ქუთაისში პურის ქარხნებს ანტისანიტარიის გამო დახურვა ემუქრებათ

ქუთაისში პურის ქარხნებს ანტისანიტარიის გამო დახურვა ემუქრებათ. ქალაქში არსებულ პურის ქარხნებს მომხმარებელთა ფედერაცია რამდენიმე თვეა აკვირდება. ფედერაციის ხელმძღვანელის, მადონა კოიძის თქმით, ქუთაისის რამდენიმე პურის საცხობი ფრინველების და ცხოველების თავშესაფრადაა ქცეული.

"უკვე ერთი წელია, რაც გაფრთხილება მიეცა პურის ქარხნებს, მოაწესრიგონ საცხობის შიდა ინფრასტრუქტურა, თუმცა გარკვეული დროის გასვლის შემდეგ, იქ მდგომარეობა უცვლელია. სწორედ ამიტომ, შესაძლოა, ეს ქარხნები დაიხუროს. სასიხარულოა, რომ სურსათის ეროვნული სააგენტო ზრდის კადრებს, რაც ნიშნავს, რომ ინსპექტირების ჯგუფები გაიზრდება და უფრო მეტი რეგიონის შემოწმება გახდება შესაძლებელი", - განაცხადა მადონა კოიძემ.

წყარო: topnews.com.ge

topnews.com.ge