ცოტა ხნის წინ, შიდა ქარ­თლის ყო­ფილ­მა გუ­ბერ­ნა­ტორ­მა, მი­ხე­ილ ქა­რელ­მა მის მო­ბი­ლურ­ზე მი­სუ­ლი მუ­ქა­რის შემ­ცვე­ლი მე­სი­ჯი გა­ა­სა­ჯა­რო­ვა. ყო­ფი­ლი ჩი­ნო­სა­ნი ირ­წმუ­ნე­ბა, რომ შე­ტყო­ბი­ნე­ბა რუ­სე­თი­დან არის გა­მოგ­ზავ­ნი­ლი. ტექ­სტის ში­ნა­არ­სი კი ასე­თია: "კარ­გად წა­ი­კი­თხე და და­ფიქ­რდი, რა­საც გწერთ. 1. თუ ოდეს­მე იკა­ზე ხმას ამო­ი­ღებ ან გა­ზე­თით, ან ტე­ლე­ვი­ზი­ით, შენს ოჯახს მთლი­ა­ნად გა­ვა­ნად­გუ­რებთ. 2. თბი­ლი­სის ოფი­სის წი­ლე­ბი შენ და კე­კე­ლიშ­ვილ­მა გად­მო­ა­ფორ­მეთ შე­ნი­ვე და­ქალ თე­ო­ზე. თუ სამ დღე­ში და­დე­ბი­თად არ გა­და­წყვეტთ რა­საც გწერთ, შენს სახლ-კარს ცე­ცხლს მივ­ცემთ დე­და­შენ-მა­მა­შე­ნი­ა­ნად, და­ნარ­ჩენს გას­ვე­ნე­ბა­ში რო ჩა­მოხ­ვალ, აქ აგიხ­სნით. კარ­გად და­ფიქ­რდი და 31 იან­ვრამ­დე და­აბ­რუ­ნე პა­სუ­ხი თეოს მეშ­ვე­ო­ბით. არ გე­მუქ­რე­ბით, რე­ა­ლო­ბას გიხ­სნით. მა­გა­საც ხომ და­ვუწ­ვით სახ­ლი, ჰოდა, ნუ აჰ­ყვე­ბი იმ ვოლკს, თო­რემ 1-ში ცე­ცხლით გა­გათ­ბობთ, თუ არას­წო­რად იფიქ­რებ. არც მანდ არაა შენი პოვ­ნა ძნე­ლი".

მი­ხე­ილ ქა­რე­ლი ყო­ფი­ლი მი­ნის­ტრის­კენ, ირაკ­ლი ოქ­რუ­აშ­ვი­ლის­კენ იშ­ვერს ხელს და მუ­ქა­რა­ში მას ადა­ნა­შა­უ­ლებს. რო­გორც ჩანს, ძველ მე­გობ­რებს შო­რის დიდი ხა­ნია, ურ­თი­ერ­თო­ბა და­ძა­ბუ­ლია და ამან უკვე პრე­სის ფურ­ცლებ­ზეც გად­მო­ი­ნაც­ვლა. არა­და, იყო პე­რი­ო­დი, როცა ქა­რე­ლის კა­რი­ე­რულ წინსვლას სწო­რედ ოქ­რუ­აშ­ვილ­თან მე­გობ­რო­ბას უკავ­ში­რებ­დნენ. რა ვერ გა­იყ­ვეს მე­გობ­რებ­მა და რო­გორ გან­ვი­თარ­დე­ბა მოვ­ლე­ნე­ბი, ეს მო­მა­ვალ­ში გახ­დე­ბა ცნო­ბი­ლი. ბრალ­დე­ბებ­ზე პო­ზი­ცი­ას არ აფიქ­სი­რებს თა­ვად ირაკ­ლი ოქ­რუ­აშ­ვი­ლი. ის პა­სუ­ხის გა­ცე­მას არ ჩქა­რობს.

უფრო მეტი დე­ტა­ლის გა­სარ­კვე­ვად ყო­ფილ გუ­ბერ­ნა­ტორს საფ­რან­გეთ­ში და­ვუ­კავ­შირ­დით.

- ბა­ტო­ნო მი­ხე­ილ, გავ­რცელ­და ინ­ფორ­მა­ცია, რომ ირაკ­ლი ოქ­რუ­აშ­ვი­ლი და­გე­მუქ­რათ. იქ­ნებ უფრო კონ­კრე­ტუ­ლად გვი­ამ­ბოთ, რა და­ვაა თქვენ შო­რის?

- მინ­და ხაზ­გას­მით აღ­ვნიშ­ნო, რომ ქო­ნებ­რი­ვი და მა­ტე­რი­ა­ლუ­რი დავა მას­თან არ მაქვს. ჩვე­ნი უთან­ხმო­ე­ბა რამ­დე­ნი­მე წლის წინ და­ი­წყო, რისი სა­ფუძ­ვე­ლიც ოქ­რუ­აშ­ვი­ლის უღირ­სი ქმე­დე­ბე­ბი იყო. ეს გა­მო­ი­ხა­ტე­ბო­და მე­გობ­რე­ბის, თა­ნა­მებ­რძო­ლე­ბის მი­მართ მის და­მო­კი­დე­ბუ­ლე­ბა­ში. ამ ადა­მი­ანს არ შე­უძ­ლია რე­ა­ლო­ბის აღ­ქმა. ყო­ველ­თვის მზად იყო, პი­რა­დი ინ­ტე­რე­სე­ბის სა­ნაც­ვლოდ სამ­შობ­ლოც კი გა­ე­ყი­და. ოქ­რუ­აშ­ვილ­მა სრუ­ლი იგ­ნო­რი გა­უ­კე­თა იმ ადა­მი­ა­ნებს, რო­მელ­საც თა­ვად ეყ­რდნო­ბო­და, რად­გან არ სურ­და, ის პა­სუ­ხის­მგებ­ლო­ბა და ვალ­დე­ბუ­ლე­ბე­ბი გა­ე­თა­ვი­სე­ბი­ნა, რაც ამ ადა­მი­ა­ნე­ბის მი­მართ წლე­ბის გან­მავ­ლო­ბა­ში წარ­მო­იშ­ვა. ოქ­რუ­აშ­ვი­ლის სი­ბე­ცით ათე­უ­ლო­ბით ადა­მი­ა­ნი იქცა დევ­ნი­ლად და ათე­უ­ლო­ბით ადა­მი­ა­ნი მოხ­ვდა ცი­ხე­ში, რომ­ლე­ბიც არც იქ მო­უ­კი­თხავს და ცი­ხი­დან რომ გა­მო­ვიდ­ნენ, მა­ში­ნაც არ და­უ­რე­კავს. აღარ არის ლა­პა­რა­კი იმა­ზე, რომ ის ცი­ხის კარ­თან უნდა დახ­ვედ­რო­და ამ ბი­ჭებს გა­თა­ვი­სუფ­ლე­ბის დღეს და მათ­თვის ბო­დი­ში და მად­ლო­ბა მა­ინც უნდა ეთ­ქვა. ეს ადა­მი­ა­ნე­ბი ნა­წა­მე­ბი არი­ან, მათ დენ­ზე აერ­თებ­დნენ, ჯან­მრთე­ლო­ბა შერ­ყე­უ­ლი აქვთ და სა­ჭი­რო­ე­ბენ მკურ­ნა­ლო­ბას. ეს ბი­ჭე­ბი ცდი­ლობ­დნენ ოქ­რუ­აშ­ვილ­თან და­კავ­ში­რე­ბას, მაგ­რამ ის თავს არი­დებს. ერთ-ერთ ინ­ტერ­ვი­უ­ში ოქ­რუ­აშ­ვილ­მა აღ­ნიშ­ნა, რომ 40 ოჯახს ინა­ხავ­და, რაც სრუ­ლი სიც­რუ­ეა. და­ა­სა­ხე­ლოს ერთი ოჯა­ხი მა­ინც, ვი­საც ის ინა­ხავ­და, გარ­და მის გარ­შე­მო მყო­ფი კრი­მი­ნა­ლუ­რი ბან­დი­სა, რომ­ლის გა­მო­ყე­ნე­ბით სა­კუ­თა­რი ბინ­ძუ­რი მიზ­ნე­ბის რე­ა­ლი­ზე­ბას ახ­დენ­და. ოქ­რუ­აშ­ვი­ლის გან­ცხა­დე­ბა ემ­სა­ხუ­რე­ბა მზრუნ­ვე­ლი ადა­მი­ა­ნის იმი­ჯის შექ­მნას. სი­ნამ­დვი­ლე­ში მის­თვის მე­გობ­რო­ბა არ არის მნიშ­ვნე­ლო­ვა­ნი, მის­თვის მე­გო­ბა­რი უბ­რა­ლო ნივ­თია. ეს "ნივ­თი" თუკი ოდეს­მე და­ზი­ან­და მისი უგუ­ნუ­რი საქ­ცი­ე­ლით და თუ რა­ი­მე პრობ­ლე­მა შე­ექ­მნა, მის­თვის ღი­რე­ბუ­ლი აღა­რაა და მო­შო­რე­ბა­ზე ფიქ­რობს. მე­გობ­რე­ბი­სა და თა­ნა­მებ­რძო­ლე­ბის 99%-ს ირაკ­ლი ოქ­რუ­აშ­ვი­ლი ასე მო­ექ­ცა. ის ერთი პრო­ცენ­ტი კი არის მისი ბი­ძაშ­ვი­ლი, იო­სებ გი­გუ­აშ­ვი­ლი, რო­მელ­საც ხელ­ჩა­კი­დე­ბუ­ლი და­ა­ტა­რებს, ბინ­ძუ­რი საქ­მე­ე­ბის­თვის იყე­ნებს და რო­მე­ლიც ზე­მოთ ხსე­ნე­ბულ კრი­მი­ნა­ლურ ბან­დას ხელ­მძღვა­ნე­ლობს.

- ეს სე­რი­ო­ზუ­ლი ბრალ­დე­ბე­ბია. გაქვთ სამ­ხი­ლი?

- რა­საც ვამ­ბობ, სრუ­ლი სი­მართ­ლეა.

- რა ბიზ­ნე­სი გქონ­დათ ერ­თად და რის გა­და­ფორ­მე­ბას ითხოვ­და?

- სამ­წუ­ხა­როდ, ადა­მი­ა­ნებ­მა ისე გა­ი­გეს, თით­ქოს ჩვენ შო­რის დავა ბიზ­ნე­სინ­ტე­რე­სი­დან წარ­მო­იშ­ვა. ხაზ­გას­მით მინ­და აღ­ვნიშ­ნო, რომ არა­ნა­ი­რი ბიზ­ნე­სი არა­სო­დეს მქო­ნია, მით უფრო, ოქ­რუ­აშ­ვილ­თან ერ­თად. საქ­მე ეხე­ბა "ერ­თი­ა­ნი სა­ქარ­თვე­ლოს­თვის" ათო­ნე­ლის 27-ში შე­ძე­ნილ სა­ო­ფი­სე ფარ­თობს. ეს იყო პარ­ტი­ის ოფი­სი, რო­მე­ლიც 2007 წელს 11-მა კაც­მა შე­ვი­ძი­ნეთ. არა­სო­დეს და­მი­მა­ლავს, რომ მქონ­და ჩემი წილი და ვი­ყა­ვი თა­ნა­მე­სა­კუთ­რე, რაც 2007 წლის დეკ­ლა­რა­ცი­ა­შიც აღ­ვნიშ­ნე. 2009 წელს ეს ოფი­სი უკა­ნო­ნოდ ჩა­მოგ­ვარ­თვეს, მაგ­რამ სა­ქარ­თვე­ლო­ში ხე­ლი­სუფ­ლე­ბის შეც­ვლის შემ­დეგ, 2013 წლის 12 დე­კემ­ბერს, სა­სა­მარ­თლომ ეს ქო­ნე­ბა რე­ა­ლურ მფლო­ბე­ლებს დაგ­ვიბ­რუ­ნა. ამის შემ­დეგ ირაკ­ლი ოქ­რუ­აშ­ვილ­მა ამ ქო­ნე­ბის ხელ­ში ჩაგ­დე­ბა ერ­თპი­როვ­ნუ­ლად მო­ინ­დო­მა და და­ი­წყო მის­თვის ჩვე­უ­ლი წე­სით, და­ნარ­ჩენ მფლო­ბე­ლებ­ზე ზე­წო­ლა. რო­დე­საც დარ­წმუნ­და, რომ არ ვა­პი­რებ­დი მის­თვის ჩემი კუთ­ვნი­ლი წი­ლის გა­და­ფორ­მე­ბას, ამის შემ­დეგ და­ი­წყო მუ­ქა­რა.

- ამ მუ­ქა­რას რა კონ­ფლიქ­ტი უძღვო­და წინ?

- 5 წე­ლია, საფ­რან­გეთ­ში ვცხოვ­რობ. აქე­დან 4 წე­ლია, რაც ოქ­რუ­აშ­ვი­ლი არ მი­ნა­ხავს. შე­სა­ბა­მი­სად, არც ურ­თი­ერ­თო­ბა მქო­ნია მას­თან და არც ამის სურ­ვი­ლი. რო­გორც გი­თხა­რით, ჩვე­ნი და­პი­რის­პი­რე­ბის ერთ-ერთი მი­ზე­ზი თა­ნა­მებ­რძო­ლე­ბი­სად­მი გულ­გრი­ლო­ბა და მათი პი­რა­დი მიზ­ნე­ბი­სათ­ვის გა­მო­ყე­ნე­ბაა, რის გა­მოც ჩვენ შო­რის წარ­მო­იშ­ვა კონ­ფლიქ­ტი. რაც შე­ე­ხე­ბა მის არა­ა­დეკ­ვა­ტუ­რო­ბას, ამის მა­გა­ლი­თი ძალ­ზე ბევ­რია და მო­ყო­ლა რომ და­ვი­წყო, ერთი ინ­ტერ­ვიუ არ ეყო­ფა.

- სე­რი­ო­ზულ ბრალ­დე­ბას უყე­ნებთ ოქ­რუ­აშ­ვილს. რო­გორ დარ­წმუნ­დით, რომ მე­სი­ჯი ნამ­დვი­ლად მან გა­მო­გიგ­ზავ­ნათ?

- კარ­გი კი­თხვაა. ასე­თი მე­თო­დე­ბის­თვის ოქ­რუ­აშ­ვილს ხში­რად მი­უ­მარ­თავს, ჯერ კი­დევ სა­ქარ­თვე­ლო­ში ყოფ­ნი­სას. ძა­ლი­ან ბევრ ადა­მი­ანს ემუქ­რე­ბო­და ან­გა­რიშს­წო­რე­ბით, სახ­ლის დაწ­ვი­თა და გა­ნად­გუ­რე­ბით. რო­გორც წესი, იგი ადა­მი­ა­ნებ­თან ურ­თი­ერ­თო­ბის ასეთ ფორ­მას ირ­ჩევ­და. ია­სონ ჩიხ­ლა­ძე არის მა­გა­ლი­თი იმი­სა, თუ რო­გორ უს­წორ­დე­ბა ის ადა­მი­ა­ნებს, რომ­ლე­ბიც მის სურ­ვილს შე­ე­წი­ნა­აღ­მდე­გე­ბი­ან. ია­სონ ჩიხ­ლა­ძეს მან სახ­ლი და­უწ­ვა, რაც ჩემ­თვის გა­მოგ­ზავ­ნილ მე­სი­ჯში აღი­ა­რა კი­დეც. ჩემ­თვის მთა­ვა­რი ის არაა, ვისი ნომ­რით გა­მოგ­ზავ­ნა მე­სი­ჯი და ვინ და­ა­ჭი­რა ღი­ლაკს ხელი. ჩემ­თვის მთა­ვა­რია, რომ ამ მე­სი­ჯის ავ­ტო­რი ირაკ­ლი ოქ­რუ­აშ­ვი­ლია, რო­მელ­მაც ბევ­რჯერ მო­ი­თხო­ვა, რომ გავ­ჩუ­მე­ბუ­ლი­ყა­ვი. ახლა რად­გან პო­ლი­ტი­კა­ში უნდა ჩა­ერ­თოს, ის თვლის, რომ მე მისი პო­ლი­ტი­კუ­რი მიზ­ნე­ბის­თვის სე­რი­ო­ზულ საფრ­თხეს წარ­მო­ვად­გენ.

- სხვა მტე­რი არ გყავთ? იქ­ნებ სხვა და­გე­მუქ­რათ?

- მტე­რი ხმა­მა­ღა­ლი ნათ­ქვა­მია. მტე­რი ნამ­დვი­ლად არ მყავს.

- ვინ არის თეო, რო­მელ­ზეც სა­უ­ბა­რია მე­სი­ჯში, მას იც­ნობთ?

- რა თქმა უნდა, ვიც­ნობ. სა­უ­ბა­რია თეო ტლა­შა­ძე­ზე. სწო­რედ თეო ტლა­შა­ძე გახ­ლდათ ამ პრო­ცე­სებ­ში აქ­ტი­უ­რად ჩარ­თუ­ლი. ალ­ბათ მკი­თხავთ, ამას რო­გორ ვა­დას­ტუ­რებ და გე­ტყვით, რომ ტლა­შა­ძის ამ პრო­ცეს­ში მო­ნა­წი­ლე­ო­ბა დას­ტურ­დე­ბა იმი­თაც, რომ მას ჰქონ­და მი­მო­წე­რა ერთ-ერთ მე­სა­კუთ­რეს­თან, და­ვით კე­კე­ლიშ­ვილ­თან. სთხოვ­და მას, დაჰ­კავ­ში­რე­ბო­და ირაკ­ლი ოქ­რუ­აშ­ვილს. ეს მი­მო­წე­რა გა­მოქ­ვეყ­ნდა ერთ-ერთ ქარ­თულ გა­მო­ცე­მა­ში. ასე რომ, ოქ­რუ­აშ­ვი­ლის გზავ­ნილ­ში ნახ­სე­ნე­ბი ვინ­მე თეო არის თეო ტლა­შა­ძე. რო­გორც გა­ვი­გე, ტლა­შა­ძე არ ადას­ტუ­რებს ამ გზავ­ნილ­თან ოქ­რუ­აშ­ვი­ლის კავ­შირს და ამ­ბობს, რომ გარ­კვე­უ­ლი ძა­ლე­ბი ცდი­ლო­ბენ ოქ­რუ­აშ­ვი­ლის დის­კრე­დი­ტა­ცი­ას. ოქ­რუ­აშ­ვი­ლი დიდი ხა­ნია, ისე­დაც დის­კრე­დი­ტი­რე­ბუ­ლია.

- რა გა­რან­ტია არ­სე­ბობს, რომ ოქ­რუ­აშ­ვილ­მა მუ­ქა­რა სის­რუ­ლე­ში არ მო­იყ­ვა­ნოს?

- უშუ­ა­ლოდ ოქ­რუ­აშ­ვი­ლი ამას ვერ შეძ­ლებს, რად­გან ლა­ჩა­რია. ამის­თვის მას შე­უძ­ლია, თა­ვი­სი კრი­მი­ნა­ლუ­რი ბან­და გა­მო­ი­ყე­ნოს. თუ გა­ვით­ვა­ლის­წი­ნებთ, ია­სონ ჩიხ­ლა­ძის სახ­ლი რო­გორ და­იწ­ვა, ასე­ვე ერთ-ერთი ადა­მი­ა­ნის 60 ჰექ­ტარ­ზე მოყ­ვა­ნი­ლი, უკვე ასა­ღე­ბად გამ­ზა­დე­ბუ­ლი ხორ­ბა­ლი, რა თქმა უნდა, გა­რან­ტია არ არ­სე­ბობს. მინ­და გი­თხრათ, რომ ეს ყვე­ლა­ფე­რი მან 2013 წელს ჩა­ი­დი­ნა. მისი ბი­ძაშ­ვი­ლი, იო­სებ გი­გუ­აშ­ვი­ლი ურე­კავ­და ადა­მი­ა­ნებს და მათ­გან ქო­ნე­ბის გა­და­ფორ­მე­ბას ითხოვ­და. ტექ­სტი იყო ასე­თი: - ამ­დე­ნი წლის გან­მავ­ლო­ბა­ში თქვენ ფული აკე­თეთ, ჩვენ კი ძა­ლი­ან გვი­ჭირ­დაო. აი, ამ ფორ­მით ცდი­ლობ­დნენ ქო­ნე­ბის წარ­თმე­ვას. რამ­დე­ნა­დაც ვიცი, ვი­ღა­ცებს წა­არ­თვეს კი­დეც ქო­ნე­ბა. ისი­ნი სამ­წუ­ხა­როდ, გა­ჩუ­მე­ბას არ­ჩე­ვენ დღემ­დე, რად­გან მათ ოჯა­ხის გა­ნად­გუ­რე­ბით ემუქ­რე­ბოდ­ნენ. ერთ-ერთ ადა­მი­ანს 200 ათა­სი მოს­თხო­ვა, ვი­ღა­ცას - 150 ათა­სი და ა.შ. ვი­საც მისი მუ­ქა­რის არ შე­ე­შინ­და, იმათ სახლ-კარი და­უწ­ვა. ოქ­რუ­აშ­ვი­ლი ლა­ჩა­რია, ამ­ბობ­და, - მოვა დრო, სა­ა­კაშ­ვილს თვა­ლებ­ში ჩავ­ხე­და­ვო, მაგ­რამ მან ეს ვერ შეძ­ლო. მე­ტიც, სა­ქარ­თვე­ლო­ში დაბ­რუ­ნე­ბულ­მა ოქ­რუ­აშ­ვილ­მა სა­ა­კაშ­ვი­ლის რე­ჟი­მის წი­ნა­აღ­მდეგ ერთი გან­ცხა­დე­ბის გა­კე­თე­ბაც კი ვერ გა­ბე­და. ახა­ლი ხე­ლი­სუფ­ლე­ბის მი­მართ უმა­დურ­მა ოქ­რუ­აშ­ვილ­მა კი მად­ლი­ე­რე­ბის ნაც­ვლად, რომ სა­ქარ­თვე­ლო­ში დაბ­რუ­ნე­ბის შან­სი მი­ე­ცა, ირო­ნია არ და­ი­შუ­რა.

- ყვე­ლამ იცის, რო­გო­რი კარ­გი ურ­თი­ერ­თო­ბა იყო თქვენ შო­რის. თქვენს კა­რი­ე­რულ წინსვლას ოქ­რუ­აშ­ვილ­თან თქვენს მე­გობ­რო­ბას უკავ­ში­რებ­დნენ, ხომ ასე იყო რე­ა­ლუ­რად?

- ჩემი მთა­ვა­რი პრინ­ცი­პი არის მე­გობ­რო­ბა, ერ­თგუ­ლე­ბა და ღირ­სე­ბა. ეს ძა­ლი­ან ღი­რე­ბუ­ლია ჩემ­თვის. ოქ­რუ­აშ­ვი­ლი იმ­დე­ნად დახ­ვე­წი­ლად ფა­რი­სევ­ლობ­და, რომ ამის შე­სა­ხებ საფ­რან­გეთ­ში შე­ვი­ტყვე. ოქ­რუ­აშ­ვილს არა­თუ გორ­ში, არა­მედ ტყვი­ავ­შიც არ იც­ნობ­დნენ ნორ­მა­ლუ­რად. იშ­ვი­ა­თად, ზა­ფხუ­ლო­ბით თუ ჩა­მო­ვი­დო­და ტყვი­ავ­ში. ჩემ­ზე და ჩემი მე­გობ­რე­ბის მხრებ­ზე გა­და­ვი­და მისი გა­დე­პუ­ტა­ტე­ბა, რო­დე­საც 2003 წელს გო­რის მა­ჟო­რი­ტა­რი გახ­და. სხვა­თა შო­რის, თა­ვად თეო ტლა­შა­ძეც კი ჩემი მოყ­ვა­ნი­ლია. ადა­მი­ა­ნუ­რი რე­სურ­სი ჩვენ მიერ იქნა მო­ძი­ე­ბუ­ლი, რა­მაც ოქ­რუ­აშ­ვი­ლი დე­პუ­ტა­ტი გა­ხა­და. არ­ჩევ­ნე­ბის დამ­თავ­რე­ბის შემ­დეგ შტა­ბის წევ­რებ­მა იცოდ­ნენ, რომ საფ­რან­გეთ­ში ვა­პი­რებ­დი წას­ვლას სწავ­ლის გა­საგ­რძე­ლებ­ლად, მაგ­რამ რე­ვო­ლუ­ცია მოხ­და, ოქ­რუ­აშ­ვილ­მა მთხო­ვა, არ მი­მე­ტო­ვე­ბი­ნა. სა­ა­კაშ­ვილ­მა თა­ვად და­მი­რე­კა, - გუ­ბერ­ნა­ტო­რად დაგ­ნიშ­ნა­ვო. ეს გახ­და ჩემი სა­ქარ­თვე­ლო­ში დარ­ჩე­ნის მი­ზე­ზი. ვთვლი, რომ ეს იყო უდი­დე­სი შეც­დო­მა. ახლა დას­კვნა მკი­თხველ­მა გა­ა­კე­თოს, რა წვლი­ლი აქვს მას ჩემს კა­რი­ე­რა­ში. იქ­ნებ პი­რი­ქით მოხ­და და მე მის კა­რი­ე­რულ წინსვლა­ში შე­ვას­რუ­ლე დიდი როლი?

- საფ­რან­გეთ­ში რას საქ­მი­ა­ნობთ? რო­გო­რია თქვე­ნი ერთი დღე?

- ვცხოვ­რობ პა­რიზ­ში, ამ­ჟა­მად ვსწავ­ლობ. ვცხოვ­რობ ზუს­ტად ისე­ვე, რო­გორც სხვა ემიგ­რან­ტე­ბი. სა­კუ­თა­რი შრო­მით ვირ­ჩენ თავს. თუ ვინ­მეს ჰგო­ნია, რომ პა­რიზ­ში ფუ­ფუ­ნე­ბით ვცხოვ­რობ, ძა­ლი­ან ცდე­ბა. ძა­ლი­ან ბევ­რმა ადა­მი­ან­მა მო­მი­ნა­ხუ­ლა და ნა­ხეს, რომ ჩემი დღე­ვან­დე­ლი მა­ტე­რი­ა­ლუ­რი მდგო­მა­რე­ო­ბა შორ­საა ფუ­ფუ­ნე­ბის­გან. სამ­წუ­ხა­როდ, მუდ­მი­ვი სამ­სა­ხუ­რი არ მაქვს.

- აპი­რებთ თუ არა სამ­შობ­ლო­ში დაბ­რუ­ნე­ბას?

- რა თქმა უნდა. სა­ქარ­თვე­ლო, მით უმე­ტეს ჩემი კუ­თხე, ჩემი მო­სახ­ლე­ო­ბა, მე­გობ­რე­ბი, ოჯა­ხი ძა­ლი­ან მე­ნატ­რე­ბა. არის ობი­ექ­ტუ­რი მი­ზე­ზე­ბი, რის გა­მოც ჯერ­ჯე­რო­ბით ვერ ვა­ხერ­ხებ სა­ქარ­თვე­ლო­ში ჩა­მოს­ვლას.

- თქვენ წი­ნა­აღ­მდეგ სის­ხლის სა­მარ­თლის საქ­მის აღ­ძვრას გუ­ლის­ხმობთ? რას იტყვით ამ ბრალ­დე­ბე­ბის შე­სა­ხებ? ხომ არ მი­მარ­თეთ პრო­კუ­რა­ტუ­რას საქ­მის გა­და­სინ­ჯვის მო­თხოვ­ნით?

- პრო­კუ­რა­ტუ­რამ გა­დაგ­ზავ­ნა საქ­მე სა­სა­მარ­თლო­ში, მაგ­რამ სა­სა­მარ­თლო დუმს, ისე­ვე რო­გორც სხვა საქ­მე­ებ­ზე.

- რას შეც­ვლი­დით თქვენს წარ­სულ­ში, დღეს რაზე გწყდე­ბათ გული?

- გული მწყდე­ბა, რომ ჩემი პო­ლი­ტი­კუ­რი კა­რი­ე­რა სა­ა­კაშ­ვი­ლის, მე­რა­ბიშ­ვი­ლის, ადე­იშ­ვი­ლი­სა და ოქ­რუ­აშ­ვი­ლის რე­ჟიმს უკავ­შირ­დე­ბა, რო­მე­ლიც მკვლე­ლო­ბას­თან, უკა­ნო­ნო­ბას­თან, ქო­ნე­ბის ჩა­მორ­თმე­ვა­სა და კო­რუფ­ცი­ას­თან ასო­ცირ­დე­ბა.

თეა ხურ­ცი­ლა­ვა

ჟურ­ნა­ლი "გზა"

(გა­მო­დის ხუთ­შა­ბა­თო­ბით)