გა­მა­მარ­თლე­ბე­ლი გა­ნა­ჩე­ნის მომ­ლო­დი­ნე ექ­სპრე­მი­ე­რი ვანო მე­რა­ბიშ­ვი­ლი, რო­მე­ლიც დღემ­დე თავს პო­ლიტ­პა­ტიმ­რად მი­იჩ­ნევს, მარ­თლმსა­ჯუ­ლე­ბამ, რო­გორც იტყვი­ან, ხერ­ხე­მალ­ში გა­და­ტე­ხა - ე.წ. და­საქ­მე­ბის პროგ­რა­მის ეპი­ზო­დი­სა და კვა­რი­ა­თის აგა­რა­კის საქ­მე­ებ­ზე ქუ­თა­ი­სის სა­ოლ­ქო სა­სა­მარ­თლომ ვერ­დიქ­ტის თა­ნახ­მად, მას 5 წლით აღუკ­ვე­თა თა­ვი­სუფ­ლე­ბა. რაც შე­ე­ხე­ბა 26 მა­ი­სის საქ­მეს, ამა­ზე თბი­ლი­სის სა­ქა­ლა­ქო სა­სა­მარ­თლომ იმ­სჯე­ლა და პო­ლი­ტი­კუ­რი თა­ნამ­დე­ბო­ბის პი­რის მიერ ძა­ლა­დო­ბის გა­მო­ყე­ნე­ბით უფ­ლე­ბა­მო­სი­ლე­ბის გა­და­მე­ტე­ბის­თვის, მე­რა­ბიშ­ვილს 4 წლი­თა და 6 თვით თა­ვი­სუფ­ლე­ბის აღ­კვე­თა მი­უ­სა­ჯა, ამას­თან, 1 წლი­თა და 6 თვით სა­ხელ­მწი­ფო თა­ნამ­დე­ბო­ბის და­კა­ვე­ბა აუკ­რძა­ლა.

დაც­ვის მხა­რე სა­სა­მარ­თლოს "უკა­ნო­ნო" გა­და­წყვე­ტი­ლე­ბის გა­სა­ჩივ­რე­ბას ყვე­ლა ინ­სტან­ცი­ა­ში აპი­რებს. ვი­ნა­ი­დან არც ერთი გა­ნა­ჩე­ნი კა­ნო­ნი­ერ ძა­ლა­ში ჯერ არ შე­სუ­ლა, ცნო­ბა იმის შე­სა­ხებ, თით­ქოს პირ­ველ და­ნა­შა­ულ­ზე გა­მო­ტა­ნი­ლი ხუთი წელი და­ნარ­ჩენ სას­ჯე­ლებს შთან­თქავს და ვანო მე­რა­ბიშ­ვი­ლი "მატ­რო­სო­ვის ცი­ხი­დან" 5 წელ­ში გა­მო­ვა, სა­მარ­თალ­დამ­ცვე­ლე­ბის თქმით, ამ ეტაპ­ზე ცო­ტა­თი გა­და­ჭარ­ბე­ბუ­ლია. საქ­მის დე­ტა­ლებ­ზე სა­სა­უბ­როდ სა­ხელ­მწი­ფო ბრალ­მდე­ბელს, ნა­თია სონ­ღუ­ლაშ­ვილს შევ­ხვდი.

- ქალ­ბა­ტო­ნო ნა­თია, რო­დე­საც ვანო მე­რა­ბიშ­ვი­ლის საქ­მე­ზე და­ი­ნიშ­ნეთ პრო­კუ­რო­რად, სა­პარ­ლა­მენ­ტო უმ­რავ­ლე­სო­ბის ზო­გი­ერ­თმა წარ­მო­მად­გე­ნელ­მა პრო­ტეს­ტი გა­მოთ­ქვა: ამ­ბობ­დნენ, რომ თქვენ და­კავ­ში­რე­ბუ­ლი იყა­ვით ვანო მე­რა­ბიშ­ვილ­თან და იგი ყო­ველ­თვის თქვენს უფ­რო­სად დარ­ჩე­ბო­და.

- ვანო მე­რა­ბიშ­ვი­ლი არა­სო­დეს არც ერთი პრო­კუ­რო­რის უფ­რო­სი არ ყო­ფი­ლა. პი­რა­დად მე, მას­თან შე­ხე­ბა არ მქო­ნია და ჩემს კომ­პე­ტენ­ცი­ა­ში არას­დროს არც ერთი მა­ღალ­ჩი­ნო­სა­ნი არ ჩა­რე­უ­ლა. მე მყავ­და ჩემი სამ­სა­ხუ­რის უფ­რო­სი.

- რომ არა სა­კა­ნონ­მდებ­ლო ცვლი­ლე­ბე­ბი და "ამ­ნის­ტი­რე­ბუ­ლი" მუხ­ლე­ბი, რამ­დენს მი­უს­ჯიდ­ნენ ივა­ნე მე­რა­ბიშ­ვილს იმ და­ნა­შა­უ­ლის­თვის, რო­მელ­შიც თქვენ იყა­ვით ბრალ­მდე­ბე­ლი?

- ივა­ნე მე­რა­ბიშ­ვილს სულ 6 მუხ­ლი ჰქონ­და წარ­დგე­ნი­ლი: 3 - და­საქ­მე­ბის და 3 - აგა­რა­კის ეპი­ზოდ­ში. მო­სა­მარ­თლემ მას სამ­სა­ხუ­რებ­რი­ვი უფ­ლე­ბა­მო­სი­ლე­ბის ბო­რო­ტად გა­მო­ყე­ნე­ბის მუხ­ლი მო­უხ­სნა, ვი­ნა­ი­დან ეს და­ნა­შა­უ­ლი ორი­ვე ეპი­ზოდ­ში იყო დაკ­ვა­ლი­ფი­ცი­რე­ბუ­ლი. რად­გან გაფ­ლან­გვის მუხლს ყვე­ლა­ზე დიდი სან­ქცია ჰქონ­და, ამი­ტო­მაც მი­უ­სა­ჯეს 10 წელი, თუმ­ცა ვი­ნა­ი­დან გაფ­ლან­გვის მუხ­ლი "ამ­ნის­ტი­რე­ბუ­ლია", მე­რა­ბიშ­ვილს სას­ჯე­ლი გა­უ­ნა­ხევ­რდა და ამ მუხ­ლმა სხვა და­ნარ­ჩე­ნი სას­ჯე­ლე­ბიც შთან­თქა. 2012 წლის 1-ლი ოქ­ტომ­ბრის შემ­დეგ სა­კა­ნონ­მდებ­ლო ცვლი­ლე­ბე­ბი რომ არ გან­ხორ­ცი­ე­ლე­ბუ­ლი­ყო და ამ­ნის­ტი­ის აქტი არ გა­მო­ცე­მუ­ლი­ყო, ძვე­ლი სს კო­დექ­სით, მე­რა­ბიშ­ვილს ჯამ­ში, 24 წელი და 6 თვე გა­მოს­დი­ო­და სას­ჯე­ლი.

- რო­გორც "ნა­ცი­ო­ნა­ლე­ბი" ამ­ბო­ბენ, ასე­უ­ლო­ბით მოწ­მე და­ი­კი­თხა და არც ერთ მათ­განს მე­რა­ბიშ­ვი­ლი­სა და ჭი­ა­ბე­რაშ­ვი­ლის ბრა­ლე­უ­ლო­ბა, არც და­ნა­შა­უ­ლებ­რი­ვი სქე­მა არ უხ­სე­ნე­ბია...

- მარ­ტი­ვად ავუხ­სნათ მკი­თხველს, თუ რა ჩა­ი­დი­ნეს მე­რა­ბიშ­ვილ­მა და ჭი­ა­ბე­რაშ­ვილ­მა: ვი­ნა­ი­დან წი­ნა­სა­არ­ჩევ­ნო პე­რი­ოდ­ში, მას­შტა­ბუ­რი პროგ­რა­მე­ბის წა­მო­წყე­ბა აკ­რძა­ლუ­ლია, კა­ნო­ნის დარ­ღვე­ვა რომ არ გა­მოს­ვლო­დათ, მათ ივ­ლის­ში და­ი­წყეს ე.წ. და­საქ­მე­ბის პროგ­რა­მა, რო­მე­ლიც სი­ნამ­დვი­ლე­ში, თა­ვი­სი ში­ნა­არ­სით, სა­ქარ­თვე­ლო­ში უმუ­შე­ვა­რი ადა­მი­ა­ნე­ბის აღ­წე­რის პროგ­რა­მა იყო. 2500 და­საქ­მე­ბუ­ლი, ე.წ. ბე­ნე­ფი­ცი­ა­რე­ბი კარ­და­კარ და­დი­ოდ­ნენ და აღ­წერ­დნენ უმუ­შევ­რე­ბის რა­ო­დე­ნო­ბას. 25 სა­პი­ლო­ტე ქა­ლაქ­ში და­ი­წყო ეს აღ­წე­რა. პა­რა­ლე­ლუ­რად, მათ თით­ქოს­და აგენ­ტე­ბად, 22 ათა­სამ­დე ადა­მი­ა­ნი გა­იყ­ვა­ნეს 600 ათა­სი ოჯა­ხის ვი­თომ აღ­სა­წე­რად. ისი­ნი "ნა­ცაქ­ტი­ვის­ტე­ბი" და მათი მხარ­დამ­ჭე­რე­ბი იყ­ვნენ. მე­რა­ბიშ­ვილ­მა და ჭი­ა­ბე­რაშ­ვილ­მა ეს ადა­მი­ა­ნე­ბი მო­ის­ყი­დეს - მის­ცეს არა ხელ­ფა­სი, არა­მედ თი­თო­ე­ულს - 240 ლარი და გა­ა­ფორ­მეს სო­ცი­ა­ლუ­რი მომ­სა­ხუ­რე­ბის სა­ა­გენ­ტო­ში. ამ პი­რებს სა­ა­გენ­ტოს­თვის და სა­მუ­შა­ოს მა­ძი­ე­ბელ­თა აღ­რი­ცხვის პროგ­რა­მის­თვის არა­ფე­რი გა­უ­კე­თე­ბი­ათ - წი­ნა­სა­არ­ჩევ­ნოდ გა­წე­უ­ლი სამ­სა­ხუ­რის­თვის მი­ი­ღეს ანა­ზღა­უ­რე­ბა. უმ­რავ­ლე­სო­ბა ამ­ბობ­და, რომ იყო კო­ორ­დი­ნა­ტო­რი, დამ­კვირ­ვე­ბე­ლი და ა.შ. ისი­ნი ეწე­ოდ­ნენ "ნა­ცი­ო­ნა­ლუ­რი მოძ­რა­ო­ბის" აგი­ტა­ცი­ას მო­სახ­ლე­ო­ბა­ში. "და­საქ­მე­ბუ­ლებ­ზე" ჯამ­ში, 5 მი­ლი­ონ 240 880 ლარი გა­იფ­ლან­გა.

- ექ­სპრე­მი­ე­რის მე­გობ­რე­ბი დღემ­დე ამ­ტკი­ცე­ბენ, რომ აგა­რა­კი, რო­მელ­საც მე­რა­ბიშ­ვი­ლი და­ე­პატ­რო­ნა, კერ­ძო კი არა, სა­ხელ­მწი­ფო სა­კუთ­რე­ბა იყო...

- კვა­რი­ა­თის აგა­რა­კი რო­დე­საც ვანო მე­რა­ბიშ­ვი­ლის ინ­ტე­რე­სის სფე­რო­ში მო­ექ­ცა, სა­ხელ­მწი­ფო სა­კუთ­რე­ბა არ ყო­ფი­ლა, სა­ჯა­რო რე­ესტრის მი­ხედ­ვით, ის 2007 წლი­დან იუ­რი­დი­ულ ფირ­მა "სა­ერ­თა­შო­რი­სო სა­ინ­ვეს­ტი­ციო კომ­პა­ნი­ას" ეკუთ­ვნო­და (2010 წელს აგა­რა­კი შე­ი­ძი­ნა ოფ­შორ­ში და­რე­გის­ტრი­რე­ბულ­მა შვე­ი­ცა­რი­ულ­მა კომ­პა­ნია "მე­ტა­ლიკ­მა", რომ­ლის დი­რექ­ტო­რიც "წი­თე­ლი ცირ­კუ­ლა­რით" ძებ­ნი­ლი ბიზ­ნეს­მე­ნი ზუ­რაბ ლობ­ჟა­ნი­ძეა). 2009 წლის მა­ის­ში, მე­რა­ბიშ­ვი­ლის ბრძა­ნე­ბით, აგა­რაკ­ზე პო­ლი­ცი­ე­ლე­ბი შე­იჭრ­ნენ და გა­მო­ა­ძე­ვეს იქ მყო­ფი პი­რე­ბი, რის შემ­დე­გაც მი­სით წლე­ბის გან­მავ­ლო­ბა­ში სარ­გებ­ლობ­და ივა­ნე მე­რა­ბიშ­ვი­ლი - ოჯახ­თან ერ­თად ის­ვე­ნებ­და. მოწ­მე­ე­ბის თქმით, კვა­რი­ა­თის აგა­რაკ­ზე თითო-თი­თო­ჯერ არი­ან ნამ­ყო­ფი ახა­ლა­ი­ე­ბიც. ბრალ­დე­ბა მე­რა­ბიშ­ვილს ედა­ვე­ბო­და იმას, რომ მისი ბრძა­ნე­ბით მოხ­და კერ­ძო სა­კუთ­რე­ბის უფ­ლე­ბის ხელ­ყო­ფა და აგა­რა­კი შსს-ს სახ­სრე­ბით გა­რე­მონტდა - რე­მონ­ტის­თვის სულ 154 ათას ლა­რამ­დე თან­ხა გა­ი­ხარ­ჯა. პრო­ცეს­ზე დავ­კი­თხეთ ზუ­რაბ ლობ­ჟა­ნი­ძის ძმის­შვი­ლი, რო­მე­ლიც არის ამ შპს-ს დი­რექ­ტო­რი, ასე­ვე, ძვე­ლი დი­რექ­ტო­რიც და ორი­ვემ და­ა­დას­ტუ­რა, რომ ვანო მე­რა­ბიშ­ვილ­მა არა­ერ­თხელ შე­უთ­ვა­ლა ძებ­ნილ ლობ­ჟა­ნი­ძეს, უსას­ყიდ­ლოდ დათ­მე აგა­რა­კი და ყვე­ლა საქ­მეს შე­გი­წყვე­ტო.

- მე­რა­ბიშ­ვი­ლი და ჭი­ა­ბე­რაშ­ვი­ლი პრო­ცეს­ზე მარ­თლა აგი­ნებ­დნენ პრო­კუ­რო­რებს?

- პრო­ცეს­ზე ოთხი პრო­კუ­რო­რი გა­მოვ­დი­ო­დით და ჩვენ მი­მართ მარ­თლაც ის­მო­და უცენ­ზუ­რო და არა­კო­რექ­ტუ­ლი გა­მო­ნათ­ქვა­მე­ბი, რა­ზეც სა­სა­მარ­თლო არ რე­ა­გი­რებ­და, თუმ­ცა ჩვენ მა­ინც ვა­კე­თებ­დით აქ­ცენტს. მე­რა­ბიშ­ვი­ლი, რო­გორც წესი, არა­კო­რექ­ტუ­ლად მოგ­ვმარ­თავ­და, ხოლო ჭი­ა­ბე­რაშ­ვი­ლი ხში­რად იგი­ნე­ბო­და პრო­კუ­რო­რე­ბის მი­სა­მარ­თით.

- 26 მა­ი­სის საქ­მე­ზე სა­სა­მარ­თლომ დამ­ნა­შა­ვედ ცნო და ძა­ლა­დო­ბის გა­მო­ყე­ნე­ბით უფ­ლე­ბა­მო­სი­ლე­ბის გა­და­მე­ტე­ბის­თვის ივა­ნე მე­რა­ბიშ­ვილს სას­ჯე­ლის ზო­მად სა­ბო­ლო­ოდ, 4 წლი­თა და 6 თვით პა­ტიმ­რო­ბა გა­ნუ­სა­ზღვრა. დაც­ვის მხა­რემ გა­ნა­ჩენს უკა­ნო­ნო უწო­და და გა­ნა­ცხა­და, რომ ბრალ­დე­ბას მყა­რი მტკი­ცე­ბუ­ლე­ბე­ბი არ გა­აჩ­ნდა.

- 26 მა­ი­სის საქ­მე­ზე გა­მო­ძი­ე­ბის დროს საპ­რო­ცე­სო ხელ­მძღვა­ნე­ლი ვი­ყა­ვი და მე­რა­ბიშ­ვი­ლის მი­მართ სის­ხლის­სა­მარ­თლებ­რი­ვი დევ­ნა ჩემი და­წყე­ბუ­ლია. მი­მაჩ­ნია, რომ ჩემ­მა კო­ლე­გებ­მა ღირ­სე­უ­ლად წარ­მო­ად­გი­ნეს ბრალ­დე­ბის პო­ზი­ცია, წა­რად­გი­ნეს იმ რა­ო­დე­ნო­ბის და ისე­თი მტკი­ცე­ბუ­ლე­ბე­ბი, რომ სა­სა­მარ­თლო და­არ­წმუ­ნეს ვანო მე­რა­ბიშ­ვი­ლის მიერ 26 მა­ი­სის აქ­ცი­ის დაშ­ლის მე­თო­დე­ბის აბ­სო­ლუ­ტურ უკა­ნო­ნო­ბა­ში. გა­მო­ძი­ე­ბა­ში მე ვი­ყა­ვი ამ საქ­მის ზე­დამ­ხედ­ვე­ლი, დევ­ნა ჩემი და­წყე­ბუ­ლი იყო და ბრალ­ზეც მაქვს ხელი მო­წე­რი­ლი, ამი­ტომ ვიცი, რა მტკი­ცე­ბუ­ლე­ბე­ბი იქნა სა­სა­მარ­თლო­ზე წარ­დგე­ნი­ლი. იყო რო­გორც წე­რი­ლო­ბი­თი მტკი­ცე­ბუ­ლე­ბე­ბი, ასე­ვე მოწ­მე­თა ჩვე­ნე­ბე­ბი - სულ 800-მდე ადა­მი­ა­ნი და­ი­კი­თხა. გა­მო­ძი­ე­ბი­სას ის და­ზა­რა­ლე­ბუ­ლე­ბი და­ი­კი­თხნენ, რომ­ლე­ბიც და­კა­ვე­ბუ­ლე­ბი იყ­ვნენ ან მი­ტინგზე სხე­უ­ლის და­ზი­ა­ნე­ბე­ბი მი­ი­ღეს. და­ი­კი­თხნენ პო­ლი­ცი­ის მა­ღალ­ჩი­ნოს­ნე­ბი, რო­მელ­თაც მის­ცეს მე­რა­ბიშ­ვი­ლის მამ­ხი­ლე­ბე­ლი ჩვე­ნე­ბე­ბი.

- მუ­სი­რებს აზრი, რომ მის­ჯი­ლი 5 წელი და­ნარ­ჩენ სას­ჯე­ლებს შთან­თქავს...

- ვი­ნა­ი­დან დღე­ვან­დე­ლი მდგო­მა­რე­ო­ბით არც ერთი გა­ნა­ჩე­ნი ჯერ არ არის შე­სუ­ლი კა­ნო­ნი­ერ ძა­ლა­ში, ნა­ად­რე­ვია სა­უ­ბა­რი იმა­ზე, შთა­ინ­თქმე­ბა თუ შე­იკ­რი­ბე­ბა სას­ჯე­ლი. ამა­ზე უნდა იმ­სჯე­ლოს უშუ­ა­ლოდ სა­სა­მარ­თლომ მას შემ­დეგ, რაც ორი­ვე გა­ნა­ჩე­ნი გან­ცალ­კე­ვე­ბით გა­ნი­ხი­ლე­ბა ყვე­ლა ინ­სტან­ცი­ა­ში. სა­სა­მარ­თლოს მი­სა­ღე­ბია გა­და­წყვე­ტი­ლე­ბა, შთან­თქვას, შეკ­რებს თუ ნა­წი­ლობ­რივ შეკ­რებს ამ ორ გა­ნა­ჩენს.

- შეკ­რე­ბი­თო­ბის პრინ­ცი­პი ხომ გა­უქ­მდა?

- არ არის გა­უქ­მე­ბუ­ლი. ძველ საპ­რო­ცე­სო კო­დექსში მხო­ლოდ შეკ­რე­ბა იყო. ახ­ლან­დე­ლი "პრო­ცე­სით" არის რო­გორც შეკ­რე­ბა, ისე ნა­წი­ლობ­რი­ვი შეკ­რე­ბა და ასე­ვე - შთან­თქმა. ძვე­ლი "პრო­ცე­სით", თუ მო­სა­მარ­თლეს არ ჰქონ­და ალ­ტერ­ნა­ტი­ვა, ახლა აქვს. ამას­თან, მე­რა­ბიშ­ვი­ლის კი­დევ ორ საქ­მე­ზე მიმ­დი­ნა­რე­ობს გა­მო­ძი­ე­ბა (გირ­გვლი­ა­ნის და ე.წ. "ორი გვა­მის" საქ­მე), ვნა­ხოთ, რა იქ­ნე­ბა.

- თქვენს გუნდს "ადე­იშ­ვი­ლის პრო­კუ­რო­რებს" რომ უწო­დე­ბენ, სა­ა­მა­ყოა თუ უხერ­ხუ­ლო­ბის გან­ცდას გი­ჩენთ?

- პრო­კუ­რა­ტუ­რა­ში რომ მოვ­ხვედ­რი­ლი­ყა­ვი, ჩა­ვა­ბა­რე რამ­დე­ნი­მე­სა­ფე­ხუ­რი­ა­ნი გა­მოც­და, გა­ვი­ა­რე ტრე­ნინ­გე­ბი და, თუ და­მი­ჯე­რებთ, 2007 წლი­დან დღემ­დე, წე­ლი­წად­ში 17-დან 20 გა­მოც­დამ­დე ვა­ბა­რებ­დი. თავს არა­ვის პრო­კუ­რო­რად არ ვთვლი. ვარ მთა­ვა­რი პრო­კუ­რა­ტუ­რის თა­ნამ­შრო­მე­ლი და უხერ­ხუ­ლო­ბის გან­ცდას არ მი­ჩენს სა­ხელ­მწი­ფო ბრალ­დე­ბის მხარ­და­ჭე­რა. არა მგო­ნია, ოდეს­მე უკა­ნო­ნო გა­და­წყვე­ტი­ლე­ბა­ში მი­მე­ღოს მო­ნა­წი­ლე­ო­ბა, მაგ­რამ თუ ვინ­მე ჩათ­ვლის, რომ 1-ელ ოქ­ტომ­ბრამ­დე ჩემი პრო­ფე­სი­უ­ლი მო­ვა­ლე­ო­ბის შეს­რუ­ლე­ბის დროს კა­ნო­ნი და­ვარ­ღვიე ან და­ნა­შა­უ­ლი ჩა­ვი­დი­ნე, მზად ვარ, კა­ნო­ნის წი­ნა­შე პა­სუ­ხი ვაგო. არა­სო­დეს ვყო­ფილ­ვარ რო­მე­ლი­მე რე­ჟი­მი­სა და კონ­კრე­ტუ­ლი პი­რის პრო­კუ­რო­რი, ვე­მორ­ჩი­ლე­ბო­დი მხო­ლოდ კა­ნონს და დავ­რჩი რი­გით პრო­კუ­რო­რად. ადე­იშ­ვილს ვერ შე­ვა­ფა­სებ იმ მო­ტი­ვით, რომ ეს ადა­მი­ა­ნი პი­რა­დად ერთხელ მყავს ნა­ნა­ხი, მას­თან შე­ხე­ბა არ მქო­ნია.

- თუ სწო­რად მახ­სოვს, თქვენ მუხ­რო­ვა­ნის საქ­მე­შიც იყა­ვით ბრალ­მდე­ბე­ლი...

- მუხ­რო­ვან­ზე არას­წო­რი ინ­ფორ­მა­ცია გავ­რცელ­და. ვა­დას­ტუ­რებ, რომ სხვა 5 პრო­კუ­რორ­თან ერ­თად ვმო­ნა­წი­ლე­ობ­დი მხო­ლოდ აღ­მკვე­თი ღო­ნის­ძი­ე­ბის სა­კი­თხის გან­ხილ­ვა­ში, რაც 48 სა­ათს გაგ­რძელ­და. და­კა­ვე­ბუ­ლი პი­რე­ბი, მო­გეხ­სე­ნე­ბათ, სამ ნა­წი­ლად იყ­ვნენ და­ყო­ფი­ლე­ბი: რე­ინ­ჯე­რე­ბი, სამ­ხედ­რო­ე­ბი და მო­ქა­ლა­ქე­ე­ბი. მე ვი­ყა­ვი მო­ქა­ლა­ქე­ე­ბის საქ­მე­ზე, მე­წყვი­ლე პრო­კუ­რორ­თან ერ­თად, ანუ იმ ერთ სა­გა­მო­ძი­ე­ბო მოქ­მე­დე­ბა­ში ვმო­ნა­წი­ლე­ობ­დი, თუმ­ცა არც აპე­ლა­ცი­ა­ში, არც არ­სე­ბით გან­ხილ­ვა­სა და არც უზე­ნა­ეს სა­სა­მარ­თლო­ში არ გა­მოვ­დი­ო­დი.

- ამ­ჟა­მად ბუტა რო­ბა­ქი­ძის საქ­მე­ში ხართ ბრალ­მდე­ბე­ლი. რა­ტომ ჭი­ა­ნურ­დე­ბა სა­სა­მარ­თლო პრო­ცე­სის და­წყე­ბა?

- ბუტა რო­ბა­ქი­ძის საქ­მე­ზე გა­მო­ძი­ე­ბა დიდი ხნის წინ დამ­თავ­რდა და სა­სა­მარ­თლო­ში 6 თვის წინ გავ­გზავ­ნეთ. მო­სა­მარ­თლემ რა­ტომ­ღაც, გა­ნუ­სა­ზღვრე­ლი ვა­დით გა­და­დო საქ­მე და ვე­ლო­დე­ბით, რო­დის და­ნიშ­ნავს პრო­ცესს. ვე­რა­ვის ვე­რა­ფერს და­ვა­ძა­ლებთ.

- ახალ მთა­ვარ პრო­კუ­რორ­ზე რას იტყვით? შეძ­ლებს გი­ორ­გი ბა­დაშ­ვი­ლი სა­ზო­გა­დო­ე­ბის დაკ­ვე­თას - სა­მარ­თლი­ა­ნო­ბის აღ­სრუ­ლე­ბას გა­არ­თვას თავი?

- სა­ნამ მთა­ვა­რი პრო­კუ­რო­რი გახ­დე­ბო­და, ბა­ტო­ნი გი­ორ­გი ბა­დაშ­ვი­ლი სა­გა­მო­ძი­ე­ბო დე­პარ­ტა­მენ­ტში ჩემი უფ­რო­სი იყო. თა­ვი­სი საქ­მის პრო­ფე­სი­ო­ნა­ლი და პა­ტი­ო­სა­ნი ადა­მი­ა­ნია. ვანო მე­რა­ბიშ­ვი­ლის მი­მართ გა­მამ­ტყუ­ნე­ბე­ლი გა­ნა­ჩე­ნი მისი მთა­ვა­რი პრო­კუ­რო­რო­ბის პე­რი­ოდ­ში გა­მო­ი­ტა­ნეს. ეს ფაქ­ტი უკვე იმა­ზე მე­ტყვე­ლებს, რომ პრო­კუ­რა­ტუ­რა ღირ­სე­უ­ლად წარ­დგა სა­სა­მარ­თლო­ში და შეძ­ლო მა­ღა­ლი პო­ლი­ტი­კუ­რი თა­ნამ­დე­ბო­ბის პი­რი­სათ­ვის და­ნა­შა­უ­ლის დამ­ტკი­ცე­ბა. ჩვე­ნი მთა­ვა­რი პრო­კუ­რა­ტუ­რა შე­დე­გებ­ზეა ორი­ენ­ტი­რე­ბუ­ლი.

ნანა ფი­ცხე­ლა­უ­რი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)