მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ანა ხანჩალიანი: "ყველამ იცის, "ვოისი" ფულთან არის დაკავშირებული, მე კი პროექტი ფულის გარეშე მოვიგე"
23:15 / 15-03-2014
ანა ხანჩალიანი საზოგადოებას პროექტიდან - "ნიჭიერი" - ახსოვს და უყვარს. მოგვიანებით, მომღერალი რამდენიმე ფესტივალის გამარჯვებულიც გახდა, ბოლოს კი სომხურ "ახალ ხმაში" გაიმარჯვა.
- აგვისტოში, ძმასთან ერთად, ერევანში ვისვენებდი. იქ ყოფნის დროს სომხურ "ვოისში" მონაწილეობა გადავწყვიტე. გამიმართლა, რომ შესარჩევი კონკურსი ჩემი იქ ყოფნის პერიოდს დაემთხვა.
- "ბრმა" კასტინგზე ჟიურის რამდენი წევრი შემოგიბრუნდა?
- სამი წევრი შემომიბრუნდა. მეოთხემ მითხრა, - შენი სიმღერისგან ეიფორიაში ვიყავი და შემობრუნება ვერ მოვასწარი, მაპატიეო. მე ჰაიკო ჰაკოფიანის გუნდში წასვლა გადავწყვიტე. ეს ადამიანი ერევანში ცნობილი კომპოზიტორი და მომღერალია. გამიმართლა, რომ მის გუნდში მოვხვდი, თუმცა მან "რინგზე" არჩევანი ჩემს სასარგებლოდ არ გააკეთა. ქრისტინა პეპელიანმა (მომღერალი) მომიტაცა - ის "ბრმა" კასტინგზე შემომიბრუნდა, მაგრამ მე არ ავირჩიე. მერე ქრისტინა გაოცებული ამბობდა: სწორედ ის გახდა "ჩემი" გამარჯვებული, ვინც არ ამირჩიაო. მისი მადლობელი ვარ. რომ არა ქრისტინა, პროექტს დავტოვებდი... წარმოიდგინეთ, რა რთულ მდგომარეობაში ვიყავი, როცა "ბრმა" კასტინგზე სიმღერის დასრულების შემდეგ ორი მწვრთნელი: შუშან პეტროსიანი (მომღერალი) და ჰაიკო ჰაკოფიანი სცენაზე ამოვიდნენ და აქეთ-იქიდან მექაჩებოდნენ, - არა ჩემთან წამოდი, არა - ჩემთანო. გადაწყვეტილება, თუ ვის გუნდში უნდა წავსულიყავი, იმ წუთში, სცენაზე მივიღე.
- ფინალური ტური როგორ დაგამახსოვრდა?
- ძალიან დაძაბული ვიყავი, რადგან მართლა ღირსეული კონკურენტები მყავდა. უნდა ვაღიარო, - არ მეგონა, ფინალამდე თუ მივიდოდი, რადგან თბილისელს იქ არავინ მიცნობდა. ვერ წარმოვიდგენდი, თუ უამრავი "ესემესი" მომივიდოდა. მით უმეტეს, კონკურსის ბევრი მონაწილე ამბობდა, - გამარჯვებული ის გახდება, ვინც ფულს გადაიხდისო. ეს მეც დავიჯერე, მაგრამ ხელი არ ჩამიქნევია. ვფიქრობდი, რომ მაინც უნდა მებრძოლა. ყველამ იცის, მხოლოდ სომხური კი არა, საერთოდ - "ვოისი" ფულთან არის დაკავშირებული, მე კი ეს პროექტი ფულის გარეშე მოვიგე. ვინც იცის ჩემი ოჯახის მატერიალური მდგომარეობა, ის დარწმუნებულია, რომ ეს დამსახურებული გამარჯვება იყო.
- გინდა თქვა, რომ ქართული "ახალი ხმის" გამარჯვებულებმაც ფული გადაიხადეს?
- დარწმუნებით ვერაფერს ვიტყვი. ზოგადად, ნებისმიერი ქვეყნის "ვოისზე" საზოგადოება ლაპარაკობს, რომ ამ კონკურსში ის იმარჯვებს, ვისაც ფული არ ენანება. მაგრამ როცა მე გავიმარჯვე, იქაურები მეუბნებოდნენ: ღირსეულ გამარჯვებას გილოცავთო! საბედნიეროდ, ხალხმა შემიყვარა და ბევრმა მათგანმა დამიმესიჯა. თბილისიდანაც ბევრი ადამიანი მგულშემატკივრობდა, სოციალურ ქსელში მწერდნენ. მინდა, ყველას დიდი მადლობა გადავუხადო ამ სიყვარულისთვის.
- გამარჯვებამ რა მოგიტანა?
- ჩემთვის ბინა და ფულადი ჯილდო არ მოუციათ. მერწმუნეთ, ამაზე მნიშვნელოვანი ხალხის სიყვარულია. გარდა ამისა, ეგვიპტის ორკაციანი საგზური გადმომცეს, სადაც უკვე ვიყავი დედასთან ერთად და კარგადაც დავისვენე. ასევე, სიმღერას ჩამიწერენ. ასე რომ, ზაფხულში ისევ ერევანში მომიწევს გამგზავრება. ახლაც უამრავი შემოთავაზებაsalesland.ge - ფასდაკლებების სამყარო! მაქვს, არაერთ კონკურსზე მიმიწვიეს, მაგრამ ამ ყველაფერზე უარის თქმა მომიხდა, რადგან გადავწყვიტე, ვიოლინოზე დაკვრა კარგად შევისწავლო. მინდა, ხალხმა ამ ახალ ამპლუაშიც გამიცნოს.
- ქართულ "ვოისში" მონაწილეობის სურვილი არ გაქვს?
- ეს შეკითხვა არაერთხელ დამისვეს. შესაძლებელია, ხალხმა სწორად ვერ გამიგოს, მაგრამ მიმაჩნია, რომ ქართულ "ვოისში" ჩემი მონაწილეობა სწორი არ იქნებოდა. ხალხისთვის რა უნდა მეთქვა? - მართალია, "ნიჭიერში" დამეხმარეთ, მაგრამ ახლა კიდევ ვითხოვ თქვენგან დახმარებას-მეთქი? ამიტომ გადავწყვიტე, ერევანში წავსულიყავი. თანაც - ერევანიც ხომ ჩემი სამშობლოა და მინდოდა, ხალხს იქაც გავეცანი.
- ე.ი. არ გიფიქრია, რომ ქართველებმა სათანადოდ ვერ დაგაფასეს?
- არა, რას ამბობ, როგორ არ დამაფასეს?! "ნიჭიერში" მონაწილეობის დროს უამრავმა ადამიანმა შემიყვარა. ისინი დღემდე მწერენ წერილებს და ყველაფერში მხარს მიჭერენ. მერწმუნეთ, ჩემთვის ეს გაცილებით მნიშვნელოვანია, ვიდრე - პირველი ადგილი. თანაც, 1000 ადამიანიდან ფინალში რომ გახვალ და მეოთხე ადგილს დაიკავებ, ეს წაგებას და დაუფასებლობას სულაც არ ნიშნავს.
- "ნიჭიერის" შემდეგ "საბავშვო ევროვიზიის" გამარჯვებულიც გახდი...
- დიახ. ჯგუფი "ქენდი", რომლის წევრიც ვიყავი, გიგა კუხიანიძემ ჩამოაყალიბა. სხვათა შორის, ის "ევროვიზია" ერევანში ჩატარდა და ჩვენ გავიმარჯვეთ... გარდა ამისა, მაკედონიის მუსიკალურ ფესტივალზე გრან-პრი ავიღე (ეს ჩვენთან არ გაუშუქებიათ), საქართველოში კი "მელოდია 2010"-შიც პირველი ადგილი დავიკავე... სხვათა შორის, "ევროვიზიაზე" რომ წავედით, ერევანში ლაპარაკობდნენ, - საქართველოს სახელით ჩვენი თანამემამულე გოგონა გამოდისო. იქ ახლა რომ ვიყავი, მონაწილეებმა და გულშემატკივრებმა მიცნეს და მკითხეს, - ჯგუფი "ქენდის" წევრი არ ხარო? თუმცა, ამ კონკურსიდან ჟიურის არც ერთ წევრს არ ვახსოვდი... ახლა მინდა, როგორც ვიოლინოზე დამკვრელი, ისე გამიცნონ. კიდევ ერთი სურვილი მაქვს და გაგიმხელთ: მსურს, გერმანიის სიმფონიურ ორკესტრში დავუკრა და ამ ქვეყანაში სოლო კონცერტები გავმართო.
- ეს ამბიციური განაცხადი ხომ არ არის?
- თუ მეცადინეობას არ შევწყვეტ, ეს ოცნება შესაძლოა, ამიხდეს. ასევე, მინდა, საოპერო ვოკალს გავყვე. ამჟამად, ვოკალშიც ვმეცადინეობ. ვფიქრობ, ერევნის კონსერვატორიაში ვიოლინოს განხრით ჩავაბარო, მერე კი გერმანიაში გავაგრძელებ კარიერას. თუმცა, ეს იმას არ ნიშნავს, რომ წარმატების შემთხვევაში საქართველოს მოვშორდები. აქაც ხშირად ჩამოვალ. ხომ იცით, ადამიანი იმ ადგილს ვერასდროს დაივიწყებს, სადაც დაიბადა.
ნათია ჟივიძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
