მნიშვნელოვანი ინფორმაცია
18
ივლისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 00:07-ზე. მთვარე კუროში გადავა 11:57-ზე –
ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ მნიშვნელოვანი საქმეები. გააძლიერეთ თქვენი ფინანსური მდგომარეობა. დაიწყეთ რემონტი. იყიდეთ უძრავი ქონება. დღე იდეალურია ოჯახის შესაქმნელად. განსაკუთრებით თუ წყვილი ბევრ შვილზე ოცნებობს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველო ცენტრალური აფრიკის რესპუბლიკაში 150 სამხედროს გააგზავნის
08:51 / 02-03-2014
საქართველო მორალურ ვალდებულებად მიიჩნევს, ევროკავშირის მისიაში 150 სამხედრო მოსამსახურე გააგზავნოს. ამის შესახებ სააგენტო "ფრანც პრესთან" საუბრისას საქართველოს თავდაცვის მინისტრმა, ირაკლი ალასანიამ განაცხადა.
მინისტრის განცხადებით, მისიაში წვლილის შეტანა მხოლოდ ევროკავშირის დახმარებას კი არ ისახავს მიზნად, საქართველოსთვის ეს მორალური ვალდებულებაც არის.
როგორც ალასანიამ აღნიშნა, საქართველოს კონტრიბუცია მიზნად ისახავს საფრანგეთისა და აფრიკის კავშირის ძალების დახმარებას ცენტრალური აფრიკის რესპუბლიკაში, სადაც რელიგიურ ნიადაგზე დაპირისპირება კრიტიკულ ზღვარს აღწევს, ქვეყნის პირველი წვლილი იქნება ევროკავშირის უსაფრთხოებისა და თავდაცვის მისიაში და ასევე პირველი ოპერაცია აფრიკაში.
ამასთან, ალასანიას განცხადებით, თავდაპირველად საუბარი იყო 600 სამხედრო მოსამსახურეზე, თუმცა ოპერაციის მეთაურმა განაცხადა, რომ მისიის შემადგენლობა 800-დან 1000-მდე სამხედრო მოსამსახურე იქნება. ზუსტი რაოდენობა კი მომავალ კვირაში, მოლაპარაკებების შემდეგ გაირკვევა.
ოპერაციის მეთაურის, ფრანგი გენერლის ფილიპ პონტიეს განცხადებით, ჯარების პირველი გადასროლა მარტის დასაწყისში უნდა განხორციელდეს. საფრანგეთის მეთაურობით სამხედრო ძალა სრულ მზადყოფნაში აპრილის ბოლოს იქნება, როდესაც მისიის 4-6 თვიანი მანდატი დაიწყება.
მისიის მიზანი ბანგის აეროპორტში და ახლო მდებარე ორ რაიონში "უსაფრთხო თავშესაფარის" შექმნაა, რათა ლტოლვილებს დაბრუნების საშუალება მიეცეთ. აეროპორტის მახლობლად მუსლიმებსა და ქრისტიანებს შორის დაპირისპირების შედეგად იძულებით გადაადგილებული 100 000 ადამიანი უმძიმეს პირობებში იმყოფება.
მისიაში წვლილის შეტანას ძირითადად ევროპის ქვეყნები გეგმავენ, მათ შორის პოლონეთი, ესტონეთი, ლატვია და რუმინეთი. საუბარია პორტუგალიასა და ესპანეთზეც.
ქვეყანაში თითქმის მილიონი ადამიანია იძულებით გადაადგილებული და მათ დასახმარებლად საფრანგეთმა ყოფილ კოლონიაში უკვე გააგზავნა 2000 სამხედრო მოსამსახურე, რომლებიც აფრიკის კავშირის 6 000 სამშვიდობოს უწევენ დახმარებას.
"ჩვენ ევროკავშირის და ნატოს მომავალი წევრები ვართ, ამგვარად, ჩვენი გადაწყვეტილება იმ საერთო ღირებულებებს ეფუძნება, რომელიც ამ ქვეყნებთან გვაკავშირებს," განცხადა ირაკლი ალასანიამ. მან ხაზგასმით აღნიშნა, რომ ეს გადაწყვეტილება საქართველოს პარლამენტის უმრავლესობამ და უმცირესობამ ერთხმად დაამტკიცა.
საქართველო, რომელიც უკრაინასთან ერთად ევროკავშირის აღმოსავლეთ პარტნიორობის წევრი ქვეყანაა, ევროკავშირის მალის მისიაში, სამხედრო წვრთნის პროგრამაში მონაწილეობის მისაღებად რამოდენიმე ოფიცერის გაგზავნასაც გეგმავს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
