1
ივნისიდღის ზოგადი ასტროლოგიური პროგნოზი
ჰოლანდიის ერთ-ერთ ზოოპარკში სულისშემძვრელი სცენა გათამაშდა. მთელი მსოფლიო მოიარა კადრებმა, რომელშიც ზოოპარკის ბინადარი ჟირაფი სასიკვდილოდ დაავადებულ მომვლელს კოცნით ემშვიდობება.
შემთხვევა როტერდამის ზოოპარკში მოხდა. დაწესებულების თანამშრომელი, რომელიც 25 წლის განმავლობაში ვოლიერებს ასუფთავებდა, კიბოთი დაავადდა. სიცოცხლის ბოლო დღეებში ის თანამშრომლებთან გამოსამშვიდობებლად მიიყვანეს. თუმცა ჟირაფმა ყველას დაასწრო - როგორც კი ავადმყოფი მარიოს გორგოლაჭებიანი საწოლი ვოლიერთან ჩაატარეს, ცხოველი სწრაფად გამოიქცა და საყვარელ მომვლელს სახე აულოკა.
დამშვიდობების სცენა იმდენად გულისამაჩუყებელი იყო, იქ მყოფებმა ცრემლები ვერ შეიკავეს. თავად მარიოს კი, რომელსაც მეტყველებაც უჭირს, სახეზე დიდი მღელვარება ეტყობოდა.
მეცნიერებმა არაერთი გამოკვლევით დაადასტურეს, რომ ცხოველები ადამიანის ავადმყოფობას მაშინაც კი გრძნობენ, როცა დაავადება უსიმპტომოდ მიმდინარეობს.
მაგალითისთვის კატა ოსკარიც კმარა, რომელიც მეცნიერებმა 2007 წელს ინგლისში, მოხუცთა თავშესაფარში აღმოაჩინეს. ოსკარი წინასწარ გრძნობდა, რომელი ბინადარი გარდაიცვლებოდა უახლოეს მომავალში. ფისო რომელიმე მოხუცის საწოლთან ჯდებოდა და ისიც რამდენიმე საათში სულს განუტევებდა ხოლმე. თუ ფისოს გარეთ გააგდებდნენ, მანამ კნაოდა კორიდორში, სანამ ისევ არ გაუღებდნენ კარს. ასე იწინასწარმეტყველა კატამ 25 ადამიანის სიკვდილი. მალე ოსკარის წინასწარმეტყველება იმდენად სანდო გახდა, რომ პერსონალი მოხუცის სიკვდილს ნათესავებს წინასწარ ატყობინებდა.
მომზადებულია Daily Mail-ის მიხედვით.
Normal 0 false false false MicrosoftInternetExplorer4 BoxOfficeMojo
