მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კეტრინ ეშტონისა და ურმას პაეტის სატელეფონო ჩანაწერი გავრცელდა
10:46 / 05-03-2014
Russia Today ევროკავშირის უმაღლესი წარმომადგენლის, კეტრინ ეშტონისა და ესტონეთის საგარეო საქმეთა მინისტრ ურმას პაეტის სატელეფონო ჩანაწერს ავრცელებს.
როგორც გავრცელებული სატელეფონო ჩანაწერიდან ირკვევა, ეშტონი და ურმას პაეტი უკრაინაში განვითარებულ მოვლენებზე საუბრობენ. კიევიდან დაბრუნებული ესტონეთის საგარეო საქმეთა მინისტრი კეტრინ ეშტონს შთაბეჭდილებებს უზიარებს და აღნიშნავს, რომ კიევიდან სევდიანი შთაბეჭდილებებით დაბრუნდა.
"სევდიანი შთაბეჭდილებებით დავბრუნდი. შევხვდი "რეგიონების პარტიის", ახალი კოალიციისა და სამოქალაქო საზოგადოების წარმომადგენლებს. ხალხში არ არის ნდობა, მათ შორის იმ პოლიტიკოსების მიმართ, ვინც ახალი კოალიციის შემადგენლობაში შევიდნენ და არც მათ მიმართ, ვინც კოალიციიდან გამოვიდა", - აღნიშნავს ესტონეთის საგარეო საქმეთა მინისტრი.
ამასთან, ურმას პაეტი აცხადებს - მკვეთრი სიგნალი უნდა გაიგზავნოს, რომ მხოლოდ ხელისუფლების შეცვლა არ არის საკმარისი და საჭიროა რეალური რეფორმები, ქმედებები, რომელიც ნდობის ამაღლებისკენ იქნება მიმართული.
კეტრინ ეშტონი კი აღნიშნავს, რომ ესაუბრა უკრაინის ოპოზიციის ლიდერებს და განუცხადა, რომ მათ უნდა უზრუნველყონ ყველა ადამიანის დაცვა.
ამასთან, ჩანაწერის მიხედვით, ესტონეთის საგარეო საქმეთა მინისტრი აღნიშნავს, რომ მისთვის წარდგენილი სამხილების თანახმად, მაიდანზე სნაიპერების მიერ მოკლული ადამიანები, როგორც დემონსტრანტები, ისე პოლიციელები, ერთი და იმავე სნაიპერებმა მოკლეს.
"ხალხის სულ უფრო მეტ აღელვებას იწვევს ის ფაქტი, რომ ახალ კოალიციას არ სურს მომხდარის ზუსტი გამოძიება. სულ უფრო იზრდება იმის ვარაუდი, რომ ამ სნაიპერების უკან არა იანუკოვიჩი, არამედ სულ სხვა ვიღაც იდგა, ახალი კოალიციიდან", - აღნიშნავს ურმას პაეტი.
კეტრინ ეშტონი პასუხობს, რომ მისი ინფორმაციით, ახალ კოალიციას სურს გამოძიების ჩატარება. "ისინი ძალიან ფრთხილად უნდა იყვნენ. ხალხს სერიოზული ცვლილებები სჭირდება. მაგრამ საჭიროა, რომ მექანიზმი მუშაობდეს. ისინი (ახალი კოალიცია) აქტივისტებიც უნდა იყვნენ, ექიმებიც და პოლიტიკოსებიც. ეს ძალიან რთულია. თუმცა, მათ რამდენიმე კვირას უნდა გაუძლონ, შემდეგ კი არჩევნები იქნება", - ამბობს ევროკავშირის უმაღლესი წარმომადგენელი საგარეო ურთიერთობათა საკითხებში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
