მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აქვს თუ არა კულინარიული ნიჭი თქვენს საყვარელ მამაკაცს ამას მისი ზოდიაქოს ნიშნით გაარკვევთ
16:22 / 13-05-2021
ნებისმიერი ნიჭი, როგორც ასეთი პიროვნების ინდივიდუალური მახასიათებელი და ნიშან-თვისებაა. თუმცა თავად ამ ნიშან-თვისებებს ხშირად ზოდიაქოს ნიშანი, მისი მმართველი პლანეტა და ამ პლანეტის ხასიათი განაპირობებს. მამაკაცი სამზარეულოში - ალბათ ქართულ რეალობაში უკვე აღარ არის ტაბუდადებული თემა და მოსაზრებას "ქალი ვიცი მე ქუხნაში" საზოგადოების შეგნებული და ინტელიგენტი მამრობითი ნაწილი, ნაკლებად უჭერს მხარს... მოდით, სათითაოდ განვიხილოთ ის ფაქტი, თუ კონკრეტულად რომელი ზოდიაქოს ნიშნით დაბადებულ მამრებს გააჩნიათ გურმანული თვისებები ყველაზე მეტად და რა სახის კერძის მომზადება შეგვიძლია ვანდოთ მათ
ვერძი
მამაკაცი ვერძი იშვიათად მეგობრობს სამზარეულოსთან. ამიტომ მისგან მაქსიმუმი, რასაც უნდა ელოდეთ, სახელდახელო ბუტერბროდი და ტოსტერში გაფიცხებული ხაჭაპური იქნება.
კურო
კურო მამაკაცების თითქის 99% თამამად შეგიძლიათ მიანდოთ თქვენი კვების რეჟიმი და სამზარეულო. ასეთი კაცი ყოველთვის ზედმიწევნით ერკვევა კერძის მომზადების ტექნოლოგიაში და ხშირად საოცარ შედევრებსაც ქმნის ამ მხრივ.
ტყუპი
ზოდიაქოს ამ ნიშნით დაბადებულ მამაკაცებში, როგორც წესი, კარგი კულინარები გვხვდებიან. ტყუპის ზოდიაქო კიდურებით იმართება, ამიტომ გასაკვირი არ არის, როგორ ახერხებს თქვენი საყვარელი ტყუპი საუზმისას ერთდროულად რამდენიმე კერძის მომზადებას სულ რაღაც 20 წუთში. მთავარია, მას საამისო მოტივაცია და სურვილი გააჩნდეს.
კირჩხიბი
იგი არამარტო ამზადებს გემრიელ და მადისაღმძვრელ კერძებს, ზედმიწევნით შეუძლია შეგიდგინოთ კვების განრიგი და შემდგომ ამისა, მთელი სიმკაცრით გაგიკონტროლოთ მისი დაცვა და სადილ-ვახშმის დროულად მიღება.
ლომი
მე თქვენ გეკითხებით, რა ესაქმება მეფეს სამზარეულოში?! დიდი დიდი მან იქ რამდენიმე წუთით, ისიც ხუმრობით შეიხედოს და თქვენ მიერ დაწყებული ვახშმის სამზადისი გადაამოწმოს. ისიც მხოლოდ იმ შემთხვევაში, თუ მის მიერ მოწვეული სტუმრები მოსვლას აგვიანებენ და მას თავისუფალი დროის გაყვანა ეჩქარება.
ქალწული
თამამად შეგიძლიათ ამ კაცს არამარტო სამზარეულო, მტვერსასრუტი და სარეცხი მანქანაც დიდსულოვნად გადაულოცოთ. მით უმეტეს, თუ თქვენ ზემოთ ჩამოთვლილი საქმეები გულზე დიდად არ გეხატებათ და იძულების რეჟიმში, უხარისხოდ აკეთებთ მას. იგი აუცილებლად ითავებს თქვენი "ქალური მოვალეობების" გაუმჯობესებაზე ზრუნვას. მაგრამ ფონად კრიტიკის ქარცეცხლს მოაყოლებს. ვეჭვობ მშვიდად გაუძლოთ ამას.
სასწორი
მისი საყვარელი საქმიანობა ტორტის დაჭრა ან ყავის მოდუღებაა. უკეთეს ვარიანტში უკვე მოდუღებული ყავის დასხმა და სუფრაზე ლამაზად მიტანა შეგიძლიათ ანდოთ. იგი ამ დავალებას ღირსეულად გაართმევს თავს და ბონუსად მოწვეულ სტუმრებსაც შესანიშნავად გაგიმხიარულებთ. სამაგიეროდ, სამზარეულოს დალაგებაში მისი დახმარების იმედს ამაოდ ნუ იქონიებთ.
მორიელი
მას შეუძლია იყოს უმაღლესი კლასის კულინარი და ასეთივე უმაღლესი კლასის ექსპლუატატორი ქალის სამზარეულოში გამომწყვდევის კუთხით. ყველაფერი დამოკიდებულია იმაზე, თუ რამდენად ძლიერად უყვარხართ. ამიტომ თუკი აღმოაჩინეთ, რომ თქვენი საყვარელი მორიელი სამზარეულოში გემრიელ ვახშამს გიმზადებთ, ჩათვალეთ თავი ქუდში გქონიათ, როგორც პირდაპირი ისე გადატანითი მნიშვნელობით.
მშვილდოსანი
როგორც ამბობენ - "ჭამაც უყვარს და კეთებაც". ამასთანავე, ერთიც და მეორეც შესანიშნავად ეხერხება. მშვილდოსანი სიამოვნების მოყვარული ინდივიდია, ჭამა კი მოგეხსენებათ ამ ქვეყნად უდიდესი სიამოვნებაა. აქედან გამომდინარე, იგი სიამოვნებით მოგიმზადებთ პიკანტური სანელებლებით შეკმაზულ ვახშამს, ან დილის საუზმეს.
თხის რქა
იშვიათად მიაჩნია საჭიროდ რომ სამზარეულოში ქალის ადგილი დაიკავოს. თუმცა, თუკი გარემოება ამას ითხოვს, ან მეუღლეს დახმარება სჭირდება, იგი უპრობლემოდ დათანხმდება ამ უკანასკნელს. ოღონდ იმ პირობით, რომ სადილად ტრადიციულ კერძებს მოამზადებს და არა ექსტრავაგანტურ ბაყაყის ფეხების ჩაშუშულს პიტნის სოუსში.
მერწყული
სამზარეულო შესაძლოა მისთვის ერთგვარ გასართობადაც კი იქცეს, იმ პირობით, თუ თქვენ სხვადასხვა სახის პიკანტური კერძების დაგემოვნებაზე არ იქნებით უარს. მერწყულს ექსპერიმენტები უყვარს. შესაბამისად, მზად იყავით იმისთვისაც, რომ ერთ დღეს შესაძლოა ტოსტერში მჭადის გამოცხობა სცადოს ან წვენსაწურში ნიგვზის გატარება.
თევზები
კერძების მომზადებას მარტოოდენ იმ მიზეზით შეიძლება დათანხმდეს, თუ ხათრს ვერ გიტეხავთ, ან სამზარეულოში ბლომად ეგულება ალკოჰოლური სასმელი. თუმცა, უმჯობესია, მისი დახმარებით მხოლოდ ყავის ან ჩაის მოდუღების საკითხში ისარგებლოთ. წინააღმდეგ შემთხვევაში შეიძლება გაზქურასთან ჩაძინებულს გადააწყდეთ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"კურო" ვარ, მაგრამ ერთადერთი, რაც ვიცი კულინარიიდან, ეს არის ჩაისთვის წყლის მოდუღება.