თავ­დაც­ვის ყო­ფი­ლი მი­ნის­ტრი ბა­ჩა­ნა ახა­ლა­ია თით­ქმის 15 თვეა, ბრალ­დე­ბუ­ლის სკამ­ზე ზის. მი­უ­ხე­და­ვად იმი­სა, რომ სა­ზო­გა­დო­ე­ბის ნა­წი­ლი სა­მარ­თლი­ა­ნო­ბის აღ­დგე­ნა­სა და ბა­ჩა­ნა ახა­ლა­ი­ას გა­სა­მარ­თლე­ბას კა­ტე­გო­რი­უ­ლად მო­ი­თხოვს, თბი­ლი­სის სა­ქა­ლა­ქო და სა­ა­პე­ლა­ციო სა­სა­მარ­თლომ ყო­ფილ ჩი­ნოვ­ნიკს რამ­დე­ნი­მე ეპი­ზოდ­ში ბრა­ლი მო­უხ­სნა. მათ შო­რის, ე.წ. ვაშ­ლის თლის, ცი­ხის ბუნ­ტის, ზვი­ად აბე­სა­ძის­თვის თა­ვი­სუფ­ლე­ბის უკა­ნო­ნო აღ­კვე­თი­სა და სე­ნა­კის სამ­ხედ­რო ბა­ზა­ზე ჯა­რის­კაც­თა წა­მე­ბის საქ­მე­ებ­ში. ამ­ჟა­მად, პრო­კუ­რა­ტუ­რა სან­დრო გირ­გვლი­ა­ნის მკვლე­ლო­ბა­ში თავ­დაც­ვის ყო­ფი­ლი მი­ნის­ტრის ბრა­ლე­უ­ლო­ბის დამ­ტკი­ცე­ბას ცდი­ლობს. იგი­ვე საქ­მე­ში ბრა­ლი და­უმ­ძიმ­და ბა­ჩა­ნა ახა­ლა­ი­ას ძმას, სა­ქარ­თვე­ლო­დან გაქ­ცე­ულ დათა ახა­ლა­ი­ა­საც, რო­მე­ლიც 2006 წელს, და­ნა­შა­უ­ლის ჩა­დე­ნის პე­რი­ოდ­ში შსს-ს კონ­სტი­ტუ­ცი­უ­რი უსაფრ­თხო­ე­ბის დე­პარ­ტა­მენტს ხელ­მძღვა­ნე­ლობ­და. მე­ტიც, პრო­კუ­რა­ტუ­რამ დათა ახა­ლა­ი­ას ბრა­ლი და­უს­წრებ­ლად სამ­სა­ხუ­რე­ობ­რი­ვი უფ­ლე­ბა­მო­სი­ლე­ბის გა­და­მე­ტე­ბა­სა და წა­მე­ბის სხვა საქ­მე­ზე­ცწა­უ­ყე­ნა, რის გა­მოც კუდ-ის ყო­ფი­ლი ხელ­მძღვა­ნე­ლი ინ­ტერ­პო­ლის წი­თე­ლი ცირ­კუ­ლა­რით იძებ­ნე­ბა. აშან­ტა­ჟებს თუ არა დათა ახა­ლა­ია ნა­ცი­ო­ნა­ლურ მოძ­რა­ო­ბას და რა­ტომ ეა­მა­ყე­ბა უმ­ძი­მეს და­ნა­შა­ულ­ში ბრალ­დე­ბუ­ლი შვი­ლე­ბი, "ვერ­სი­ას" სა­პარ­ლა­მენ­ტო უმ­ცი­რე­სო­ბის წევ­რი რო­ლანდ ახა­ლა­ია ესა­უბ­რა.

- არა­ერ­თხელ მით­ქვამს და კი­დევ ბევ­რჯერ გა­ვი­მე­ო­რებ - ბა­ჩა­ნა ახა­ლა­ია ბი­ძი­ნა ივა­ნიშ­ვი­ლის პი­რა­დი პა­ტი­მა­რია, პრო­კუ­რა­ტუ­რა კი პო­ლი­ტი­კუ­რი ან­გა­რიშს­წო­რე­ბის ორ­გა­ნოდ ჩა­მო­ყა­ლიბ­და. სა­სა­მარ­თლო პრო­ცეს­ზეც არა­ერ­თხელ და­დას­ტურ­და, რომ ჩემი შვი­ლის წი­ნა­აღ­მდეგ მოწ­მე­ებს აშან­ტა­ჟე­ბენ და ამ ფორ­მით მათ­გან სა­სურ­ვე­ლი ჩვე­ნე­ბის მი­ღე­ბას ცდი­ლო­ბენ... მსგავ­სი პრო­კუ­რა­ტუ­რის პი­რო­ბებ­ში, სა­მარ­თლი­ა­ნო­ბის მიღ­წე­ვის იმე­დი არ მაქვს, თუმ­ცა, დარ­წმუ­ნე­ბუ­ლი ვარ, ის პრო­კუ­რო­რე­ბი და გა­მომ­ძი­ებ­ლე­ბი, რომ­ლე­ბიც დღეს ბაჩო ახა­ლა­ი­ას წი­ნა­აღ­მდეგ საქ­მე­ებს "კე­რა­ვენ", სა­მარ­თლი­ა­ნი სა­სა­მარ­თლოს პი­რო­ბებ­ში, პა­სუხს აუ­ცი­ლებ­ლად აგე­ბენ. მჯე­რა, სა­მარ­თლი­ა­ნო­ბა მალე იზე­ი­მებს.

- სა­ნამ გა­მომ­ძი­ებ­ლებ­სა და პრო­კუ­რო­რებს ემუქ­რე­ბით, სა­ზო­გა­დო­ე­ბა სა­მარ­თლი­ა­ნო­ბის აღ­დგე­ნად სწო­რედ ბაჩო ახა­ლა­ი­ას გა­სა­მარ­თლე­ბას მი­იჩ­ნევს. ბევ­რს ისიც აღი­ზი­ა­ნებს, რომ ამ დრომ­დე, თავ­დაც­ვის ყო­ფილ მი­ნისტრს და­ნა­შა­უ­ლი ვერ და­უმ­ტკიც­და.

- ეს მუ­ქა­რა არ არის, არც შუ­რის­ძი­ე­ბას ვგეგ­მავ... თა­ნაც ბა­ჩოს გა­სა­მარ­თლე­ბა, სა­ზო­გა­დო­ე­ბის კი არა, ივა­ნიშ­ვი­ლი­სა და ღა­რი­ბაშ­ვი­ლის მო­თხოვ­ნაა, რად­გან მას ძლი­ერ პო­ლი­ტი­კურ მო­წი­ნა­აღ­მდე­გედ მი­იჩ­ნე­ვენ. მე­ტიც, ბა­ჩო­სა და ვანო მე­რა­ბიშ­ვი­ლის ცი­ხე­ში გა­მო­კეტ­ვა რუ­სე­თის სპეც­სამ­სა­ხუ­რე­ბის და­ვა­ლე­ბაა, რად­გან ეს ადა­მი­ა­ნე­ბი სა­ქარ­თვე­ლოს თა­ვი­სუფ­ლე­ბი­სა და გან­ვი­თა­რე­ბის­თვის იბ­რძოდ­ნენ.

- ბაჩო ახა­ლა­ი­ას რამ­დე­ნი­მე პა­ტი­მა­რი წა­მე­ბა­ში ამ­ხელს, თუ ესეც თა­ვი­სუფ­ლე­ბის­თვის ბრძო­ლის შე­მად­გე­ნე­ლი ნა­წი­ლი იყო?

- ბაჩო ახა­ლა­ი­ას მსგავს ბრალ­დე­ბებს მხო­ლოდ ე.წ. კა­ნო­ნი­ე­რი ქურ­დე­ბი უყე­ნე­ბენ, რომ­ლებ­საც მას­ზე შუ­რის­ძი­ე­ბა სწყუ­რი­ათ. სხვა­თა შო­რის, ერთ-ერ­თმა "კა­ნო­ნი­ერ­მა ქურდმა" ბა­ჩოს წი­ნა­აღ­მდეგ ჩვე­ნე­ბა რამ­დენ­ჯერ­მე შეც­ვა­ლა, თუმ­ცა მო­სა­მარ­თლემ ეს გა­რე­მო­ე­ბა არ გა­ით­ვა­ლის­წი­ნა და მა­ინც გა­მამ­ტყუ­ნე­ბე­ლი გა­ნა­ჩე­ნი გა­მო­ი­ტა­ნა. რო­გორც შემ­დეგ აღ­მო­ვა­ჩი­ნეთ, აღ­ნიშ­ნუ­ლი მო­სა­მარ­თლის ცოლი ირაკ­ლი ალა­სა­ნი­ას­თან დღემ­დე მუ­შა­ობს, ამი­ტომ სრუ­ლი პა­სუ­ხის­მგებ­ლო­ბით ვა­ცხა­დებ, სა­სა­მარ­თლომ ბა­ჩოს წი­ნა­აღ­მდეგ პო­ლი­ტი­კუ­რი გა­და­წყვე­ტი­ლე­ბა გა­მო­ი­ტა­ნა. თუ სა­სა­მარ­თლო ე.წ. კა­ნო­ნი­ე­რი ქურ­დის, მა­მარ­დაშ­ვი­ლის ჩვე­ნე­ბას ით­ვა­ლის­წი­ნებს, რა­ტომ არა­ვინ უს­მენს ვანო მე­რა­ბიშ­ვილს, რო­მელ­მაც უკვე ყო­ფი­ლი მთა­ვა­რი პრო­კუ­რო­რი ცი­ხი­დან გა­ტა­ცე­ბა­ში ამ­ხი­ლა? ხე­ლი­სუფ­ლე­ბის­თვის მა­მარ­დაშ­ვი­ლი მე­რა­ბიშ­ვილ­ზე უფრო წო­ნი­ა­ნი ფი­გუ­რაა?!

- უც­ნა­უ­რია, რომ ვანო მე­რა­ბიშ­ვი­ლის დაც­ვას ცდი­ლობთ იმ ფონ­ზე, როცა ბაჩო და დათა ახა­ლა­ი­ე­ბი მას­თან ღიად და­პი­რის­პი­რე­ბუ­ლე­ბი იყ­ვნენ. დათა ახა­ლა­ია სა­ქარ­თვე­ლო­დან გაქ­ცე­ვის შემ­დეგ გა­მოქ­ვეყ­ნე­ბულ წე­რილ­ში ხომ ღიად სა­უბ­რობ­და - ვანო მე­რა­ბიშ­ვილ­მა ქვე­ყა­ნა ახა­ლა­ი­ებ­თან ბრძო­ლას გა­და­ა­ყო­ლაო?!

- ჩვენ­სა და მე­რა­ბიშ­ვილს შო­რის და­პი­რის­პი­რე­ბა­ზე სა­უ­ბა­რი მხო­ლოდ შავი პი­ა­რის ნა­წი­ლი იყო...

- იმის უარ­ყო­ფა­საც შე­ეც­დე­ბით, რომ ნა­ცი­ო­ნა­ლუ­რი მოძ­რა­ო­ბის და­ტო­ვე­ბას გეგ­მავ­დით, ახლა მა­ინც გან­მარ­ტეთ, პო­ზი­ცია რის სა­ნაც­ვლოდ შე­იც­ვა­ლეთ?

- ვი­მე­ო­რებ, მსგავ­სი ინ­ფორ­მა­ცი­ე­ბი მხო­ლოდ შავი პი­ა­რის ნა­წი­ლია. ჩემ­ზე იმა­საც ამ­ბობ­დნენ, ბავ­შვებს ჭამს და სახ­ლში მგლე­ბი ჰყავს დამ­წყვდე­უ­ლიო. ისიც ით­ქვა, სარ­დაფ­ში ჭა აქვს გა­თხრი­ლი და წყალს მხო­ლოდ იქი­დან სვამს, ასე­ვე სახ­ლი­დან სამ­სა­ხუ­რამ­დე გვი­რა­ბი გა­იყ­ვა­ნაო. ყვე­ლა და­ინ­ტე­რე­სე­ბულ პირს სახ­ლში ვე­პა­ტი­ჟე­ბი, რათა სა­კუ­თა­რი თვა­ლით დარ­წმუნ­დნენ, რომ სარ­დაფ­ში არც ჭა და არც გვი­რა­ბი მაქვს. სამ­წუ­ხა­როდ, რაც უფრო არა­რე­ა­ლუ­რია ჭორი, სა­ზო­გა­დო­ე­ბა მას მით უფრო იო­ლად იჯე­რებს.

- მუხ­რო­ვა­ნის სპე­ცო­პე­რა­ცი­ის ამ­სახ­ვე­ლი კად­რე­ბის გავ­რცე­ლე­ბა­შიც ბევ­რმა დათა ახა­ლა­ი­ას კვა­ლი და­ი­ნა­ხა – კუდ-ის ყო­ფი­ლი უფ­რო­სი თა­ნა­გუნ­დე­ლებ­ზე გა­ნა­წყე­ნე­ბუ­ლია და მათ­გან მეტ ყუ­რა­დღე­ბას ითხოვ­სო. ადას­ტუ­რებთ, რომ ვი­დე­ო­ჩა­ნა­წე­რე­ბის უკან დათა ახა­ლა­ია დგას?

- აბ­სურ­დია! დათა ახა­ლა­ი­ას მუხ­რო­ვა­ნის კად­რე­ბი რა­ტომ უნდა გა­ევ­რცე­ლე­ბი­ნა, როცა ვი­დე­ო­ჩა­ნა­წერ­ში თა­ვა­დაც ჩანს?! თა­ნაც მე­რა­ბიშ­ვი­ლის გან­ცხა­დე­ბის კრი­ა­ლაშ­ვი­ლის გარ­დაც­ვა­ლე­ბას­თან მიბ­მა გა­უ­მარ­თლებ­ლად მი­მაჩ­ნია, მსგავს სი­სუ­ლე­ლე­ებს მა­მუ­კა არე­ში­ძე ხში­რად ბო­დი­ა­ლობს, რის­თვი­საც სა­სა­მარ­თლო­ში ვუ­ჩივ­ლებთ. მას თი­თო­ე­ულ გავ­რცე­ლე­ბულ სიც­რუ­ე­ზე სა­სა­მარ­თლო­ზე გან­მარ­ტე­ბებს მოვ­თხოვთ. თა­ნა­გუნ­დე­ლე­ბის­გან არც ყუ­რა­დღე­ბის ნაკ­ლე­ბო­ბას ვგრძნობ.

- თუ თა­ნა­გუნ­დე­ლებ­მა ბაჩო ახა­ლა­ია არ გა­წი­რეს, რა­ტომ არ და­დი­ან ნა­ცი­ო­ნა­ლუ­რი მოძ­რა­ო­ბის ლი­დე­რე­ბი მის პრო­ცე­სებ­ზე ან, ვანო მე­რა­ბიშ­ვი­ლის მსგავ­სად, რა­ტომ არ ცდი­ლო­ბენ სა­ერ­თა­შო­რი­სო ას­პა­რეზ­ზე მის პო­ლიტ­პა­ტიმ­რად წარ­მო­ჩე­ნას?

- დე­ტა­ლებს არ ჩა­ვუღ­რმავ­დე­ბი, თუმ­ცა სა­ზო­გა­დო­ე­ბამ შე­ა­ფა­სოს, რამ­დე­ნად სო­ლი­და­რუ­ლია ნა­ცი­ო­ნა­ლუ­რი მოძ­რა­ო­ბა ბაჩო ახა­ლა­ი­ას მი­მართ. ეს კი­თხვა, ალ­ბათ, იმ ადა­მი­ა­ნებს უნდა და­ვუს­ვათ, რომ­ლე­ბიც სა­კუ­თარ პო­ზი­ცი­ას არ აფიქ­სი­რე­ბენ. მათ, ალ­ბათ, აქვთ შე­სა­ბა­მი­სი არ­გუ­მენ­ტე­ბიც. ჩემ­თვის კი მსგავ­სი სა­კი­თხე­ბი ნაკ­ლე­ბად მნიშ­ვნე­ლო­ვა­ნია. მე ხომ კარ­გად ვიცი, რომ ბაჩო ახა­ლა­ია ბი­ძი­ნა ივა­ნიშ­ვი­ლის ტყვეა?!

- გიგა ბო­კე­რი­ას ცოლ­მაც დათა ახა­ლა­ია მა­ნი­ა­კად მო­იხ­სე­ნია, ელე­ნე თევ­დო­რა­ძემ კი ცი­ხის ბუნ­ტში ბა­ჩა­ნა ახა­ლა­ი­ას პა­სუ­ხის­მგებ­ლო­ბა­ზე ისა­უბ­რა...

- ნუ მის­ვამთ ასეთ კი­თხვას, რო­მელ­ზეც ახლა არ ვუ­პა­სუ­ხებ! ნამ­დვი­ლად არ დავ­წვრილ­მან­დე­ბი, ვინ, რა და რო­გორ თქვა. თუ ვინ­მემ ჩემი შვი­ლე­ბის მი­სა­მარ­თით ზედ­მე­ტი თქვა ან რამე და­აკ­ლო, ყვე­ლა­ფე­რი მათ ნა­მუს­ზე იყოს. მე მხო­ლოდ ერთ რა­მე­ზე მწყდე­ბა გული - ხე­ლი­სუფ­ლე­ბა, რო­მე­ლიც ქვეყ­ნის სა­თა­ვე­ში სა­მარ­თლი­ა­ნო­ბის აღ­დგე­ნის პი­რო­ბით მო­ვი­და, დღეს სწო­რედ სა­მარ­თლი­ა­ნო­ბას ებ­რძვის. "ქარ­თულ­მა ოც­ნე­ბამ" წე­ლი­წად­ნა­ხევ­რის გან­მავ­ლო­ბა­ში იმა­ზე მეტი შეც­დო­მა და­უშ­ვა, ვიდ­რე ნა­ცი­ო­ნა­ლურ­მა მოძ­რა­ო­ბამ მთე­ლი ცხრა წე­ლის გან­მავ­ლო­ბა­ში. რამ­დე­ნი­მე დღის წინ პარ­ლა­მენ­ტში მო­სულ­მა პრე­ზი­დენ­ტმაც სა­მარ­თლი­ა­ნო­ბა­ზე ისა­უბ­რა, თუმ­ცა რაც ბაჩო ახა­ლა­ი­ას პრო­ცე­სებ­ზე ხდე­ბა, უსა­მარ­თლო­ბა­ზე მე­ტია! მი­უ­ხე­და­ვად ყვე­ლაფ­რი­სა, ფაქ­ტი სა­ხე­ზეა - ბაჩო ოთხ ეპი­ზოდ­ში გა­მარ­თლდა და ეს ძლი­ე­რი წნე­ხის პი­რო­ბებ­ში მა­ინც მო­ვა­ხერ­ხეთ.

- იმ წნეხ­ზე არა­ფე­რი გსმე­ნი­ათ, რა­შიც გა­მო­ძი­ე­ბა ბაჩო ახა­ლა­ი­ა­სა და მის უახ­ლო­ეს მე­გო­ბარ მე­გის ქარ­და­ვას ედა­ვე­ბა? მა­გა­ლი­თად, სას­ჯე­ლაღ­სრუ­ლე­ბის დე­პარ­ტა­მენ­ტის ქ. რუს­თა­ვის #1 და­წე­სე­ბუ­ლე­ბი­დან პა­ტი­მარ­თა მა­სობ­რი­ვი გაქ­ცე­ვის მომ­ზა­დე­ბის აღი­ა­რე­ბის მი­სა­ღე­ბად პა­ტიმ­რე­ბის წა­მე­ბის ფაქ­ტზე.

- ამ შემ­თხვე­ვა­ში, არც მო­სა­მარ­თლე ვარ და არც პრო­კუ­რო­რი, რომ, თუნ­დაც, მე­გის ქარ­და­ვას და­ნა­შა­ულ­ზე ვი­სა­უბ­რო.

- ხომ არ ფიქ­რობთ, რომ ბაჩო ახა­ლა­ია მე­გის ქარ­და­ვას მიერ ჩა­დე­ნი­ლი და­ნა­შა­უ­ლე­ბის­თვის ის­ჯე­ბა?

- უსა­მარ­თლო­ბის პრე­ზუმ­პცი­ა­საც არ და­ვარ­ღვევ... თა­ნაც მი­მაჩ­ნია, რომ სა­მარ­თლებ­რი­ვი პა­სუ­ხის­მგებ­ლო­ბა პი­რებ­ზე ინ­დი­ვი­დუ­ა­ლუ­რად უნდა გავ­რცელ­დეს. დიდი ხა­ნია საბ­ჭო­თა კავ­შირ­ში აღარ ვართ, რომ ადა­მი­ა­ნი და­ნა­შა­უ­ლის­თვის კო­ლექ­ტი­უ­რად გა­ა­სა­მარ­თლონ.

- ისე, დათა ახა­ლა­ია სო­ცი­ა­ლუ­რი ქსე­ლით გავ­რცე­ლე­ბულ წე­რილ­ში სა­ქარ­თვე­ლო­ში ჩა­მოს­ვლა­სა და ყვე­ლა კი­თხვა­ზე პა­სუ­ხის გა­ცე­მა­ზე სა­უბ­რობ­და, კუდ-ის ყო­ფი­ლი ხელ­მძღვა­ნე­ლი სა­ქარ­თვე­ლო­ში ჩა­მოს­ვლას უახ­ლო­ეს მო­მა­ვალ­ში აპი­რებს?

- რა გინ­დათ, ერთი შვი­ლი ცი­ხე­ში ჩას­ვეს და მე­ო­რეც უკა­ნო­ნოდ და­ი­ჭი­რონ?! ხე­ლი­სუფ­ლე­ბა დღეს ახა­ლა­ი­ე­ბის ოჯა­ხის წი­ნა­აღ­მდე­გაა მო­მარ­თუ­ლი. ყვე­ლა­ნა­ი­რი ხერ­ხით ჩვენ­ზე ზე­წო­ლა­სა და შან­ტაჟს ახორ­ცი­ე­ლე­ბენ. უნ­დათ, ქვეყ­ნის და­მან­გრევ­ლე­ბად წარ­მოგ­ვა­ჩი­ნონ, მაგ­რამ არა­ფე­რი გა­მო­უ­ვათ, ჩემი შვი­ლე­ბი სა­კუ­თარ სი­მარ­თლეს მა­ინც და­ამ­ტკი­ცე­ბენ. დად­გე­ბა დრო და დათა ახა­ლა­ია სა­ქარ­თვე­ლო­ში აუ­ცი­ლებ­ლად ჩა­მო­ვა. თა­ვის სათ­ქმელ­საც ხმა­მაღ­ლა იტყვის, მაგ­რამ ჯერ­ჯე­რო­ბით, ამის სა­ჭი­რო­ე­ბას ვერ ვხე­დავ. ამ ეტაპ­ზე სა­ქარ­თვე­ლო­ში სა­მარ­თლის პოვ­ნა შე­უძ­ლე­ბე­ლია.

ბაჩო ხომ ჩა­მო­ვი­და და 15 თვის გან­მავ­ლო­ბა­ში პა­ტიმ­რო­ბა­შიც ხომ იმ­ყო­ფე­ბა, რისი დამ­ტკი­ცე­ბა მო­ა­ხერ­ხა ხე­ლი­სუფ­ლე­ბამ?! სხვა­თა შო­რის, მისი ნახ­ვის უფ­ლე­ბას პრო­კუ­რა­ტუ­რა დღემ­დე არ მაძ­ლევს. პარ­ლა­მენ­ტის თავ­მჯდო­მა­რე­საც ვთხო­ვე, ჩემი შვლის ნახ­ვის უფ­ლე­ბა ერთხელ მა­ინც მო­მე­ცით-მეთ­ქი, მაგ­რამ უარი მი­ვი­ღე. წლე­ბის გან­მავ­ლო­ბა­ში პრო­კუ­რო­რად ვმუ­შა­ობ­დი, თუმ­ცა არ მახ­სოვს შემ­თხვე­ვა, პა­ტი­მარ­თან ახ­ლობ­ლის შეს­ვლა­ზე უარი მეთ­ქვა. ესე­ნი კი, ყო­ველ­გვარ ზღვარს გა­და­ვიდ­ნენ. თავს შე­უ­რა­ცხყო­ფი­ლად ვგრძნობ, ამი­ტომ აღარ ვა­პი­რებ, იგი­ვე თხოვ­ნით პრო­უ­რა­ტუ­რას მივ­მარ­თო. იცით, მი­უ­ხე­და­ვად ყვე­ლაფ­რი­სა, არა­ფერს ვნა­ნობ. ჩვენ სამ­შობ­ლოს ვემ­სა­ხუ­რე­ბო­დით და ყვე­ლა­ფერს რომ თა­ვი­დან ვი­წყებ­დეთ, იგ­ვიე გზას კი­დევ ერთხელ გა­ვივ­ლი­დით. მე, რო­გორც მა­მამ, კარ­გად ვიცი, რო­გორ აღი­ზარ­დნენ ჩემი შვი­ლე­ბი და რა საქ­მე­საც აკე­თებ­დნენ ისი­ნი.

- როცა სან­დრო გირ­გვლი­ანს ოქ­რო­ყა­ნა­ში სას­ტი­კად უს­წორ­დე­ბოდ­ნენ, მა­ში­ნაც იცო­დით, თქვე­ნი შვი­ლი რას აკე­თებ­და?

- გირ­გვლი­ა­ნის საქ­მე­ზე სა­სა­მარ­თლოს გა­ნა­ჩენს და­ვე­ლო­დოთ და შემ­დეგ ვი­სა­ბუ­როთ. კი­დევ ერთხელ ვი­მე­ო­რებ, მე­ა­მა­ყე­ბა, რომ ჩემი შვი­ლე­ბი ასეთ დღე­ში არი­ან. თუ სამ­შობ­ლოს სიყ­ვა­რუ­ლი და მის­თვის თავ­გან­წირ­ვა და­ნა­შა­უ­ლია, დაე, ასე იყოს. ვი­საც რა უნდა, ის თქვას, მაგ­რამ დღეს ჩემ­თვის ჩემი შვი­ლე­ბი გმი­რე­ბი არი­ან. რო­გო­რი პი­ა­რიც უნდა აგ­ვი­გო­რონ და ხალ­ხს გო­ნე­ბა მო­უ­წამ­ლონ, მე და ჩემ­მა ოჯახ­მა ყვე­ლა­ფე­რი კარ­გად ვი­ცით. იმა­შიც დარ­წმუ­ნე­ბუ­ლი ვარ, ის­ტო­რია ყვე­ლა­ფერს თა­ვის სა­ხელს და­არ­ქმევს!

რუ­სუ­დან შე­ლია

გა­ზე­თი "ვერ­სია"