"გურიის" პრეზიდენტის შვილი საავადმყოფოში გარდაიცვალა

ლანჩხუთის "გურიის" პრეზიდენტის, კობა მირზაშვილის შვილი, სერგი მირზაშვილი "მიხაილოვის" საავადმყოფოში გარდაიცვალა.

შეგახსენებთ, რომ საფეხბურთო კლუბ ლანჩხუთის "გურიას" პრეზიდენტის შვილს, 21 წლის სერგი მირზაშვილს 21 მარტს წერეთლის გამზირზე, საკუთარ სახლთან ესროლეს. მეზობლების ინფორმაციით, უცნობმა პირებმა სერგი ჯერ ცეცხლსასროლი იარაღით თავში დაჭრეს, სახლში მარტო დატოვეს, შემდეგ კი სასწრაფოში ტაქსის მძღოლის ტელეფონით დარეკეს.

საქართველოს შინაგან საქმეთა სამინისტროს ინფორმაციით, მომხდართან დაკავშირებით გამოძიება უკვე დაწყებულია.

წყარო: "გურიის მოამბე"