ბეზრუკოვი - "მძიმეა ოლიმპიადის ყურება, როდესაც კიევში ადამიანები იღუპებიან"

პოპულარული რუსი მსახიობი სერგეი ბეზრუკოვი "ტვიტერის" პირად გვერდზე უკრაინის დედაქალაქში განვითარებულ ტრაგიკულ მოვლენებს ეხმაურება.

"მძიმეა ოლიმპიადის ყურება და თავის ისე მოჩვენება, თითქოს არაფერი ხდება. კიევში ხომ ადამიანები იღუპებიან... ამიტომ დადებითი ტვიტებისგან ჯერჯერობით თავს შევიკავებ", - წერს მსახიობი.

ბეზრუკოვის ტვიტს ცნობილი უკრაინელი როკ-მუსიკოსი სვიატოსლავ ვაკარჩუკი გამოეხმაურა და რუს მსახიობს გამოვლენილი პოზიციისთვის მადლობა გადაუხადა.