მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თვითმხილველები მურმან დუმბაძესთან დაკავშირებული ინცინდენტის შესახებ ყვებიან
06:33 / 10-03-2014
თვითმხილველები ვიცე-სპიკერ მურმან დუმბაძესა და "თავისუფალი საქართველოს" წევრ მერაბ ღოღობერიძეს შორის მომხდარი ინცინდენტის შესახებ საუბრობენ. როგორც აჭარის ტელევიზიის ჟურნალისტმა ემზარ დიასამიძემ "ინტერპრესნიუსს" განუცხადა, მერაბ ღოღობერიძეს ქუჩაში ესაუბრებოდა, რა დროსაც მურმან დუმბაძემ ავტომობილი გააჩერა და სიტყვიერი დაპირისპირება ფიზიკურ შეხლა-შემოხლაში გადაიზარდა.
"მერაბ ღოღობერიძესთან ერთად ვიდექი და ვსაუბრობდით. მურმან დუმბაძემ მანქანით ჩამოიარა. ჯერ იყო სიტყვიერი შეურაცხყოფა, შემდეგ, მურმან დუმბაძის ძმა, ნუგზარ დუმბაძე გადმოვიდა მანქანიდან და მერაბ ღოღობერიძე და ის ერთმანეთს ფიზიკურად დაუპირისპირდნენ. მურმან დუმბაძე ფიზიკურ დაპირისპირებაში არ ჩართულა", - აღნიშნა ემზარ დიასამიძემ.
აჭარის ტელევიზიის იურისტი მალხაზ ბოლქვაძე, რომელიც ინციდენტს შეესწრო, აცხადებს, რომ ღოღობერიძესა და დუმბაძეებს შორის სიტყვიერ და ფიზიკურ დაპირისპირებას ჰქონდა ადგილი. როგორც მან განმარტა, დაპირისპირებულ მხარეებს შორის ჩადგა და ისინი გააშველა.
"შუაში ჩავდექი და დავაშორე ერთმანეთს. ინცინდენტი მალევე ამოიწურა და დუმბაძეები შემთხვევის ადგილიდან წავიდნენ", - აღნიშნა მალხაზ ბოლქვაძემ.
ინციდენტის მონაწილე მერაბ ღოღობერიძე საპატრულო პოლიციის თანამშრომლებმა საგამოძიებო მოქმედებების ჩასატარებლად წაიყვანეს, ხოლო მურმან დუმბაძის ადგილსამყოფელი უცნობია, ის ტელეფონს არ პასუხობს.
ხელვაჩაურში, ადგილობრივ თვითმმართველობის არჩევნებისთვის "თავისუფალი საქართველოს" სიის პირველი ნომერი მერაბ ღოღობერიძე პარლამენტის ვიცე-სპიკერ მურმან დუმბაძეს შეურაცხყოფის მიყენებაში ადანაშაულებს.
როგორც ღოღობერიძემ "ინტერპრესნიუსს" განუცხადა, ბათუმში, მემედ აბაშიძისა და ასათიანების ქუჩების კვეთასთან მეგობრებს ესაუბრებოდა, რა დროსაც ავტომობილი სანომრე ნიშნით "DUM 777" გაჩერდა, გადმოვიდა მურმან დუმბაძე და მისი ძმა და მას "გაუსწორდნენ".
"ავტომობილი გაჩერდა, საიდანაც გადმოვიდნენ მურმან დუმბაძე და მისი ძმა ნუგზარ დუმბაძე. მურმან დუმბაძემ დედა შემაგინა, ხოლო მისი ძმა მომიახლოვდა და ფიზიკურად შემეხო. მოხდა ჩვენს შორის დაპირისპირება. ადგილზე გამოვიძახე საპატრულო პოლიცია, რომელიც კონფლიქტის დეტალებს არკვევს", - აღნიშნა მერაბ ღოღობერიძემ. როგორც ღოღობერიძე აცხადებს, შემთხვევა დააფიქსირეს აღნიშნულ ქუჩებზე განთავსებული ობიქტების ვიდეოკამერებმა.
აღსანიშნავია, რომ გასულ კვირაში მერაბ ღოღობერიძემ მურმან დუმბაძის შვილთან სატელეფონო საუბრის ჩანაწერი გამოაქვეყნა, რომელშიც მუხრან დუმბაძე "თავისუფალი საქართველოს" წარმომადგენელს შეხვედრას სთხოვს და შეურაცხმყოფელი სიტყვებით მიმართავს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
