3
აპრილიდღის ზოგადი ასტროლოგიური პროგნოზი
"ქაღალდის წვიმის" პრემიერა ნოდარ დუმბაძის სახელობის მოზარდმაყურებელთა თეატრში, რეზო თავართქილაძის სახელობის ექსპერიმენტულ სცენაზე შედგა. რეჟისორი 2011 წლის "დურუჯის" გამარჯვებული ნიკა საბაშვილია.
სპექტაკლი კლოუნადის ჟანრს ეკუთვნის, სადაც ოთხი ჯამბაზი მონაწილეობს, აქედან სამი - მამაკაცია და ერთი - ქალი. ისინი უშუალო ურთიერთობას ამყარებენ მაყურებელთან, არ გააჩნიათ ეროვნება და სხვადასხვა ენებზე საუბრობენ. რეჟისორი თვლის, რომ კლოუნადის ფორმატი სიმართლის თქმის კარგი საშუალებაა. სპექტაკლში სამივე მამაკაცი ერთი ქალის გარშემო ტრიალებს და თავისი განსხვავებულობით, გულუბრყვილობით თუ რომანტიულობით ლამობენ მასთან სიახლოვეს, ერთ-ერთი ფულითაც ცდილობს ბედნიერების ყიდვას... თუმცა ქალი მაინც მარტოსულია და თვითმკვლელობაზეც არაერთხელ დაფიქრებულა.
სპექტაკლში საფინალო თვითმკვლელობის სცენაც სუსტი და ცვალებადი ქალის ტრიუკია. ჯამბაზი მამაკაცების როლს ვახტანგ ნოზაძე, ზურა ავსაჯანიშვილი და ნიკოლოზ ნანიტაშვილი თამაშობენ, ქალი ჯამბაზის როლს ანა სანაია ასრულებს.
Ambebi.ge-მ ერთ-ერთ კონკრეტულ ეპიზოდზე, რომელშიც კახი კალაძის გვარი ახსენეს, განმარტება როლის შემსრულებელ ჯამბაზს სთხოვა:
- ზურა, როგორ ახსნი ამ ეპიზოდს, სადაც ემოციურად ახსენებ დღევანდელი ენერგეტიკის მინისტრის გვარს?
ზურა ავსაჯანიშვილი: "ის, რომ ვუყურებ ტელევიზორს, ამას არ აქვს ახსნა, ალეგორიულია. უბრალოდ, ვაკავშირებთ, რომ კალაძის გოლის გატანის დროს ქვრება შუქი და ეს ორი მომენტი ერთ გვართან ასოცირდება. თუმცა, როგორც პიროვნებას, კალაძეზე კვლავ კარგი წარმოდგენა მაქვს, მან ფუტკარივით იშრომა, რომ წარმატებისთვის მიეღწია ფეხბურთში, მივცეთ დრო და მინისტრის რანგშიც გვაჩვენებს კარგ შედეგებს.
სპეციალურად Ambebe.ge-სთვის
ნათია გედენიძე
