მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
არ ჩაყოთ მკერდი სხვის კერძში და არ მიაშტერდეთ შიშველ მეზობელს - ნუდისტებისთვის სუფრასთან ქცევის წესები შემოიღეს
07:24 / 09-03-2014
ნუდისტური კურორტების მოყვარულებმა შიშვლად სადილობისთვის სპეციალური ეტიკეტის ნორმების დადგენა მოითხოვეს.
როგორც აღმოჩნდა, ნუდიზმის მთავარი ხიბლი - გაათავისუფლოს ადამიანი სტრესისგან - ზოგჯერ უხერხული მომენტებით იჩრდილება. ამ უხერხულობებს კი თურმე საერთო ქცევის წესების, იგივე ეტიკეტის არარსებობა იწვევს. ამის გამო სპეციალისტებმა გარკვეული რეკომენდაციები შეიმუშავეს, რათა სუფრასთან მსხდარმა დედიშობილა სტუმრებმა თავი უფრო კომფორტულად იგრძნონ. სტუმრების ქცევის წესები საკმაოდ მარტივია:
1. გირჩევთ, სუფრასთან საკუთარ პირსახოცზე იჯდეთ. ჰიგიენისა და ჯანმრთელობის შენარჩუნების თვალსაზრისით, ეს უფრო გამართლებულია.
2. მართალია საყოველთაო სიშიშვლე ერთმანეთთან გაახლოვებთ, მაგრამ მიპატიჟების გარეშე მაინც ნუ მიუსხდებით ნუდისტურ სუფრას. იქ მყოფნი, სავარაუდოდ, უარს არ იტყვიან ახალი წევრის შემატებაზე, მაგრამ თავაზიანობის წესები მაინც უნდა დაიცვათ.
3. სადილის წინ აუცილებლად დაიფინეთ მუხლებზე ხელსახოცი და სხეულის მიმდებარე ნაწილებიც მის ქვეშ მოათავსეთ. ყველასთვის ასე ჯობია.
4. განსაკუთრებული სიფრთხილე გამოიჩინეთ ცხელი კერძების მიმართ, წინააღმდეგ შემთხვევაში მძიმე დამწვრობა გარდაუვალია.
5. იჯექით გამართული. მოკუზული ადამიანი ჩაცმულიც კი ცუდად გამოიყურება, გახდილი კი ბევრად უარესად.
6. ნუ ეცდებით შორს მდებარე კერძს სხვის დაუხმარებლად მიწვდეთ. ერთია, როცა სხვის წვნიანში ჰალსტუხს ჩაყობთ და სულ სხვაა როცა მკერდით მოგიწევთ ამის გაკეთება.
7. ნუ მიაშტერდებით მეზობელს, თუნდაც მისთვის თვალის მოშორება გაგიჭირდეთ.
8. სამახსოვრო ფოტოების გადაღებისას კარგად შეამოწმეთ, რომ კადრში მსურველების გარდა სხვისი შიშველი სხეულიც არ მოხვდეს.
ნუდისტურ კურორტთა ასოციაციის ხელმძღვანელის, სიუ ნერუდის განცხადებით, ნუდიზმის კულტურა დღითიდღე პოპულარული ხდება. ის განსაკუთრებით 30 წელს გადაცილებულ ადამიანებს იზიდავს. სამწუხაროდ, არ არსებობს მათი ზუსტი სტატიტიკა, რადგან ნუდისტურ კურორტებზე დამსვენებლებს ხშირად ანონიმად დარჩენა სურთ.
ნუდიზმის, იგივე ნატურიზმის მიზანია ადამიანი მაქსიმალურად დაუახლოვოს ბუნებას, რისთვისაც მისი მიმდევრები ყოველგვარ სამოსზე უარს ამბობენ. ნუდისტური პლაჟები საკურორტო ბიზნესში საკმაოდ პოპულარულია და ყოველწლიურად ათასობით კლიენტს ისტუმრებს.
მომზადებულია lifenews.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
