16
ივნისიდღის ზოგადი ასტროლოგიური პროგნოზი
ბორჯომში, 9 აპრილის N38-ში მდებარე ბინა ორ ოჯახს ბაქრაძეებსა და სარალიძეებს ეკუთვნის. მათი საბინაო დავა 13 წლის წინ დაიწყო, მეზობლები ფართს ვერ იყოფენ.
ერთ-ერთმა მობინადრემ, თამარ შენგელიამ ქალაქის საბჭოს გაფართოების მოთხოვნით მას შემდეგ მიმართა, რაც მასთან საცხოვრებლად მისი დისშვილი ჯოტო სარალიძე გადავიდა და მისი დაოჯახების შემდეგ, კუთვნილ 18 კვადრატში ვეღარ ეტეოდნენ. ჯოტო სარალიძის დეიდასთან საცხოვრებლად გადასვლა 87 წლის გივი ბაქრაძე თავიდანვე გააპროტესტა. იგი ფიქრობდა, რომ სარალიძე უკანონოდ ჩაეწერა და ამიტომ საჩივრით პროკურატურას მიმართა. მაშინდელმა აღმასკომმა სარალიძეს გამოსახლება დაავალა, თუმცა მან ეს გადაწყვეტილება გაასაჩივრა და სასამართლომ ამჯერად ბინაში დატოვა.
მეზობლებს შორის დავა 2001 წლიდან გაგრძელდა, როდესაც ჯოტო სარალიძემ და მისმა დეიდამ თამარ შენგელიამ სასამართლოს მიმართეს. შემდეგი სასამართლოში დავა ჯოტო სარალიძემ 2007 წელს, თამარ შენგელაიას გარდაცვალების შემდეგ განაგრძო, რომელსაც ქონება ანდერძით გადაეცა.
ბაქრაძე იხსენებს, რომ პირველად სასამართლოში 2009 წელს დაიბარეს და მაშინ მოსარჩელე მხარეს უარი ეთქვა სარჩელის დაკმაყოფილებაზე, როგორც უსაფუძვლო და ხანდაზმული საქმე.
"მას შემდეგ რამდენჯერმე იჩივლა კიდევ. დაიქირავა აუდიტი, შეადგინა ყალბი ნახაზები და წარმოადგინა, როგორც ახალი გარემოება. ამასობაში 13 წელი გავიდა და ჩვენი საქმე არაერთ სასამართლოში განიხილეს. ბოლოს კი სააპელაციო სასამართლოში უჩივლია და 11 თებერვალს ვარ დაბარებული. 85 წლის ვარ, იმდენი მანერვიულეს ორჯერ ინფარქტი გადავიტანე, 13 წელია სასამართლოდან სასამართლოში დავდივარ, ადვოკატიც ვერ ამიყვანია, ჩემს მაგივრად რომ იაროს. პენსიის მეტი შემოსავალი არ გვაქვს", - ამბობს ბაქრაძე.
მეზობლები ბინის გარდა, სასამართლოში ეზოს გაყოფაზეც დავობენ. ეს საქმეც ამ დრომდე სასამართლოშია. ვის გაამართლებს სასამართლო, ჯერ უცნობია.
