3
ივლისიდღის ზოგადი ასტროლოგიური პროგნოზი
თავდაცვის ყოფილი მინისტრი ირაკლი ოქრუაშვილი თვითმმართველობის არჩევნებისთვის ემზადება და კენჭს გორის მერობისთვის იყრის.
ამ დროისთვის მისი წინასაარჩევნო დაპირებიდან, ყველაზე დიდი პოპულარობით გორში სტალინის ძეგლის დაბრუნება სარგებლობს.
"ვინმეს მოსწონს თუ არა ეს თბილისში, თუ არის გორელების სურვილი, რომ ეს ძეგლი დაბრუნდეს, ეს ძეგლი უნდა დაბრუნდეს. გორი არის გორელების სახლი და საკუთარ სახლში რასაც უნდა, იმას დადგამენ. თუ იქნება ეს დაკვეთა, მე, ბუნებრივია, ამ დაკვეთას დავემორჩილები, ორი აზრი არაა", - აღნიშნა ოქრუაშვილმა.
მისივე თქმით, გორში ბევრი ისეთი რამის გაკეთება სურს, რაც მთავრობას, შესაძლოა, დისკომფორტს შეუქმნის. ოქრუაშვილი არ გამორიცხავს, რომ "საარჩევნო კოდექსში" ახალი ნორმის ჩადება, რომლითაც მას გორში მერად კენჭისყრა ეკრძალება, სწორედ მის მიერ დაგეგმილ "საქმეებს" უკავშირდება.
Ambebi.ge გთავაზობთ გამოკითხვაში მონაწილეობას. გამოხატეთ თქვენი მოსაზრება ირაკლი ოქრუაშვილის, როგორც პოლიტიკური ფიგურის ქართულ პოლიტიკაში დაბრუნებასთან დაკავშირებით გამოკითხვისთვის შექმნილ ამ გვერდზე.
