29
მარტიდღის ზოგადი ასტროლოგიური პროგნოზი
ბეთანიაში, XII საუკუნის მონასტრის ეზოში, ღირსი მამების - გიორგი (იოანე) მხეიძისა და იოანე მაისურაძის საფლავები გახსნეს. მათი წმინდა ნაწილები ლუსკუმაში გადაასვენეს და ბეთანიის მონასტერში დააბრძანეს. მსურველებს მოლოცვა ორი დღის განმავლობაში შეეძლებათ, რის შემდეგაც მათ ტაძარში დაკრძალავენ.
აღნიშნულთან დაკავშირებით, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე, წმინდა სინოდთან ერთად, პარაკლისს გადაიხდის.
ღირსი მამა იოანე ათონის მთაზე 17 წელი მოღვაწეობდა. 1920-21 წწ-ში იგი სხვა ქართველ ბერებთან ერთად იძულებული გახდა ათონის მთა დაეტოვებინა და საქართველოში დაბრუნებულიყო. ღირსი მამა იოანე ბეთანიის მონასტერში დამკვიდრდა. 1924 წლიდან ბეთანიის მონასტერში მოღვაწეობდა მამა გიორგი მხეიძეც. 50-იანი წლებიდან ღირსი მამები მამა გაბრიელის სულიერი მოძღვრები გახდნენ.
