28
აპრილიდღის ზოგადი ასტროლოგიური პროგნოზი
სერიალ "შერლოკის" 37 წლის ვარსკვლავი ბენედიქტ კამბერბეჩი ჰოლივუდის სექს-სიმბოლო მამაკაცების სტანდარტებში ვერ ჯდება, მაგრამ მიუხედავად ამისა, ის ქალების გულთამპყრობელია. რამდენიმე კვირის წინ გამოკითხვაში, თუ ვისთან ერთად ისურვებდით ვალენტინობის საღამოს გატარებას, ბენედიქტმა პირველი ადგილი დაიკავა.
ბენედიქტი ყოველთვის გულახდილია ინტერვიუებში და ჟურნალ The Mirror-თან საუბარში ჩვეულმა იუმორმა არ უღალატა.
"მიკვირს, ჩემს გამო ქალები სისულელეებს რატომ სჩადიან. სექს-სიმბოლოს ტიტული ახალია. დარწმუნებული ვარ, დროთა განმავლობაში ამ ტიტულით ცხოვრებას შევძლებ. თუმცა, ამ მომენტისთვის, ეს ძალიან უცნაურია. მომწონს თუ არა, რომ ვინმე მიმზიდველად მთვლის? ვფიქრობ, ვერ ნახავთ დედამიწაზე ადამიანს, რომელსაც არ მოსწონდეს, რომ მის გარეგნობას აქებენ. თუმცა, გულახდილად რომ გითხრათ, ამ ყველაფერს იუმორით ვუყურებ. ჩემს სხეულში ყველაზე მეტად ჩემი თავის ფორმა და ზომა არ მომწონს", - განაცხადა მსახიობმა ინტერვიუში.
როგორც ბენედიქტი ამბობს, მიუხედავად იმისა, რომ მდიდარი მშობლები არასდროს ჰყოლია, მათ ბევრი იშრომეს იმისთვის, რომ ვაჟს სრულფასოვანი განათლება მიეღო. მსახიობს ახალგაზრდობაში ადვოკატობა სურდა, თუმცა მოგვიანებით რადიკალურად განსხვავებული არჩევანი გააკეთა.
"ჩემი მშობლები წარმატებული მსახიობები იყვნენ, როგორც გადასაღებ მოედანზე, ასევე ტელევიზიაში. ისინი ბევრს მუშაობდნენ და მთელი ბავშვობა განებივრებული ვიყავი. მახსოვს, როდესაც მშობლებს ვუთხარი, რომ მსახიობობა მსურდა და მათი კვალის გაყოლას ვაპირებდი, ისინი უკმაყოფილოები დარჩნენ. თუმცა, მშობლებმა ჩემს არჩევანს პატივი სცეს და მაქსიმალურად გვერდში დამიდგნენ", - განაცხადა ბენედიქტმა.
ასევე იხილეთ:
ბენედიქტ კამბერბეჩი სერგეი ბოდროვის ფილმში გამოჩნდება
რა უნდოდა თანამედროვე შერლოკს ტიბეტში
ვისთან ერთად გაატარებდით ვალენტინობას - ქალებმა სასურველი მამაკაცი აირჩიეს
მომზადებულია The Mirror-ის მიხედვით.
