მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ხაჩიძემ ღარიბაშვილს "დააგინა" - "ნაციონალების" მოთხოვნები და შეფასებები "ჟვანიას საქმეზე"
05:10 / 20-03-2014
"ნაციონალური მოძრაობის" ლიდერები სოციალური ქსელით ზურაბ ჟვანიას ცხედარის ფოტოების გავრცელებას ეხმაურებიან.
დეპუტატი გოგა ხაჩიძე "ფეისბუქის" საკუთარ გვერდზე აღნიშნულ თემას რამდენიმე პოსტს უძღვნის. ხაჩიძე პრემიერ-მინისტრ ირაკლი ღარიბაშვილს მიმართავს.
"ვიღაცამ ჟვანიას საქმე უსწრაფესად არ გამოიძიოს და სრულად არ გაასაჯაროვოს, იმის.... Irakli Garibashvili Official მე დავიღალე, შენ გააგრძელე (skype style)
ხომ შეიძლება ასეთი რამე გაკეთდეს -
პირადად გოგლა ჟვანიამ, აიღოს ზურაბ ჟვანიას საქმე; აიღოს ამერიკის ფედერალური ბიუროს დასკვნა, დაჯდეს პირდაპირ ეთერში და სრულად გაასაჯაროოს. მერე ის ახსნას, რას და რატომ არ ეთანხმება.
ხომ უნდა დამთავრდეს ეს პრიმიტიული იდიოტიზმი?!
პირადად მე უკვე აღარ მესმის, როდემდე უნდა გავუფრთხილდეთ ჩვენ ზურაბ ჟვანიას სახელს, თანაც იმ პირობებში, როდესაც ცალკე ოჯახის წევრები და ცალკე ხელისუფლება მუდმივად ახდენს ამ საკითხით ბინძურ მანიპულაციებს.
Irakli Garibashvili Official პირადად თქვენ გეკითხებით!
რატომ გაასაჯაროვეთ ფოტო მასალა, რომელიც ჟვანიას საქმეში ოფიციალურად ისედაც დევს?!...
უსინდისოები უტიფრად თამაშობენ ბინძურ თამაშს და ფსონი ჩვენს სინდისზე უდევთ.
თითქოს ვეცადე განწყობაზე არ ემოქმედა, თუმცა პრაქტიკულად შეუძლებელი აღმოჩნდა.
არც ამ განწყობას გავურბივარ, უბრალოდ ბინძური ფონი და ავტორთა მდაბიო მოტივაცია მაღიზიანებს ძალიან.
ბ-ნ ზურაბ ჟვანიას კარგად ვიცნობდი.
პირადად მან მომიყვანა პოლიტიკაში.
ძალიან დიდ პატივს ვცემდი და მის მიმართ სრულიად გულწრფელი დამოკიდებულება მქონდა.
ძალიან ვწუხვარ, რომ დღეს, მისი სახელი, უბრალოდ - უგუნურების ხელში აღმოჩნდა.
ძალიან ვწუხვარ...
სამარცხვინოა", - წერს ხაჩიძე.
ფოტოებით აწყობილი ვიდეოს გასაჯაროვებაში პროკურატურას ადანაშაულებს "ნაცმოძრაობის" წევრი ზურაბ ჯაფარიძე.
"1. ეს ვიდეო არის აწყობილი ჟვანიას საქმეში არსებული ფოტოებით. ახალი კადრი იქ არ არის. ნანახი აქვს არა ერთ ადამიანს, ოჯახის წევრების ჩათვლით
2. ამ ფოტოებიდან ვიდეოს აწყობა და გასაჯაროება შეუძლებელია პროკურატურის (და ჩუკოტაევის) მონაწილეობის გარეშე (თუ ხვედელიძე 2-თან არ გვაქვს საქმე)
3. ჟვანიას საქმეში რაიმე მტკიცებულება რომ არსებობდეს - რომ ეს იყო მკვლელობა და არა უბედური შემთხვევა - ეს მტკიცებულება დიდი ხნის გასაჯაროებული, ვიღაცა (ვიღაცეები) კი დაპატიმრებული იქნებოდა (ოცნების საზეიმო ბანკეტის თანხლებით)
4. ამიტომ, ამ ვიდეოს აწყობა-გასაჯაროება არის უკანასკნელი ნაძირლების უბინძურესი საქციელი
5. ვინც ამ ვიდეოს ნახვაზე იწყებს კივილს 'აი, ხომ ამბობდნენ'! - ვუსამძიმრებ", - წერს ჯაფარიძე.
ვიდეოს გავრცელებას სულმდაბლობად აფასებს "ნაციონალური მოძრაობის" კიდევ ერთი წევრი ეკა ხერხეულიძე, რომელიც "ფეისბუქის" პირად გვერდზე ხელისუფლებას ემუქრება.
"ადამიანებო (ანატომიურად მაინც), როდესაც თქვენი ბინძური მიზნებისთვის არც მიცვალებულებს ერიდებით, გახსოვდეთ, რომ უკიდურესი სულმდაბლობაა თემის გადასაფარავად ზიანი მიაყენოთ გარდაცვლილის ოჯახს, განსაკუთრებით მის არასრულწლოვან შვილებს...
საშიში ხალხის კორპორაცია ხართ და აუცილებლად თქვენვე ჩაგიყოლებთ ის ბალღამი, რასაც სხვების მიმართ იყენებთ...", - წერს ხერხეულიძე.
შეგახსენებთ, გუშინ სოციალურ ქსელში ფოტოები, სახელწოდებით "სააკაშვილი მკვლელი" გავრცელდა. ფოტომასალაში ნაჩვენებია საქართველოს ყოფილი პრემიერ-მინისტრის, ზურაბ ჟვანიასა და მასთან ერთად გარდაცვლილი რაულ იუსუპოვის ცხედრები.
გავრცელებული ფოტოების მიხედვით, ცხედრებს სხვადასხვა სახის დაზიანება აღენიშნებათ.
ფოტომასალა "იუთუბიზე" ჰაკიმ ფაშას სახელით არის ატვირთული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
