"მერსიმ "დაგვაბოლა" - ვინ არის გოგონა, რომელიც მკერდის მოშიშვლებით გაიცნეს

გუშინ საქართველოში კიდევ ერთი გოგონა გაიცნეს: მერსი სულხანიშვილმა პოპულარულ შოუში გადაწყვიტა, მკერდი მოეშიშვლებინა, რადგანაც მიიჩნია, რომ ასე უკეთ გაიცნობდნენ, მით უფრო, რომ, როგორც აღნიშნა, მკერდი "ნატურალური" აქვს...

რა შეფასებები მოჰყვა ამ ეპატაჟურ ჟესტს, ეს სხვა საკითხია... საინტერესოა, რეალურად ვინ არის ის, ვინც ასე მოწყურებულია პოპულარობას?.. ამის გასარკვევად, დახმარება "ბომონდის" მთავარ რედაქტორს, თეა აგლაძეს ვთხოვეთ, რომელმაც ამ გოგონას, თავის დროზე, "ბომონდში" მოდის სფეროზე წერის საშუალება მისცა...

- მე ის როგორც მერსია ისე გავიცანი, იმის მერე მერსი გახდა. როდესაც მისი თამამი ფოტოები ვნახე, ძალიან დავიბენი. დავურეკე და ვუთხარი, - მეგონა, მოდა გიყვარდა და შენ თავის წარმოჩენა გდომებია-მეთქი...

თავიდან ერთ-ერთი ბლოგერის, ნატუკა ქარქაშაძის გადაღებაზე გავიცანი. მომეჩვენა, რომ ცოტა დაბნეული, უცნაური და მოდაზე შეყვარებული გოგონა იყო. ამ სფეროში მომუშავე ახალგაზრდებიდან ბევრს, მათ შორის, ნიჭიერებს ვეხმარები. მოკლედ, ზოგისთვის ტრამპლინიც კი ყოფილა "ბომონდთან" ურთიერთობა...

მერე მისი ბლოგსაც გავეცანი, მოდაზე წერდა და ბლოგის პოპულარიზაციაში დავეხმარე. ჟურნალში გვერდები გამოვუყავი, რასაც "მერსიას ბლოგი" დავარქვი. იქ მისი ბლოგიდან იყო აღებული ტექსტები, ანუ ბეჭდური ვარიანტი გაკეთდა. მართლა ნიჭიერი გოგოა, თავის სამყარო აქვს და ამიტომ არ მომეწონა ის ფორმა, რითაც ის გუშინ საზოგადოებამ გაიცნო. დარწმუნებული ვარ, არც მისი გადაცემა აქვს ხალხს ნანახი, რომელზეც მუშაობს და არც მისი ბლოგი აქვს წაკითხული.

- შოუში, როგორც თამამი ადამიანი ისე წარმოჩინდა, რომელსაც სულაც არ ერიდება მკერდი საჯაროდ მოიშიშვლოს...

- თავიდან თამამი ფოტოები სოციალურ ქსელში რომ გამოაქვეყნა, ვურჩიე, არ გინდა-მეთქი, თუმცა ის ესთეტიკური თვალსაზრისით, მართლა  ტრენდია, ამით კი არ ვამართლებ, ვამბობ იმას, რომ არ მომწონს მისი ეს პიარნაბიჯი. ასე არ უნდა მოქცეულიყო, რადგან პოპულარული ჯობდა, საქმით გამხდარიყო. მაგრამ საქართველოში ის, რაც გუშინ ვნახეთ, "იჭმევა"... ეს მისი ნებაა, პოპულარობისთვის რა გზას აირჩევს... ამ ყველაფერს ის როგორც მოდას, ესთეტიკას, ისე უყურებს. თუმცა ეს ნამდვილად არის ტრენდი, მაგრამ რომ ამბობდა, პარიზი, პარიზიო, იქ ქუჩაში ასე მოშიშვლებულები კი არ დადიან და არც თვითონ დადის ასე. მაგრამ შოუდან გაიგეს, რომ ყველგან ასე დადის და ეს "გაიყიდა". ერთი კითხვაც არ დაუსვამთ მისთვის იმასთან დაკავშირებით, ერკვევა თუ არა საერთოდ მოდაში. იქნებ უბრალოდ "დაგვაბოლა?" თუმცა მართლაც "დაგვაბოლა", რადგან ახლა მასზე ვლაპარაკობთ...

- ვინ არის პროფესიით?

- "ალასანიაში" ჟურნალისტიკის ფაკულტეტზე სწავლობს. ძალიან უნდოდა, ჟურნალისტობა და "მიუზიკ ბოქსზე" გადაცემა გააკეთა, მაგრამ გადაცემითა და ბლოგით პოპულარული ვერ გახდა და ეს გზა აირჩია...

- რატომ ვერ გახდა აქამდე პოპულარული?

- ბოლო დროს ჩვენში ცნობილი ვინმე მისი საქმიანობით თუ გამხდარა?! რაღაც ისეთი ტენდენცია დამკვიდრდა, რომ პოპულარულები საკუთარი სკანდალური ქმედებით ხდებიან...

ლალი ფაცია

სპეციალურად "ამბები.გე"-სთვის

ასევე იხილეთ:

-ბიუსტჰალტერი არ ჩავიცვი - კიდევ ერთი "ნატურალური" მკერდი "პროფილში"

• მერსი სულხანიშვილი: "სასიამოვნოა, როცა მეუბნებიან, რა კარგი მკერდი მაქვს"
• "უგემოვნების პიკი!"- ცხოველთა უფლებადამცველების პროტესტი ქართველ ''პრუნწ'' საზოგადოებას