ლაგოდეხის გამგებელი - ერთხელ და სამუდამოდ გაიგეთ, არ ვარ "ნაციონალი"
ლაგოდეხის გამგებელი ვალერი ალიბეგაშვილი "ქართული ოცნების" მხარდამჭერების მიერ მის "ნაციონალური მოძრაობის" ნდობით აღჭურვილ პირად შერაცხვას გამოეხმაურა. როგორც გამგებელი აცხადებს, ის "ნაციონალური მოძრაობის", როგორც ქვეყნის სისტემის დამანგრევლის წინააღმდეგი იყო და იქნება.
"ერთხელ და სამუდამოდ გაიგეთ, არ ვარ "ნაციონალი", ყოველთვის ვიყავი ოპოზიციაში. შეცდომად მითვლიდნენ იმას, რომ "ნაციონალების" დროს გამგეობაში სოფლის მეურნეობის სამსახურში ვმუშაობდი. ამ სამსახურში რომ მოვხვდი, გავიმარჯვე ორ კონკურსში, შეუძლიათ გადაამოწმონ. ყველა "ნაციონალური მოძრაობის" წევრი არ იყო, ვისაც სამსახური ჰქონდა. მე 2 ინსტიტუტი დავამთავრე და სამსახური არ სჭირდებოდა ჩემ ოჯახს? ქუჩაში ხომ არ დავდგებოდი "ბირჟაზე"? არცერთი პარტიის წევრი არ ვყოფილვარ, გარდა "მრეწველობა გადაარჩენს საქართველოსი", რაიონული ორგანიზაციის თავმჯდომარე ვიყავი, ისიც 90-იან წლებში. ამით ვამაყობ კიდეც", - განუცხადა კახეთის საინფორმაციო ცენტრს ვალერი ალიბეგაშვილმა.
ვალერი ალიბეგაშვილმა თანამდებობიდან წასვლის შესახებ განცხადება დაწერა, თუმცა ადგილობრივი თვითმართველობის არჩევნებში მონაწილეობის მიღებას არ გამორიცხავს.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
