გაფიცული მუშების ინფორმაციით, პრემიერ-მინისტრის აპარატის წარმომადგენლები ორშაბათს კაზრეთში ჩავლენ

პრემიერ-მინისტრის აპარატის წარმომადგენლები ორშაბათს დაბა კაზრეთში ჩავლენ. ამის შესახებ აქციის მონაწილეებმა "ინტერპრესნიუსს" პრემიერ-მინისტრის აპარატის წარმომადგენლებთან დღეს გამართული შეხვედრის დასრულების შემდეგ განუცხადეს.

მათი ინფორმაციით, პრემიერ-მინისტრის აპარატის მხრიდან მედიატორი შეირჩა, რომელიც კაზრეთში მუშებთან მოლაპარაკებებში ჩაერთვება.

პრემიერ-მინისტრის აპარატის წარმომადგენლებთან დღეს მოლაპარაკებებზე კაზრეთის საბადოს გაფიცული 4 მუშა იმყოფებოდა.

გაფიცული მუშები, მთავრობის ადმინისტრაციასთან აქციას 12:00 საათიდან მართავდნენ. ისინი სამსახურში აღდგენას და შრომითი პირობების გაუმჯობესებას მოითხოვდნენ.

იხილეთ ფოტოგალერეა: კაზრეთელი მუშების პროტესტი კანცელარიასთან

"ინტერპრესნიუსი"