16
ივლისიდღის ზოგადი ასტროლოგიური პროგნოზი
გუშინ "ოსკარების" დაჯილდოების ცერემონია გაიმართა. შოუს ტელეწამყვანი ელენ დეჯენერისი უძღვებოდა. ელენმა მაყურებლები ჩვეული იუმორით და ყველაზე ვარსკვლავური სელფშოტებით "გაანებივრა". ელენს არც ის დავიწყებია, რომ "ოსკარის" დაჯილდოების 5 საათიანი ცერემონიის დროს, შესაძლოა, ვარსკვლავებს მოშივებოდათ. ამიტომ წამყვანმა დარბაზში პიცა ჩამოარიგა.
მშიერ ვარსკვლავებს შორის აღმოჩნდნენ: ბრედ პიტი, ჯარედ ლეტო, ჯულია რობერტსი, მერილ სტრიპი, ჯენიფერ ლოურენსი, კევინ სპეისი და სხვა. თუმცა პიცის ნაჭერი ყველას როდი ერგო.
პიცის დარიგების პროცესის პარალელურად, ჟურნალისტების ყურადღება პიცის დამტარებელმა ბიჭმაც მიიქცია. ის ედგარ მარტიროსიანი აღმოჩნდა, რომელმაც ცერემონიაზე თავისი წილი "პოპულარობა" მოიპოვა. მარტიროსიანი, რომელსაც საკუთარი პიცერია - Big Mama's & Papa's Pizzeria აქვს, ელენს ვარსკვლავებისთვის პიცის დარიგებაში ეხმარებოდა.
მოგვიანებით ელენმა პიცისთვის ფული ჰოლივუდის ვარსკვლავებს მოსთხოვა. ფული ელენმა მომღერალ ფარელ უილიამსის ქუდში მოაგროვა. აღმოჩნდა, რომ ვარსკვლავებმა მთლიანობაში პიცისთვის 600 დოლარი გაიღეს.
მოგვიანებით ელენმა პიცის დამტარებელი ბიჭი საკუთარ შოუში მიიწვია, სადაც მას კუთვნილი ჰონორარი გადასცა. აღსანიშნავია, რომ ელენმა გადაცემაში დამსწრეთათვისაც მოატანინა პიცა, რის გამოც მარტიროსიანმა კიდევ 400 დოლარი მიიღო.
