"სიკეთეს პოლიტიკური კუთვნილება არ აქვს" - ინგა გრიგოლია იოსებ კვიჟინაძის დახმარებისთვის მადლობას საჯაროდ იხდის
ტელეწამყვანი ინგა გრიგოლია "ფეისბუქის" პირად გვერდზე იოსებ კვიჟინაძის სამკურნალოდ თანხის შეგროვების ფაქტს ეხმაურება.
"ყველას გასაგონად, ვინც თავს ლაფი გვასხა წინა "რეაქციის" გამო და დაგვადანაშაულა, თითქოს ჩვენ პატარა, ლეიკემიით დაავადებული ბავშვი თოქ-შოუსთვის გამოვიყენეთ... ამ გადაცემიდან ზუსტად ერთ კვირაში მისი სრული დაფინანსების საკითხი გადაწყდა... მადლობა ჯანდაცვის სამინისტროს, მადლობა თბილისის მერიას, მადლობა თბილისის საკრებულოს - უმცირესობასაც და უმრავლესობასაც, ორივე მხარე ჩაერთო იმ გადაცემის შემდეგ და თანხა სრულად გამოიძებნა... ჩვენ ვართ დღეს უბედნიერესები ამ ფაქტით... აი, ეს იყო ყველაზე დიდი შედეგი... აი, ეს იყო ამ გადაცემის ყველაზე დიდი მიღწევა... ყველაზე დიდი... და თქვენ, ვინც დაგვადანაშაულეთ წინა ,,რეაქციის", გამო.... იმის გამო, რომ მამის თხოვნით პატარა იოსებს მიკროფონი დავუთმეთ - გრცხვენოდეთ. ამ ბავშვის ჯანდაცვის დაფინანსება მილიონჯერ უფრო მნიშვნელოვანია ჩვენთვის, ვიდრე თქვენი უსაფუძვლო თავდასხმები და ქილიკი.... მადლობა ყველას, ვინც იოსებ კვიჟინაძის გადარჩენის საქმეში ჩაერთო პოლიტიკური კუთვნილების მიუხედავად))))))))))))))))))))))))))))))))))))))))))))))
ეს საქართველოა, სადაც იმაში გადანაშაულებენ, რომ ბავშვს სასწრაფო საოპერაციო თანხის მოსაძიებლად დაუთმობ ეთერს. დღეს რომ ვარ, ასეთი ბედნიერი დიდი ხანია არ ვყოფილვარ... წერონ და იკითხონ...
მადლობა ღმერთს... მადლობა იმ ადამიანებს, ვინც ამ ამბავში ჩაერთო - ხელისუფლებიდანაც და ოპოზიციიდანაც... სიკეთეს პოლიტიკური კუთვნილება არ აქვს...
მადლობა, საყვარელო ადამიანებო... ჩემთვის უკიდურესად მნიშვნელოვანი იყო ეს შედეგი... წეღან ჯანდაცვის სამინისტროდან თამარ ბოდოკიამ გვითხრა, რომ ჯანდაცვის სამინისტრო დაეხმარება იმავე გადაცემაში მონაწილე კიდევ ერთი ქალბატონის - ქეთევან პაპიძის შვილსაც - მადლობა ყველას... მადლობა თამარ ბოდოკიას", - წერს ინგა გრიგოლია.
საკრებულოს დეპუტატების და თანამშრომლების ხელფასებიდან ლეიკემიით დაავადებული ბავშვების მკურნალობისა და მხარდაჭერისთვის "ბერი ანდრიას ფონდში" ყოველთვიურად გარკვეული პროცენტი ჩაირიცხება, ამის შესახებ გუშინ გამართულ პრესკონფერენციაზე ფრაქცია "ქართული ოცნება - დემოკრატიული საქართველოს" თავმჯდომარე ზაზა გაბუნიამ განაცხადა.
როგორც პრესკონფერენციაზე გახდა ცნობილი, ლეიკემიით დაავადებული იოსებ კვიჟინაძის სამკურნალოდ ცენტრალური მთავრობის და მერიის მონაწილეობით, მობილიზებულ იქნა საჭირო თანხა.
შეგახსენებთ, გადაცემა "რეაქციის" წამყვანმა ინგა გრიგოლიამ, იოსებ კვიჟინაძე თბილისის საკრებულოს წევრების დებატების დროს მიიყვანა გადაცემაში. იოსებ კვიჟინდაძის სიცოცხლის გადასარჩენად, ოპერაციაა საჭირო, რომელიც 40 ათასი ევრო ჯდება. ოპერაციაზე თანხმობა მხოლოდ ვენაში განაცხადეს.
გადაცემაში ბავშვის გამოჩენის შემდეგ, ინგა გრიგოლია ჟურნალისტების გაერთიანება "ეთიკის ქარტიის" კრიტიკის ობიექტი გახდა.
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
