამიანური ფსიქოლოგიის რთულ ხვეულებში გარკვევას. თავის მხრივ, თევზები კუროს სახით შესანიშნავ დასაყრდენს და სტაბილურ მოკავშირეს შეიძენს, რომლის იმედიც მას ყოველთვის ექნება.
ტყუპ ქალს იდეალურ მეგობრობას გაუწევს ვერძი. ვერძის ენერგიულობა და კომუნიკაბელურობა იმდენად გადამდებია, რომ ტყუპი ხშირად თავად დგამს პირველ ნაბიჯებს მის გასაცნობად. სასურველია, თუ ტყუპი ვერძს ლიდერობაში ნაკლებად შეეცილება. სხვა მხრივ ამ ორს მოწყენილობა ნამდვილად არც ერთ სიტუაციაში არ ემუქრება.
კირჩხიბისთვის შესანიშნავი მეგობრობის გაწევა შეუძლია კუროს. ამ ორს შორის საერთო ძალიან ბევრია. შესაძლოა ისინი კულინარიის სიყვარულმა გააერთიანოს, ან ინტერიერის დიზაინის განხილვით გაირთონ თავი. ორივეს უყვარს ფული და გამორიცხული არაა რაიმე სახის მომგებიან ბიზნესგეგმაზეც იმუშაონ ერთად. მათი მიზნები ყოველთვის რეალური და ასრულებადი იქნება. კირჩხიბის დიპლომატიის და კუროს პრინციპულობის წყალობით.
ლომი ქალი შესანიშნავად გაუგებს ჰაეროვან და მსუბუქ ტყუპს. ამ ორს ყოველთვის ექნება საჭორაო და სახითხითო საბაბი. ერთნაირად დაინტერესდებიან მოდის უახლესი ტენდენციებითა და ქალაქის ცხელ-ცხელ ჭორებსაც დიდი მონდომებით გაუზიარებენ ერთმანეთს. მამაკაცებზეც შესანიშნავად "ინადირებენ" დუეტში.
ქალწული იდეალურად იმეგობრებს კირჩხიბთან. ორივეს უყვარს განმარტოება, სიმყუდროვე, წესრიგი და კომფორტი. მათ საათობით შეუძლიათ ჩაის სმასა და ლიტერატურაზე საუბარში გაატარონ დრო. ერთადერთი პრობლემა, რამაც შესაძლოა გაუგებრობა წარმოშვას, ქალწულის გადამეტებული კრიტიკულობაა, რაც შეიძლება ბუნებით წყენია კიბოს გაბუტვის საბაბი გახდეს.
სასწორი ქალისთვის შესანიშნავი მეგობრობის გაწევა შეუძლია ლომს. ლომი ქალი, სასწორის მსგავსად გიჟდება მოდაზე, ლამაზ აქსესუარებსა და ჩაცმა-დახურვის თემა ამ ორისთვის უცვლელი სასაუბრო იქნება. გარდა ამისა, სასწორს გააჩნია უნარი გამუდმებით წაახალისოს ლომი ქალის თავმოყვარეობა კომპლიმენტებით, რაც ამ უკანასკნელს ჰაერივით სჭირდება.
მორიელი ქალი სათანადოდ დააფასებს თავდაჭერილი და გაწონასწორებული ქალწულის თვისებებს მეგობრობაში. ქალწულს ერთგულება შეუძლია, რაც ასე მნიშვნელოვანი ფაქტორია მორიელისთვის ნებისმიერ ურთიერთობაში. ამასთან ერთად, მას ყოველთვის მოეძებნება დრო მორიელის პრობლემების მოსასმენად და გონივრული რჩევებით დასახმარებლად.
მშვილდოსანი ძალიან იხიბლება კომუნიკაბელური და ხალისიანი სასწორით. სწორედ მას და არავის სხვას შეუძლია, მშვილდოსნის უტაქტო საქციელი საზოგადოებაში ლამაზად "შეფუთოს" და იმიჯის შელახვას გადაარჩინოს იგი. გარდა ამისა, სასწორი გემოვნებისა და ჩაცმა-დახურვის საკითხშიც დაეხმარება მშვილდოსანს, რომელიც ამ სფეროს მაინცდამაინც არ სწყალობს.
ქალ თხის რქას ძალიან კარგად შეავსებს და დააბალანსებს ემოციური მორიელი. მორიელთან თხის რქა თავს დაცულად და მყარად იგრძნობს. ასეთი მეგობარი მას არასოდეს გაჭორავს ზურგს უკან. მორიელები ბუნებით მაქსიმალისტები და მიზანსწრაფულები არიან, რაც კარგად ესმის არანაკლები პრინციპულობით დაჯილდოებულ თხის რქას. ამ ორს ერთად შეუძლია მთები გადაატრიალოს.
მერწყულს ძალიან მოეწონება ქალ მშვილდოსანთან მეგობრობა. ამ ორის დაქალობა შეიძლება უნივერსიტეტში ან კვალიფიკაციის ამაღლების კურსზე დაიწყოს. ისინი ერთად განსაკუთრებით მხიარულად დროს მივლინებისას ან მგზავრობაში ატარებენ. მშვილდოსანი დაეხმარება მერწყულს საჭირო ნაცნობების შეძენაში, მერწყული კი მშვილდოსანს დიპლომატიურ სვლებს ასწავლის სასურველი მიზნის ადვილად მისაღწევად.
თევზებს ძალიან ხიბლავთ თხის რქასთან მეგობრობა. თხის რქის რეალისტური მიდგომა ცხოვრების მიმართ, სწორედ ისაა, რაც ასე აკლია მეოცნებე და სათუთ თევზს. სამაგიეროდ, თხის რქა თევზების სახით მზრუნველ, მოსიყვარულე მეგობარს შეიძენს, რომელიც დეპრესიის წუთებში ყოველთვის მზად იქნება მის მოსასმენად და გასამხნევებლად.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
