1
ივნისიდღის ზოგადი ასტროლოგიური პროგნოზი
პუტინი აშენებს გამყოფ ხაზებს, რაც XXI საუკუნეში ყოვლად მიუღებელია, - ამის შესახებ ევროკავშირის ყოფილმა უმაღლესმა კომისარმა გაფართოებისა და სამეზობლო პოლიტიკის საკითხებში, გიუნტერ ფერჰოიგენმა დვანში განაცხადა, სადაც ის საოკუპაციო ხაზთან არსებულ ვითარებას გაეცნო და ადგილობრივ მოსახლეობას გაესაუბრა.
"ამ ყველაფერს რომ ვუყურებ, რაც აქ დამხვდა, მახსენდება რეიგანის სიტყვები, რომელიც მან გორბაჩოვს უთხრა. დღევანდელობიდან გამომდინარე ეს არის პუტინი, რომელიც აშენებს გამყოფ ხაზებს. ევროპამ უნდა გააკეთოს ყველაფერი იმისთვის, რომ მოხდეს კონსტრუქციული დიალოგი. რუსეთმა უნდა აღიაროს საქართველოს დამოუკიდებლობა და ტერიტორიული მთლიანობა და უნდა მოხდეს საქართველოს დეოკუპაცია, რადგან რაც ხდება დღეს, ეს არ არის ევროპა, რომლისკენაც ჩვენ მივილტვით. XXI საუკუნეში რუსეთის ამგვარი ქმედებები ყოვლად მიუღებელია", - აღნიშნა ფერჰოიგენმა.
