"თქვენი შეშფოთება ჩვენთვის დაცინვაა" - რას წერენ ქართველები აშშ-ს საელჩოს "ფეისბუქის" გვერდზე

ქართველმა სოციალური ქსელის მომხმარებლებმა ამერიკის სახელმწიფო დეპარტამენტის განცხადების გამოქვეყნების შემდეგ, საქართველოში ამერიკის საელჩოს "ფეისბუქის" გვერდს "შეუტიეს".

საელჩოს გვერდზე აშშ-ს სახელმწიფო დეპარტამენტის განცხადება, რომელშიც ექსპრეზიდენტ მიხეილ სააკაშვილის პროკურატურაში დაბარებაზეა საუბარი, დღეს გამოქვეყნდა.

"არავინ არის კანონზე მაღლა, მაგრამ ყოფილი პრეზიდენტის გარშემო ერთდროულად მრავალი გამოძიების დაწყება წარმოშობს ლეგიტიმურ წუხილს პოლიტიკურ ანგარიშსწორებასთან დაკავშირებით. განსაკუთრებით იმ დროს, როდესაც საკანონმდებლო და მართლმსაჯულების ინსტიტუტები ჯერ ისევ სუსტია", - ნათქვამია აშშ-ს სახელმწიფო დეპარტამენტის განცხადებაში.

დეპარტამენტის შეშფოთებას "ფეისბუქში" ქართველი მომხმარებლების არაერთგვაროვანი რეაქცია მოჰყვა. ამ დროისათვის საელჩოს გვერდზე შეტყობინება 60-ზე მეტმა მომხმარებელმა დატოვა. მათი უმრავლესობა ამბობს, რომ სააკაშვილის მიმართ გამოძიება უნდა დაიწყოს, ნაწილი კი ყოფილ პრეზიდენტს მხარდაჭერას უცხადებს.

Ambebi.ge  გთავაზობთ ამერიკის საელჩოს "ფეისბუქის" გვერდზე, სოციალური ქსელის მომხმარებლების მიერ დატოვებულ კომენტარებს:

"თუ სააკაშვილი და დამნაშავე ნაცბანდაა ევროპა და ამერიკა....მაშინ მიმიფურთხებია ევროპისთვისაც და ამერიკისთვისაც!"

"შეშფოთებული ვართ თქვენი ორმაგი სტანდარტებით და მაგრად გვახატია თქვენი აზრები ძვირფასო ამერიკელებოო"

"Mikheil Saakashvili is criminal and Torturer! (მიხეილ სააკაშვილი კრიმინალი და მწამებელია)"

"ძვირფასო ამერიკელებოო. თქვენ თქვენი უპასუხისმგებლო ქცევით ქართველებში რეიტინგს კარგავთ. გამოძიება წელიწადნახევარი მიდიოდა და ახლაც მიდის და საჭიროა ადამიანები დაიკითხონ. რა არის ამაში საგანგაშო? ერის მოთხოვნაცა რომ გამოძიებულ იქნას. ჯერ გამოძიება არ დასრულებულა".

"საქართველოს უმეტესობა არის ნახირი და გაუნათლებელი, რუსულად ცივილიზებული... სანამ პირადად არ შემოგილაწუნებენ რუსულ ჩექმას თქვენ აზრზე ვერ მოხვალთ..."

"შეშფოთება გვიხსნის რუსული აგრესიისგან?! ყველა თავის ტ---ზე ფიქრობს!! ვინც მეტს აჭმევს იმისკენაა! შენ ალბათ ამერიკა გაჭმევს იცავ კბილებით, მე კიდე ორივე ფეხებზე მკიდია! რადგან ამერიკასაც და რუსეთსაც სულ ფეხებზე ვკიდივართ. ეს ყველაფერი ერთმანეთში შეჯიბრია ვინ უკეთეს პოზიციას დაიკავებს! ჩემი სამშობლო კი იჩაგრება! მე კი ჩემი ქვეყნის ბედი მაწუხებს, ჩემი წინაპრების დანატოვარის!! ჩემ კერას ეხებიან და ჩემ სარწმუნოებას!"

"თუ კანონზე მაღლა არავინ დგას, მაშინ ნება იბოძეთ და გვაცალეთ კანონისა და სამართლის აღსრულება!"

"მიხეილ სააკაშვილი არის საქართველოსთვის თავდადებული და საამაყო პრეზიდენტი. სავალალოა, რომ ამდენი გონებაშეზღუდული ადამიანია საქართველოში"

"რას იქექებიან წარსულში თუ მითუმეტეს ის ყარს?... ეს მთავრობა დაღუპავს სახელმწიფოებრიობას.. მაფიოზა ბიძო განაგებს ყველაფერს .. ვინც მოეპრიანება პრეზიდენტად სვამს. მინისტრად პრემიერად. … და ეს ბუტკის ხალხი კიდე ცდილობს ელაქიაოს"

"ქლინტონი რატომ დაკითხეს?"

"თქვენი შეშფოთება ჩვენთვის დაცინვაა. პრეზიდენტი, რომელმაც 9 წლის განმავლობაში ემსახურა ქართველი ხალხის გენოციდს, სამაგალითოდ უნდა იქნას დასჯილი. გინდათ აღშფოთდით, გინდათ შეშფოთდით, გინდათ დაგვემუქრეთ მაპ-ის არ მოცემით, ოღონდ ნუ ჩაერევით უშნოდ ქვეყნის საშინაო სამზარეულოში. დამნაშავე უნდა დაისაჯოს და მორჩა. დემოკრატია ესაა და არა ის რასაც გვავალებთ. მოვითხოვთ რეფერენდუმს ევრო-ატლანტიკურ ალიანსში გაერთიანების საკითხზე"

"ელემენტარულად დაფიქრდით სად ეჩქარებათ.. რა ვერ დაკითხავდნენ ნატოს სამიტის ან ასოცირებაზე ხელმოწერის შემდეგ... ასე რამ დაგაბრმავათ რომ ვერ ხვდებით.. ბიძოს ფულებმა თუ ღვარძლმა.. "

"ძალიან სამწუხაროა, რომ გამოძიების მხრიდან სააკაშვილის მიმართ წარმოშობილი კითხვები აშშ-ის ხელისუფლებაში იწვევს ეჭვებს".

ნუცა ახალკაცი,

Ambebi.ge