12
ივნისიდღის ზოგადი ასტროლოგიური პროგნოზი
საქართველოს ყოფილი პრეზიდენტი მიხეილ სააკაშვილი ზურაბ ჟვანიასა და რაულ უსუპოვის ცხედრების ფოტოების გავრცელებით ხელისუფლებას თემით სპეკულაციაში ადანაშაულებს.
როგორც სააკაშვილმა ქართველ ჟურნალისტებს განუცხადა, ექსპრემიერის გარდაცვალების ფაქტი მისი ხელისუფლების პირობებში უკვე გამოძიებულია. ყოფილი პრეზიდენტის შეფასებით, საქართველოს დღევანდელი ხელისუფლება საგარეო საფრთხეების ნაცვლად შიდა ინტრიგებზეა ორიენტირებული.
"მე არ ვმონაწილეობ ბინძურ ინტრიგებში, რომელსაც გეგმავენ და რომელსაც აქვს კონკრეტული სარჩული. ნამდვილად არ ვმონაწილეობ, მე მივიღე ეს გადაწყვეტილება, მაგრამ თუ ვინმე ამას დააპირებს, ყველა აგებს პასუხს შესაბამისად. ყველამ კარგად იცის ყველაფერი, მათ შორის საერთაშორისო არენაზე, ძალიან კარგად იციან და ტყუილა ჰგონია ვიღაცას, რომ საერთაშორისო არენაზე და თუნდაც საქართველოს შიგნით ბნელა. ეს ყველაფერი ისედაც გარკვეულია. ნუთუ არ გვესმის, რა ვითარებაში იმყოფება საქართველო, რა კონკრეტული რისკებია დღეს და ჩვენ ვაპირებთ ეს რისკები და მდგომარეობა გამოვიყენოთ იმისთვის, რომ ჩვენი წვრილმანი, პოლიტიკური მდაბიო, ღვარძლიანი ამოცანები განვახორციელოთ?! ესაა ამოცანა დღეს საქართველოსი?! ასეთმა მიდგომამ საქართველო დაღუპა მრავალჯერ. ასეთი მიდგომის გამო საქართველო მრავალჯერ მოხვდა დამპყრობლის ხელში. რამდეჯერ უნდა გაიმეოროს საქართველომ ერთი და იგივე შეცდომა?! რამდენჯერ ვერ უნდა დავდგეთ ჩვენი პირადი ბოღმის, შურისძიების, ღვარძლის ზემოთ და არ ვიფიქროთ ჩვენს ქვეყანაზე?!", - განუცხადა სააკაშვილმა ქართველ ჟურნალისტებს შეკითხვაზე, საგამოძიებო უწყებაში დაბარების შემთხვევაში ჩამოვა თუ არა ის საქართველოში.
მიხეილ სააკაშვილის კომენტარს ტელეკომპანია "იმედი" ავრცელებს.
