ყირიმში ჩეჩნური ბატალიონი "ვოსტოკი" შენიშნეს

ყირიმში საიდენტიფიკაციო ნიშნების არმქონე შეიარაღებულ ადამიანებს უკრაინის არმიის სამხედრო შენაერთები ბლოკირებული აქვთ. მაგალითად, ზოგიერთი ინფორმაციით, სიმფეროპოლში უკრაინის სამხედრო-საზღვაო ძალების შტაბს ალყა შემოარტყეს სამხედრო დანაყოფებმა, რომელთაც პრესაში როგორც რუს სამხედროებს, ისე ყირიმის თავდაცვის რაზმს უწოდებენ. ასევე ბლოკირებულია ფეოდოსიას საზღვაო ქვეითების ბატალიონი, ამასთან, იქ რუსული ჯავშანტრანსპორტიორი შენიშნეს.

უფრო მეტიც, რუსეთის თავდაცვის მინისტრის სერგეი შოუგუს ყირიმში რუსი სამხედროების არარსებობაზე გაკეთებული განცხადებების ფონზე, უკრაინის გენშტაბი ჩეჩნურ ბატალიონი "ვოსტოკის" სამხედოების შესახებ იტყობინება. როგორც უკრაინული " როსბალტი" იუწყება, სიმფეროპოლში სამხედრო ნაწილ А2542-ის ღობესთან განლაგდნენ შეიარაღებული ადამიანები, რომელთაც ფორმაზე საიდენტიფიკაციო ნიშნები არ აქვთ. მათ უკრაინის სამხედრო-საზღვაო ძალების შტაბს შემოავლეს ალყა.

მომზადებულია wow-impulse.ru-ს მიხედვით.