ჯოზეფ ბაიდენმა ვიქტორ იანუკოვიჩს უკრაინის დედაქალაქის ქუჩებიდან სპეცრაზმის გაყვანისკენ მოუწოდა
აშშ-ის ვიცე-პრეზიდენტმა ჯოზეფ ბაიდენმა ვიქტორ იანუკოვიჩს უკრაინის დედაქალაქის ქუჩებიდან სპეცრაზმის გაყვანისკენ მოუწოდა, - ამის შესახებ ინფორმაციას თეთრი სახლი ავრცელებს.
ვიცე-პრეზიდენტის ოფისის ინფორმაციით, უკრაინის პრეზიდენტთან სატელეფონო საუბარში ჯოზეფ ბაიდენმა უკრაინაში არსებული ვითარების გამო შეშფოთება გამოთქვა და იანუკოვიჩს ქუჩებიდან სამთავრობო ჯარების გაყვანისა და მაქსიმალური თავშეკავებისკენ მოუწოდა. აშშ-ის ვიცე-პრეზიდენტმა იანუკოვიჩს ასევე განუცხადა, რომ აშშ-ი გმობს ძალადობას კონფლიქტის ყველა მხარის მიერ, თუმცა მიიჩნევს, რომ განსაკუთრებული პასუხისმგებლობა ქვეყანაში დაძაბულობის განმუხტვაზე ხელისუფლებას ეკისრება. "ვიცე-პრეზიდენტმა ხაზგასმით აღნიშნა, რომ მომიტინგეების მოთხოვნებზე საპასუხოდ აუცილებელია დიალოგი ოპოზიციის ლიდერებთან და შეთანხმება პოლიტიკურ რეფორმაზე",- ნათქვამია თეთრი სახლის მიერ გავრცელებულ ინფორმაციაში.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
