მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უკვე წლებია, აღარ ვყოფილვარ ცუდ ხასიათზე" - ცოტნე გამსახურდიას ცხოვრების რეცეპტი
04:59 / 20-02-2014
საქართველოს პირველი პრეზიდენტის ზვიად გამსახურდიას ვაჟი, ცოტნე გამსახურდია "ფეისბუქის" პირად გვერდზე ბედნიერი "ცხოვრების საკუთარ რეცეპტს" ამხელს.
"რაც უფრო ადრე მიხვდები, რომ აზრები, ემოციები. განწყობები (საერთოდ - ფსიქ. ფაქტები) შენ არ გეკუთვნის, რომ ისინი არ არიან "შენ", მით მალე დამთავრდება დეპრესია და პესიმიზმი. უყურე მათ, როგორც სატრანზიტო მატარებელს: ჩამოდგა ბაქანზე ცოტა ხნით და წავიდა. ჩვენი გონების არსი არის სუფთა, წმინდა, ცარიელი, ხოლო ნებისმიერი აზრი და "ფაქტი" არის ძალისხმევა და არა - ბუნებრივი, თანდაყოლილი მდგომარეობა. აქედან გამომდინარეობს კიდევ ის, რომ არ არსებობს რაიმე აზრი (და ა.შ.), რისგან გათავისუფლებაც ჩვენ არ შეგვეძლოს.
ესაა ცხოვრების ჩემეული რეცეპტი იმედია, დამეთანხმებით, რომ მკითხველთა აბსოლუტურ უმრავლესობაზე მეტი ნეგატივი მაქვს გამოვლილი, თუმცა უკვე წლებია, აღარ ვყოფილვარ "ცუდ ხასიათზე". ჯოჯოხეთშიც კი ჩვეულებრივად ვინარჩუნებდი გონების სიცხადეს. იცხოვრე ფხიზლად და ხალისიანად.
ერთი პატარა საიდუმლო კიდევ არ არსებობს: ძლიერი სული, სევდა, კაეშანი, ჯოჯოხეთი და ა. შ. ეს უბრალოდ ენის და კომუნიკაციის "თანმდევი პროდუქტებია". ეს ყველაფერი "შენს" გონებაში არსებობს მხოლოდ.
"მე", "ჩემი", არის აქ ყოველგვარი უბედურების სათავე. არის გრძნობა, ემოცია, აზრი, მაგრამ არ არის "შენი". არის "ხედვა", მაგრამ არის "ვხედავ" . ეს უბრალოდ გონების ფენომენებია. ეს ყველაფერი წარმავალი და ეფემერულია, თუგინდ მატერიალური, ფიზიკური თვალსაზრისით და მათზე ჩაბღაუჭება ნიშნავს ეცადო მკვდრის გაცოცხლებას. იყო და გაიარა, ყველაფერი გაივლის... შინაგან სამყაროში კი არ არსებობს "მე". ეს ეგოს შეკოწიწებული კონსტრუქციაა, საკუთარი მნიშვნელოვანების დასადასტურებლად. თუ გამოცდით ამ მდგომარეობას, ძალიან მალე თავად იგრძნობთ...
როგორ შეიძლება პასუხი აგო მასზედ, რაც შენი არაა? არავინ არაფერს აგზავნის, არ არსებობს არსება სახელად "ღმერთი". არის ერთიანობა, რომლის ნაწილიც შენცა ხარ, და ის აზრებიც, ოღონდ არ არსებობს მუდმივი "შენ" და ის "აზრებიც" ეფემერულია. სწორედ ეს ერთიანი რეალობა არის ღმერთი, აბსოლუტი, რომელშიც ყველაფერი არსებობს და სადაც ყველაფერი იცვლება და მდინარებს, მაგრამ საბოლოოდ უცვლელია. როგორც ზღვა და ტალღები, ენერგიის მუდმივობის კანონი. ღმერთის ეს შეზღუდული გაგება არის ყოველგვარი ბოროტების სათავე.
არავინ არ განისჯება და ისჯება, არ მჯერა ამ ტერორიზმის. უბრალოდ იღებ შენი გონების შესაბამის რეალობას სხვა პლასტში გადასვლისას.
ჩვენ ვერასოდეს გავიგებთ, რა რის მომტანია. არ ყოფილა, რომ კეთილ განზრახვას ბოროტი მოუტანია ან პირიქით? მე ვარ ნაწილი იმ ძალისა, რომელიც ბოროტს ესწრაფვის მუდამ და სიკეთეს კი იქმს ყოველთვის, გახსოვს "ფაუსტი"? შედეგი ჩვენი არაა, იყავი აქ და ახლა.
მე ეს პრაქტიკულად გამოვცადე ძალიან ბევრჯერ. სამწუხაროდ, ეს უცხოა ოფიციალური ქრისტიანობისთვის. თუმცა, ქრისტეს მოძღვრებაში ბევრი დასტური მოიპოვება ამ კონცეფციის. სწორედ ის, რომ არ არსებობს მე, ნიშნავს რომ არსებოს აბსოლუტი, სადაც ყველაფერი ერთიანია. ათი მცნება რა შუაშია აქ? თუ გინდა, რომ არ დააშავო, აკრძალვის შიშით კი არა, საერთოდ უნდა შეგეძლოს ამ ეგოისტურ გონებაზე ამაღლება და სწორედ ამაზეა აქ საუბარი. თქვენ ემხრობით ე.წ. ცოდვის ავტორიტარულ კონცეფციას, რაც სრულიად ავადმყოფური თეორიაა ჩემი აზრით. რა შედეგები მოუტანა ქრისტიანულ სამყაროს ამ კონცეფციამ, დღეს კარგად ჩანს. და ბევრმა იმ სისულელემ, რასაც ჩვენ გაუცნობიერებლად ვიღებთ.
სხვათა შორის, "თომას სახარებაში", რომელიც არ მოხვდა კანონიკურ სახარებათა რიცხვში ბედის უკუღმართობითა და ი ტერპრეტატორების უმეცრებით, არის ასეთი ფრაზა: "იყავ გამვლელი". Будьте прохожими...
ყველა რელიგიას აქვს ეს ორი მხარე. ჩემთვის, ეს თომას სახარება, ჩემის აზრით გაცილებით ქრისტიანულია, ვიდრე არაერთი კანონიკურ-დოგმატური სისულელე", - წერს გამსახურდია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
