9
ივნისიდღის ზოგადი ასტროლოგიური პროგნოზი
სასჯელაღსრულებისა და პრობაციის მინისტრი სოზარ სუბარი გეგუთის #14 დაწესებულებაში მოკლული გიორგი ფარტენაძის საქმესთან დაკავშირებით "დაშვებულ შეცდომაზე" საუბრობს და განმარტავს, რომ მისი გათვალისწინების შემთხვევაში, ტრაგედიის თავიდან აცილება შესაძლებელი იქნებოდა.
აღნიშნულ საკითხთან დაკავშირებით სოზარ სუბარმა "პალიტრა ტვ"-ის ეთერში, გადაცემა "ემას შოუში" ისაუბრა. "ამ კონკრეტულ ფაქტთან დაკავშირებით არის დაშვებული გარკვეული შეცდომები, რომელთა გათვალისწინების შემთხვევაშიც, ალბათ, შესაძლებელი იქნებოდა ამ დანაშაულის თავიდან აცილება, დანაშაულის, რომელიც დამთავრდა მძიმე ტრაგედიით - ახალგაზრდა კაცის მკვლელობით", - განაცხადა სოზარ სუბარმა.
მისივე განმარტებით, გეგუთის ციხის დირექტორმა თანამდებობა უკვე დატოვა.
"ციხის დირექტორი გადადგა თანამდებობიდან. მოვალეობას ასრულებს მისი მოადგილე. პასუხისმგებლობა, სავარაუდოდ, დადგება და არაერთი ადამიანის, ოღონდ არ გავუსწრებ წინ გამოძიებას", - აღნიშნა მინისტრმა, რომლის განმარტებითაც მკვლელობა ისეთი საგნის გამოყენებით მოხდა, რომლის ქონის უფლებაც პატიმრებს აქვთ.
გარდა ამისა, სუბარის ინფორმაციით, დაღუპული მსჯავრდებული საკანში განსაკუთრებით საშიშ დამნაშავეებთან ერთად იყო მოთავსებული. "ის იმყოფებოდა განსაკუთრებით საშიშ დამნაშავეებთან ერთად. თუ იმ მუხლს ავიღებთ, რითაც ის იყო გასამართლებული, ესაა ძალიან მძიმე მუხლი, თუმცა მეორე საკითხია ის, რამდენად სწორად მიუსაჯა სასამართლომ", - დასძინა სოზარ სუბარმა.
2014 წლის 4 მარტს, 02:30 საათზე, გეგუთის #14 დაწესებულებაში, ექვსადგილიან საკანში, სადაც ხუთი მსჯავრდებული იმყოფებოდა, პატიმრებს შორის დაპირისპირება მოხდა, რაც ერთ-ერთი მსჯავრდებულის, გიორგი ფარტენაძის გარდაცვალებით დასრულდა.
ასევე დაგაინტერესებთ:
