სამტრედიის სათნოების სახლში ხუთი ბინადარი გარდაიცვალა

სამტრედიის წმიდა ქეთევანის სახელობის სათნოების სახლის ხუთი ბინადარი მძიმე ვირუსის შედეგად გარდაიცვალა, 5 ბენეფიციარი კი მაღალი სიცხეებით ქუთაისის ინფექციურ საავადმყოფოში იქნა გადაყვანილი.

ეს ინფორმაცია დაავადებათა კონტროლის ეროვნული ცენტრის ხელმძრვანელმა ამირან გამყრელიძემ დაადასტურა.

ამასთან, დაწესებულების დირექციის განმარტებით, მოხუცებს მაღალი სიცხეები და რესპირატორული ვირუსი აღენიშნებოდათ. მისივე თქმით, გარდაცვლილ ბინადრებს უკვე ჩაუტარდათ ექსპერტიზა და მათ მეოთხე ჯგუფის ვირუსი დაუდგინდათ, რომელიც ღორის გრიპის სახელითაა ცნობილი.

"ინტერპრესნიუსი"