26
მაისიდღის ზოგადი ასტროლოგიური პროგნოზი
მაშინ, როცა პარლამენტში იურიდიულ საკითხთა კომიტეტის სხდომაზე როლანდ ახალაიას საკითხს და სისხლის სამართლის საპროცესო კოდექსში ცვლილებებს განიხილავდნენ, "ირიბი მოქმედების კიბერ თეატრის" წარმომადგენელმა, გიორგი ხასაიამ პერფომანსი მოაწყო.
ხასაიამ სხდომაზე ზურაბ ქარუმიძის ნაწარმოებიდან "მელია–ტულეფია" ამონარიდი წაიკითხა.
ინციდენტის გამო სხდომა დროებით შეჩერდა, ხოლო მანდატურებმა გიორგი ხასაია კომიტეტის სხდომიდან გააძევეს.
როგორც ხასაიამ Ambebi.ge-ს განუცხადა, პერფომანსის მიზანი დეპუტატების მიერ, ქარუმაძის მარგინალიზაციის გაპროტესტებაა.
"ზურაბ ქარუმიძე ბრიტანეთის ელჩობის კანდიდატად განიხილებოდა, თუმცა სოსო ჯაჭვლიანის მიერ "ასავალ დასავალისთვის" მიცემული ინტერვიუს შემდეგ, სადაც ჯაჭვლიანი ქარუმიძეს შეურაცხყოფას აყენებდა, მისი კანდიდატურა მოიხსნა, რაც სამარცხვინო ფაქტია", - აცხადებს ხასაია.
გიორგი ხასია ქუთაისში ცხოვრობს, სადაც ის სახელოვნებო საქმიანობას ეწევა. ის მეგობრებთან ერთად აწარმოებს ბლოგს, სახელწოდებით "ირიბი მოქმედების კიბერ თეატრი". აწარმოებენ ვიდეობლოგებსაც, რომლებშიც ისინი ქვეყანაში მიმდინარე მოვლენებს ეხმაურებიან.
"ირიბი მოქმედების კიბერ თეატრს" Youtube-ის არხის აქვს, სადაც მათი ვიდეოჩანაწერები ქვეყნდება.
2011 წელს "ირიბი მოქმედების კიბერ თეატრმა " გამოაქვეყნა ვიდეოპოსტი, რომელშიც საქართველოს იმ დროინდელ პრეზიდენტს, მიხეილ სააკაშვილს მიმართავდნენ. გთავაზობთ აღნიშნულ ვიდეოპოსტს:
