4
ივლისიდღის ზოგადი ასტროლოგიური პროგნოზი
ნორა ლობჟანიძე 24 წლისაა და მიუნხენში უკვე დიდ წარმატებას მიაღწია. ის პროფესიით მოცეკვავე და ფიტნეს-ტრენერი გახლავთ.
ნორა შესანიშნავ ფიზიკურ ფორმაშია და ის დატვირთული დღის გრაფიკის მიუხედავად, ყველაფერს ასწრებს. მოდი, უფრო ახალოს გავიცნოთ ნორა...
- ნორა, გვიამბე შენი საქმიანობის შესახებ.
- როგორც უკვე გითხარით, პროფესიით მოცეკვავე და ფიტნეს-ტრენერი ვარ. ამჟამად, მიუნხენში ჩემს პარტნიორთან ერთად ვცხოვრობ და ვმუშაობ საკუთარი ცეკვის სკოლაში, სადაც მე და ჩემი პარტნიორი ცეკვის გაკვეთილებს ვატარებთ.
- როდის და რატომ წახვედი საქართველოდან?
- საქართველო12-13 წლის ასაკში დავტოვე. მშობლებმა წამომიყვანეს და არავის უკითხავს ჩემთვის, მინდოდა თუ არა.
- მოგვიყევი, როგორ დაიწყო შენი კარიერა. რატომ აირჩიე ეს სფერო?
- ჯერ კიდევ საქართველოში ყოფნისას ბავშვობიდან დავდიოდი ტანვარჯიშზე და საკმაოდ წარმატებულიც ვიყავი ამ სფეროში. მოგვიანებით გადავედი ქართულ ცეკვებზე. ბავშვობიდანვე ვიცოდი, რომ სწორედ ცეკვითა და ვარჯიშით მივაღწევდი იმას, რაც ახლა მაქვს... ეს იყო ჩემი სფერო. ძალიან მიყვარს სცენაზე დგომა, მუსიკის ფონზე მოძრაობა და ზოგადად ძალიან აქტიური ადამიანი ვარ.
- ამჟამად რა ეტაპზე ხარ და რა ხდება შენს ცხოვრებაში?
- ვარ ინტერნაციონალური მოცეკვავე და ფიტნეს-ტრენერი. ჩემი ცეკვის სკოლა ორი წელია რაც არსებობს და საკმაოდ პოპულარულია მიუნხენში. აპრილის თვეში კი პირველად გავდივარ გერმანიის ფიტნესის შეჯიბრზე. პარალელურად, ფოტომოდელადაც ვმუშაობ და კლუბებშიც ვცეკვავ.
- რას აკეთებ იმისთვის, რომ ასეთ შესანიშნავ ფორმაში იყო?
- სპორტი, ძალიან ბევრი სპორტი და სწორი კვება!
შენი ფოტოები ხომ არ გამხდარა ქართული საზოგადოების განხილვის საგანი? შენი ოჯახის წევრები
- როგორ უყურებენ შენს საქმიანობას?
- ჩემი მშობლები არაფერს მეუბნებიან, რადგან იციან, რომ ეს ყველაფერი საქმეს სჭირდება. თავიდან უფრო იყო პრობლემა ჩემი სურათები, რადგან მაინც ქართულ ოჯახში გავიზარდე. დედაჩემი ნერვიულობს, როდესაც ჩემი ნათესავები ან ახლობლები ნახულობენ ჩემს სურათებს, მაგალითად ფეისბუქზე. განსაკუთრებით, ჩემს ძმას ჰქონდა პრობლემა ამის გამო და რამდენიმე წელი ნორმალურად არც ვეკონტაქტებოდით ერთმანეთს. მიუხედავად ამისა, ვთვლი, რომ ეს ჩემი პროფესიაა და თუ ვინმეს არ სიამოვნებს, ნუ შეხედავს ჩემს სურათებს, - რა პრობლემაა?
- დამოუკიდებელი ადამიანი ხარ? გადაწყვეტილებებს ადვილად იღებ ხოლმე?
- დამოუკიდებელი ვარ, მაგრამ გადაწყვეტილების მიღებაზე დიდხანს ვფიქრობ. ყოველ გადაწყვეტილებას შეუძლია მთელი ცხოვრება შეცვალოს, ამიტომ კარგად უნდა დაფიქრდეს ყველა და ისე გააკეთოს არჩევანი.
- რაიმე სკანდალში ხომ არ გახვეულხარ? რამდენად პოპულარული ხარ მიუნხენში?
- აქ ძალიან პოპულარული ვარ. სკანდალებს ვერიდები და შორს ვიჭერ თავს... ვცდილობ, დისტანცია დავიჭირო ჩემს ფანებთან, რაც არ არის ადვილი. მე გულღია ადამიანი ვარ და მინდა, ყველას დავეხმარო. ძალიან რთულია დისტანციის დაჭერა, მაგალითად, ჩემს მოსწავლეებთან.
- რა ხდება შენს პირად ცხოვრებაში?
- მე ჩემს პარტნიორთან ერთად ვცხოვრობ და ვმუშაობ. ის მშვიდი და წყნარი ადამიანია, ჩემგან განსხვავებით. ასე რომ, ერთმანეთს ვაბალანსებთ. ვცდილობ, თავისუფალი დრო პოზიტიურ და ენერგიულ ადამიანებთან ერთად გავატარო.
- რა არის შენი ცხოვრების მიზანი?
- მინდა ხალხის გაოცება და მათი მოტივაცია ჩემი წარმატებებით მოვახდინო. ასევე, გართობა და კარგი დროს გატარება.
- ყველაზე მნიშვნელოვანი რამ, რაც შენს ცხოვრებაში მომხდარა?
- პირველი, როდესაც გერმანიაში გადმოვედით საცხოვრებლად და მეორე, როდესაც ამერიკაში ვიყავი ორი წლით, მოცეკვავის სტატუსით წასული...
- აპირებ საქართველოში დაბრუნებას?
- ჯერჯერობით საქართველოში დაბრუნებას არ ვაპირებ.
