აფხაზეთში რუსი სამხედროები საარტილერიო წვრთნებს გადიან

ოკუპირებულ აფხაზეთში რუსეთის სამხედრო ბაზის არტილერიის წვრთნები დაიწყო. სააგენტო "აპსნიპრესის" ინფორმაციით, ტაქტიკურ წვრთნებში გამოიყენება "გრადის" ტიპის რეაქტიული სისტემები, ტანკსაწინააღმდეგო სარაკეტო კომპლექსი "შტურმ-ესი", "იგლა", "აკაციას" ტიპის ჰაუბიცები.

წვრთნების შინაარსის მიხედვით, სამხედროები ფარულად გადაადგილდებიან ცეცხლის არეალისკენ, შემდეგ საარტილერიო ცეცხლით ანადგურებენ მოწინააღმდეგის საზღვაო და საჰაერო მიზანს.

წვრთნების ნახევარზე მეტი ღამის პერიოდში ჩატარდება, სიბნელეში მანევრირების გაუმჯობესების მიზნით.