თვითმკვლელობა კაზრეთში: "ორი მცირეწლოვანი შვილი ჰყავდა, ბანკში ვალები ჰქონდა"

ბოლნისის მუნიციპალიტეტის დაბა კაზრეთში მცხოვრებმა 41 წლის სლავა კუჭაშვილმა სიცოცხლე თვითმკვლელობით დაასრულა. როგორც ,,ინტერპრესნიუსთან" საუბარში დაბა კაზრეთის ტერიტორიული ორგანის რწმუნებულმა ჯემალ მათაძემ განაცხადა, სლავა კუჭაშვილი კომპანია "RMG კუპერში" მუშაობდა, ის სამსახურიდან დაახლოებით 5 თვის წინ გაათავისუფლეს. მისივე თქმით, ოჯახი ბანკიდან გამოტანილ კრედიტებს ვეღარ ფარავდა, მას ორი მცირეწლოვანი შვილი ჰყავდა და შესაძლოა, მძიმე სოციალური მდგომარეობა გახდა მისი თვითმკვლელობის მიზეზი.