მეტროსადგურ "მარჯანიშვილზე" შეფერხების მიზეზად ძაბვის ვარდნა სახელდება

მეტროსადგურ "მარჯანიშვილზე" მეტრპოლიტენის მუშაობა რამდენიმე წუთით შეფერხებული იყო. როგორც "ინტერპრესნიუსს" მეტროპოლიტენის პრესამსახურში განუცხადეს, ძაბვის ვარდნის გამო მატარებელი დაახლოებით 3 წუთის განმავლობაში გაჩერდა.

ამასთან, ძაბვის ვარდნამ შეფერხება მეტროპოლიტენის მხოლოდ ერთი ხაზის, ვარკეთილიდან ახმეტელის მიმართულებით გამოიწვია.

მათივე თქმით, სახანძრო სამსახურში ერთ-ერთმა ქალბატონმა დარეკა, თუმცა სამაშველოს სამსახურის ჩარევა საჭირო არ გამხდარა და მეხანძრეები უკან გააბრუნეს. მგზავრების ევაკუაცია არ მომხდარა.

საგანგებო სიტუაცების სამსახურში განაცხადეს, რომ "მარჯანიშვილის" მეტროში ერთ-ერთ ვაგონში მოკლე ჩართვა მოხდა, თუმცა ამას ხანძარი არ გამოუწვევია.

"ინტერპრესნიუსი"