მეცნიერმა ქალმა მეცნიერება სტრიპტიზზე გაცვალა

მეცნიერი ქალი ძელზე ცეკვამ იმდენად გაიტაცა, რომ ლაბორატორიის ხალათი სტრიპტიზის მოცეკვავის კოსტუმზე გაცვალა.

რამდენიმე წლის წინ რებეკა სლეინი სანდერლენდის უნივერსიტეტის თანამშრომელი იყო, სადაც იგი სამედიცინო ქიმიის ლექციებს კითხულობდა.

სადოქტორო დისერტაციისთვის მზადების დროს ბრიტანელმა გარეგნობის გაუმჯობესება გადაწყვიტა და ამ მიზნით, ძელზე ცეკვის გაკვეთილებზე ჩაეწერა. ქალის თქმით, იგი ვერც კი წარმოიდგენდა, რომ ეს ჰობი მის მთელ ცხოვრებას შეცვლიდა.

მაგრამ სადოქტორო ხარისხის მიღების შემდეგ ბრიტანელი მეცნიერი მიხვდა, რომ მას უნივერსიტეტში პედაგოგობასა და ძელზე ცეკვას შორის არჩევანი უნდა გაეკეთებინა.

ყოფილი მეცნიერის საქციელმა მისი სკეპტიკურად განწყობილი კოლეგები გააოცა: რებეკამ მთელი ბრიტანეთის მასშტაბით მრავალრიცხოვან საცეკვაო კონკურსებში მიიღო მონაწილეობა და პრესტიჟული ჯილდო UK Pole Professional Cup-იც კი მოიგო.

პროფესიონალების მიერ აღიარების შემდეგ, მან ადგილობრივ ბარ "სმიტის სახლში" ცეკვა დაიწყო და ცეკვას სხვებსაც ასწავლის.

"ზოგიერთი ამბობს, რომ შესანიშნავი განათლება ცეკვაში ტყუილად გავცვალე, მაგრამ ეს ასე არ არის. ჩემი ძველი სამუშაო და მეცნიერება მიყვარს, მაგრამ თითქოს რაღაც მაკლდა. ახლა დაახლოებით 150 ადამიანს ვასწავლი ცეკვას და ეს იმაზე უკეთესია, რასაც ვაკეთებდი",- ამბობს ქალი.

მომზადებულია news.am-ის მიხედვით.