მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კაცი, რომელსაც 98 შვილი ჰყავს
04:18 / 20-03-2014
ჰოლანდიელი ედ ჰუბენი 98 შვილის მამაა და "ბავშვების მწარმოებლის" ტიტული მოიპოვა.
ედი დონაციის წყალობით ქალებს დედობის შანსს აძლევს. მან სპერმის დონაცია 2002 წელს დაიწყო და თავდაპირველად სპერმის ბანკთან თანამშრომლობდა, მაგრამ ახლა ამ საქმეს "ნატურალური" გზით აკეთებს.
ის ლესბოსელ წყვილებს, მარტოხელა ქალებსა და ჰეტეროსექსუალებს ეხმარება, რომელთაც ნაყოფიერების პრობლემები აქვთ. მისი ბოლო ბავშვი, რიგით 98-ე მადიტაა. მატიდას დედა საბავშვო ბაღის 28 წლის ძიძაა. როგორც მარტოხელა დედა ამბობს, მის ცხოვრებაში კარგი კაცი არასდროს გამოჩენილა, დედობა კი ძალიან სურდა და ბავშვის გაჩენა ამ ხერხით ამიტომაც გადაწყვიტა. მამაკაცი ზუსტ სიას აწარმოებს, რომ რეიტინგი არ აერიოს; დღიურში ყველა ქალისა და ბავშვის სახელია მითითებული. შესაბამისად, თუ როდესმე ბავშვი დაინტერესდება, თუ ვისი წყალობით მოევლინა ქვეყანას, მამის გაცნობა შეეძლება.
თუმცა, ყველა ქალი, რომელიც ედისგან შვილის გაჩენას გადაწყვეტს, ვალდებულია, რამდენიმე სამედიცინო გამოკვლევა ჩაიტაროს. ედის მომსახურებით მხოლოდ ისინი ისარგებლებენ, ვისაც ავადმყოფობის ისტორიაში ეწერებათ, რომ არცერთ დაავადებას არ ატარებენ და არც ნარკოტიკზე არიან დამოკიდებულნი. ის საკუთარ სახლში თვეში 15-მდე ქალს მთელი მსოფლიოდან იღებს. საკუთარ მომსახურებაში ჰუბენი ფულს არ იღებს. გამონაკლისის სახით, იგი ქალებს უფლებას აძლევს, მისი მგზავრობის და საცხოვრებელი ბინის ხარჯები გადაიხადონ, იმ შემთხვევაში, თუ მისი საზღვარგარეთ გამგზავრებაა აუცილებელი.
კლიენტებთან ჰუბენი ხელშეკრულებას დებს. დოკუმენტის თანახმად, ქალებს მისთვის ბავშვის მატერიალური უზრუნველყოფის მოთხოვნის უფლება არ აქვთ.
მომზადებულია bbc.com-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
