NATO წევრი ევროპის ქვეყნები ბირთვულ ბომბებს მიიღებენ

NATO წევრი ევროპის ხუთი არაბირთვული სახელმწიფო, ატომურ ბომბებს მიიღებს. შესაბამისი გადაწყვეტილება აშშ-ს 2015 წლის სამხედრო ბიუჯეტში იქნება ჩადებული. მოცემული ტიპის შეიარაღებით ტაქტიკური ავიაციის აღჭურვა, ევროპაში ჩრდილო ატლანტიკური ალიანსის საბრძოლო პოტენციალს გაზრდის.

ატომური ბომბები ბელგიის, ჰოლანდიის, თურქეთის F-16A/B და გერმანიის და იტალიის PA-200 Tornado-ის ტიპის გამანადგურებელ-ბომბდამშენების არსენალში შევა. საუბარია, В61-12-ის ტიპის ატომურ ბომბზე, რომელსაც შეიარაღებაში სავარაუდოდ, 2020 წლისთვის მიიღებენ. ახალი შეიარაღების გამოყენებისთვის, აღნიშნული ქვეყნების თვითმფრინავების გადაკეთების პროცესი 2015 წელს დაიწყება და 2-3 წელიწადში დასრულდება.

В61-ის ტიპის ბომბი ამერიკამ შეიარაღებაში 1968 წელს მიიღო. მას შემდეგ ის საავიაციო ბაზირების ძირითად ამერიკულ ატომურ ბომბად ითვლება. ამჟამად აშშ-ს სამხედრო ავიაციის შეიარაღებაში მისი მესამე, მეოთხე, მეშვიდე და მეთერთმეტე მოდიფიკაციებია. შეიარაღებაში ბოლო მეთორმეტე მოდიფიკაციის - В61-12 მიღების შემდეგ, ეს უკანასკნელი ყველა წინამორბედ ვარიანტს ჩაენაცვლება. პროგრამაზე 1 მლრდ დოლარის დახარჯვა იგეგმება. დამატებითად 154 მლნ აშშ დოლარი, ევროპის სამხედრო ბაზებზე, ბირთვული შეიარაღების უსაფრთხოების უზრუნველყოფაზე დაიხარჯება.

აღსანიშნავია, რომ ამერიკული ატომური ბომბების ინტეგრირება იმ სახელმწიფოების სამხედრო თვითმფრინავებზე, რომლებიც ბირთვული იარაღის გაუვრცლებელობის ხელშეკრულების ხელმომწერნი არიან, ამავე ხელშეკრულების ნორმებს ეწინააღმდეგება.

მოამზადა ნუკრი მგელაძემ military-informant.com-ის მიხედვით.