"ნაციონალური მოძრაობის" პრაიმერში ნიკა მელია და გიორგი ვაშაძე მიიღებენ მონაწილეობას
თბილისის მერობის კანდიდატთან დაკავშირებით, "ნაციონალური მოძრაობის" პრაიმერში, ნიკა მელია და გიორგი ვაშაძე მიიღებენ მონაწილეობას. ამის შესახებ გავრცელებული ინფორმაცია პარტიის ერთ-ერთმა ლიდერმა პავლე კულაშვილმა ჟურნალისტებთან საუბარში დაადასტურა.
აღნიშნული კანდიდატები პრაიმერის ფარგლებში თბილისის სხვადასხვა რაიონში შეხვედრებს გამართავენ და საკუთარი უპირატესობის დამტკიცებას შეეცდებიან.
"ნაციონალური მოძრაობის" კიდევ ერთი ლიდერის, გიგი წერეთლის შეფასებით, მათ კანდიდატებს არჩევნებში გამარჯვების სერიოზული შანსი აქვთ. როგორც დეპუტატმა ჟურნალისტებს განუცხადა, ამისთვის საჭიროა არჩევნების თავისუფალ გარემოში ჩატარება.
"შანსები პოლიტიკაში აქვს ყველას. მთავარია, როგორ წარიმართება პროცესი, რამდენად თავისუფალი იქნება გარემო. თუკი არჩევნები თავისუფალ გარემოში ჩატარდება და ხელისუფლება ადმინისტრაციულ რესურსს არ გამოიყენებს, ჩვენს კანდიდატს ექნება გამარჯვების სერიოზული შანსი", - განმარტა წერეთელმა.
აღსანიშნავია, რომ თბილისში, პრაიმერში მონაწილე კანდიდატებს "ნაციონალური მოძრაობა" ოფიციალურად რამდენიმე წუთში დაასახელებს.
აღნიშნულთან დაკავშირებით, 14:00 საათზე, საგამოფენო ცენტრ "ქსპო ჯორჯიაში" პარტიის თბილისის ორგანიზაციის კონფერენცია დაიწყება. მასზე დღეს თბილისის ორგანიზაციის პოლიტსაბჭოს აირჩევენ.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
