"ფეისბუქმა" WhatsApp შეიძინა

WhatsApp მესენჯერი პროგრამაა სმარტფონებისთვის. პროგრამის წყალობით, მომხმარებლებს შეუძლიათ ერთმანეთს მესიჯები, ვიდეოები, ფოტოები და აუდიო შეტყობინებები გაუგზავნონ.

WhatsApp 2009 წელს ბრაიან ეკტონისა და ჟან კოუმის ხელმძღვანელობით დაფუძნდა. 2013 წლის მონაცემებით, ყოველ თვე პროგრამით 400 მილიონი მომხმარებელი სარგებლობს. გუშინ "ფეისბუქმა" WhatsApp 16 მილიარდ დოლარად შეიძინა. ეს ინფორმაცია Facebook-ის დამფუძნებელმა, მარკ ცუკერბერგმა ოფიციალურად დაადასტურა.

"ბედნიერი ვარ გაცნობოთ, რომ შევთანხმდით, შევიძინოთ WhatsApp. ჩვენი მიზანია ადამიანები ერთმანეთს დავაკავშიროთ. WhatsApp დაგვეხმარება იმ სერვისის განვითარებაში, რომელიც მსოფლიოში უყვართ და ყოველდღე იყენებენ. WhatsApp მარტივი, სწრაფი და სანდო მობილური სამესიჯო სერვისია, რომელსაც 450 მილიონზე მეტი ადამიანი იყენებს. მილიონზე მეტი ადამიანი რეგისტრირდება WhatsApp-ში ყოველ დღე, უფრო და უფრო მეტი ადამიანი ენდობა WhatsApp-ს. ველით, რომ WhatsApp დაამატებს forInternet.org-ს, ჩვენს პარტნიორს, რათა შექმნას ძირითადი ინტერნეტ სერვისები, რომელიც ყველასთვის ხელმისაწვდომი გახდება. WhatsApp შეავსებს ჩვენს ჩატსა და სამესიჯო სერვისებს, რათა ჩვენი კომუნიკაციის ახალი სისტემა უზრუნველყოს. "ფეისბუქის" მესენჯერი ფართოდ გამოიყენება "ფეისბუქის" მეგობრებთან ჩატისთვის. ჯენის დიდი ხანია ვიცნობ. მან და WhatsApp-ის გუნდმა დიდი სამუშაო შეასრულეს - მათ თითქმის მილიარდზე მეტი ადამიანი ერთმანეთთან დააკავშირეს. მოუთმენლად ველი, რომ "ფეისბუქში" შემოგვიერთდებიან და დაგვეხმარებიან, რომ მსოფლიოს დარჩენილ ნაწილსაც დავუკავშირდეთ", - დაწერა Facebook-ის დამფუძნებელმა მარკ ცუკერბერგმა საკუთარ გვერდზე.